ნებისმიერი ანალიზი გვიჩვენებს, რომ დღეს ფუნდამენტური ფაქტორები არის საკმაოდ ძლიერი, აქედან გამომდინარე, ლარი ზედმეტად გაუფასურებულია - ამის შესახებ საქართველოს პრემიერ-მინისტრმა მამუკა ბახტაძემ ჟურნალისტებს განუცხადა.

შინაგან საქმეთა სამინისტრომ ნარკოდანაშაულისთვის 6 პირი დააკავა, მათ შორის 4 მსხვილი ნარკორეალიზატორია. როგორც შინაგან საქმეთა მინისტრის მოადგილემ, ვლადიმერ ბორცვაძემ ბრიფინგზე განაცხადა, ამოღებულია განსაკუთრებით დიდი ოდენობით ნარკოტიკი.

დღეს, ა.ო "სამცხე-ჯავახეთის მედია ცენტრმა" პროექტის „თანამონაწილეობა უკეთესი შედეგისათვის“ დასკვნითი შეხვედრა გამართა.შეხვედრაზე განიხილეს წელიწადნახევრიანი პროექტის ფარგლებში განხორციელებული აქტივობები და მიღწეული შედეგები.შეხვედრას, ევროპის ფონდის პრეზიდენტი,ადგილობრივი ხელისუფლების წარმომადგენლები და სამოქალაქო ჩართულობის საბჭოს წევრები ესწრებოდნენ.შეგახსენებთ,რომ პროექტის ფარგლებში დიალოგი ხალხსა და ხელისუფლებას შორის ბორჯომის მუნიციპალიტეტის ყველა თემში შედგა ,სადაც გამოიკვეთა ის ძირითადი პრობლემები,რომლებიც ადგილობრივებს აწუხებდათ.


პროექტის მიმდინარეობისას ბორჯომის მუნიციპალიტეტის მასშტაბით გამოვლენილ პრობლემებს,  ადგილობრივი ხელისუფლების წარმომადგენლები ხალხთან ერთად განიხილავდნენ და გადაწყვეტილებასაც მათი ჩართულობით იღებდნენ, არაერთი ყოფითი და ინფრასტრუქტურული პრობლემა მოგვარდა.

დასკვნით შეხვედრაზე შედგა მინი დოკუმენტური ფილმის ჩვენება, რომელიც პროექტის მთლიან პროცესს ასახავდა. პროექტის შედეგების პრეზენტაციის დასასრულს სამოქალაქო ჩართულობის საბჭოს წევრებს გადაეცათ სერთიფიკატები ,,აქტიური მოქალაქეობისათვის", ხოლო ბორჯომის თვითმმართველობის წარმომადგენლებს პროექტის მხარდაჭერისა და ჩართულობისათვის.

პროექტის ფარგლებში,30 სატელევიზიო დისკუსია ჩატარდა,რომელსაც წინ უძღოდა პრობლემების იდენტიფიცირების მიზნით გამართული 30 შეხვედრა მოსახლეობასთან სხვადასხვა თემში.პროექტს ა.ო „სამცხე ჯავახეთის მედია ცენტრი“, “ევროპის ფონდის” მხარდაჭერით და დანიის საერთაშორისო განვითარების სააგენტოს დაფინანსებით ახორციელებდა.

"სამცხე-ჯავახეთის საოლქო პროკურატურამ ფინანსთა სამინისტროს საგამოძიებო სამსახურის სამცხე-ჯავახეთის სამმართველოს თანამშრომლებთან ერთობლივი ოპერატიულ-სამძებრო და საგამოძიებო მოქმედებების შედეგად, სასამართლო განჩინების საფუძველზე, ექიმი რ.ჯ. დააკავა. იგი სამედიცინო საქმიანობას ეწეოდა ქ.ბორჯომში და ფსიქოტროპული ნივთიერების შესაძენად ამზადებდა და ასაღებდა ყალბ რეცეპტებს.

