ერთიანი ეროვნული გამოცდებისა და სტუდენტთა საგრანტო კონკურსისთვის სააპელაციო განაცხადების მიღება 7 აგვისტოს, 10:00 საათიდან დაიწყება და 13 აგვისტოს, 18:00 საათამდე გაგრძელდება.

ამ წუთებში ,ბორჯომის ცენტრში,სილამაზის ხიდთან,ავტომანქანების მოძრაობა ცალმხრივად შეზღუდულია.ამის მიზეზი,სატვირთო ავტომანქანის მწყობრიდან გამოსვლა გახდა,დაზიანებული ტრაილერი ქალაქის ცენტრშია გაჩერებული.

საქართველოს საგარეო საქმეთა სამინისტრო 2008 წლის აგვისტოს რუსეთ-საქართველოს ომის მე-11 წლისთავთან დაკავშირებით განცხადებას ავრცელებს.

რამდენიმე დღის წინ სოციალურ ქსელში ბორჯომის საკრებულოს დეპუტატის, ბაკურ გელაშვილის პოსტი გავრცელდა,სადაც იგი აცხადებდა,რომ ბორჯომის ნომერ მეორე ჩამომსხმელმა ქარხანამ ყვიბისში მცხოვრებ ადგილობრივებს სოფლის ერთადერთი დასასვენებელი ადგილისკენ მიმავალი გზა დაუკეტა.საუბარია ტყეში არსებულ ამ ზონაზე ,რომელსაც ადგილობრივები სკვერს უწოდებენ და აქ ყვიბისელების მიერ საკუთარი ხელით შექმნილი სავარჯიშო ინვენტარი და ხის სკამებია განთავსებული.ე,წ სკვერით მთელი სოფელი აქტიურად სარგებლობს,თუმცა დსასვენებელ ადგილზე,მოსახვედრად ქარხნის კერძო ტერიტორიის გავლაა საჭირო,სადაც რამდენიმე დღეა გადადგილება შეიზღუდა.


დასასვენებელ ადგილამდე მისასვლელი გზის შეზღუდვას მთელი სოფელი აპროტესტებს.აცხდებენ,რომ ეს ერთადერთი ადგილია, სადაც როგორც ახალგაზრდები ასევე ხანდაზმული ადამიანები მიდიან და დროს ჯანსაღ გარემოში ატარებენ.


ტელეკომპანია "ბორჯომი" , კომპანია „IDS ბორჯომი საქართველოს" დაუკავშირდა,მათი განცხადებით ეს კერძო ტერიტორიაა და გზა ადგილობრივი მოსახლეობის უსაფრთხოების მიზნით დაიკეტა,ვინაიდან ქარხნის ტერიტორიაზე ძალიან ბევრი მანქანა მოძრაობს,შეიქმნა საფრთხე ადგილობრივებისათვის.კომპანიაში ამბობენ რომ ,ადგილობრივ მოსახლეობას ამ საკითხთან დაკავშირებით უკვე შეხვდნენ და ვითარება განუმარტეს.ქარხნის ადმინისტრაციასთან შეხვედრას ადასტურებს ბაკურ გელაშვილიც,ამბობს,რომ შეხვედრაზე შეთანხმებას მიაღწიეს და ქარხანა ადგილობრივებს ალტერნატიული გზის მოწყობას დაჰპირდა.


ყვიბისში იმედოვნებენ,რომ დაპირებისამებრ დასასვენებელ ადგილამდე მისასვლელი ალტერნატიული გზა უახლოეს მომავალში მოეწყობა.

ივლისში რუსეთიდან ვიზიტორების 6.4%-იანი კლება გვაქვს, ტურისტული ვიზიტები 14%-ითაა შემცირებული- ამის შესახებ ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა ტურიზმის მე-2 კვარტლის სტატისტიკის შეჯამებისა და ივლისის სტატისტიკურ მონაცემებზე საუბრისას განაცხადა.

ტელეკომპანია „ბორჯომს“ სოციალური ქსელის ერთ-ერთმა მომხმარებელმა ფოტო მიაწოდა ,სადაც კარგად ჩანს დაბა ბაკურიანში სამშენებლო ნარჩენებით დაბინძურებული ტერიტორია,რომელიც ბეატლონის ტრასასთან ახლოს მდებარეობს.

ბორჯომში, ნიკოლაძის ქუჩაზე მცხოვრები ადგილობრივები ბორჯომის N1 ჩამომსხმელი ქარხნის ადმინისტრაციას თხოვნით მიმართავენ,მოხდეს ქუჩის მიმდებარე ტერიტორიაზე განთავსებული სატვირთო ავტომანქანების გაყვანა.

“გრინვეი საქართველოს“ ხელმძღვანელმა პირებმა, კამპანიის „გრინვეი ყველგანაა" ფარგლებში,დღეს, ბორჯომის მერთან ერთად ტექინსპექტირების ადგილობრივი სერვისცენტრი დაათვალიერეს.

შეფასებისა და გამოცდების ეროვნული ცენტრი უცხო ენების გამოცდის შედეგებს აქვეყნებს. შედეგების ნახვა აბიტურიენტებს ცენტრის ვებ-გვერდზე, შესაბამის ველში პირადი ნომრისა და საიდენტიფიკაციო ნომრის შეყვანით შეუძლიათ.

ფინანსთა სამინისტროს საგამოძიებო სამსახურის თანამშრომლებმა ყალბი სერტიფიკატის დამზადება-გასაღების ფაქტზე ერთი პირი დააკავეს. 
მათივე ინფორმაციით, ფინანსთა სამინისტროს საგამოძიებო სამსახურის თანამშრომლების მიერ გატარებული ოპერატიულ-სამძებრო და საგამოძიებო მოქმედებების შედეგად, საქართველოს სსკ-ის 221-ე მუხლის მე-3 და 362-ე მუხლის პირველი ნაწილებით გათვალისწინებული კომერციული მოსყიდვისა და ყალბი დოკუმენტის დამზადება-გასაღების ფაქტზე დაკავებულ იქნა ერთი პირი.

„გამოძიებით დადგინდა, რომ პროფესიული სასწავლებლის დირექტორმა დაამზადა და 950 ლარად გაასაღა სამედიცინო განათლების მიღების დამადასტურებელი ყალბი სერტიფიკატი, რა დროსაც მოხდა მისი დაკავება“, - ნათქვამია განცხადებაში. აღნიშნული ქმედება სასჯელის სახით ითვალისწინებს თავისუფლების აღკვეთას 2-დან 4 წლამდე ვადით.