საქართველოში საქონლის ხორცი 2 ლარით გაძვირდა. თბილისის აგრარულ ბაზრებში თუ ერთი თვის წინ ერთი კილოგრამი საქონლის ხორცის ყიდვა 18 ლარად იყო შესაძლებელი, ახლა 20 ლარი ღირს. ფერმერები ამბობენ, რომ ფასის ზრდა საქონლის ხორცის დეფიციტმა გამოიწვია. დეფიციტის მიზეზად კი ცოცხალი საქონლის ქვეყნიდან გაყვანას ასახელებენ.

მთავრობა იუსტიციის სამინისტროს მმართველობის სფეროში მოქმედი საჯარო სამართლის იურიდიული პირების – არასაპატიმრო სასჯელთა აღსრულებისა და პრობაციის ეროვნული სააგენტოსა და დანაშაულის პრევენციის ცენტრის გაერთიანებას გეგმავს. ისინი სსიპ-ის - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს სახით ჩამოყალიბდებიან.

ბორჯომში სილამაზის ხიდის რეაბილიტაციის დასკვნითი ეტაპი მიმდინარეობს.გამოიცვალა დაზიანებული ფეხით სავალი ნაწილი,ხიდი შეიღება და განათდა.ამ ეტაპზე მიმდინარეობს ხიდზე სამანქანო გზის მოასფალტება,რის გამოც ავტომანქანების გადაადგილება 27 ივლისამდე შეიზღუდა.ხვალ სილამაზის ხიდის სამანქანო ნაწილში მოძრაობა აღდგება.

სილამაზის ხიდის რეაბილიტაცია, ბორჯომის მერიას 45 000 ლარამდე დაუჯდა.

დღეს,ბორჯომის მუნიციპალიტეტის საკრებულოს გეგმიურ სხდომაზე,დეპუტატებმა 4 საკითხი განიხილეს.რიგით 1-ლი საკითხი 2019 წლის ბიუჯეტის ხარჯვით ნაწილში ცვლილებების შეტანას ეხებოდა,კერძოდ 170 000 ლარით შემცირდა ფეხით სავალი ნაწილის მოპირკეთების ხარჯები,30 000 ლარით კი საცხოვრებელი და არასაცხოვრებელი შენობების რეაბილიტაციის ხარჯები,გამოთავისუფლებული თანხა რამდენიმე მიმართულებით გაიხარჯება.საკრებულოს სხდომაზე ცნობილი გახდა,რომ მოტივაციის ამაღლებისა და წახალისების მიზნით ბორჯომის საფეხბურთო გუნდ „თორს“, ერთჯერადად , 30 000 ლარი გადაეცემა.

საკრებულოს სხდომაზე დეპუტატებმა იმსჯელეს სტიქიის პრევენციის ხელშეწყობის მიზნით ბორჯომის მუნიციპალიტეტში 2019 წელს დასაფინანსებელი საპროექტო წინადადების შესახებ.

რიგით მეოთხე საკითხი ეხებოდა,ჯანმრთელობის დაცვისა და სოციალური უზრუნველყოფის განყოფილების ინფორმაციას 2019 წელს დაგეეგმილი და შესრულებული მომსახურების შესახებ.

ბორჯომში,ნიკოლაძის ქუჩაზე მცხოვრები ადგილობრივები სკვერის მოწყობას ითხოვენ.მათი განცხადებით ტერიტორია,სადაც დასასვენებელი სივრცის განთავსება სურთ,ამ ეტაპზე დაბინძურებულია.ადგილობრივები ამბობენ,რომ აქ უამრავი ქვეწარმავალია და ბავშვებისთვის გადადგილება საფრთხის შემცველია.სკვერის მოწყობასთან ერთად ნიკოლაძის ქუჩაზე მცხოვრებლები მიმდებარედ არსებული ავარიული შენობის გამაგრებას ან უარეს შემთხვევაში დემონტაჟს ითხოვენ.

თიბისი ბანკის ჯგუფის სამეთვალყურეო საბჭო დარწმუნებულია მამუკა ხაზარაძისა და ბადრი ჯაფარიძის სიმართლეში და ელოდება როდის გაქარწლდება ყველა დავა მათ წინააღმდეგ, - ამის შესახებ თიბისი ბანკის ჯგუფის განცხადებაშია ნათქვამი.