ჩვენს მიერ გადადგმული ნაბიჯები მაძლევს საფუძველს, ვთქვა, რომ ჩვენ აუცილებლად დავაბრუნებთ ტურისტულ სექტორში იმ ძალიან მზარდ დინამიკას, რომელიც გვქონდა- ამის შესახებ საქართველოს პრემიერ-მინისტრმა მამუკა ბახტაძემ განაცხადა.

მთავრობის მეთაურის თქმით, ივლისის მონაცემებით, ტურისტული სექტორის ზარალმა 60 მილიონ დოლარამდე შეადგინა, თუმცა ძალიან კარგი ტრენდი დაფიქსირდა ივნისში აჭარაში, როდესაც წინა წლის ანალოგიურ პერიოდთან შედარებით, ტურიზმი 40%-ით გაიზარდა.

“დღეს აუცილებელია, ტურიზმის სექტორში მოღვაწე მცირე და საშუალო ბიზნესს გვერდით დავუდგეთ და დავეხმაროთ. ჩვენ დავამუშავეთ ორი პროგრამა, რომელიც, ვფიქრობ, საკმარისი იქნება, რომ ტურიზმის სექტორში მომუშავე მცირე და საშუალო მეწარმეები გაუმკლავდნენ იმ პრობლემებს, რომლებიც მოკლე ვადაში შეგვექმნა. რაც შეეხება საშუალოვადიან პერსპექტივას, დარწმუნებული ვარ, ჩვენ დავაბრუნებთ ტურიზმის სექტორში იმ პოზიტიურ დინამიკას, რომელიც გვქონდა” - აღნიშნა პრემიერ-მინისტრმა.

საპენსიო სქემა 141 000-მა ადამიანმა დატოვა, მათ შორის 41 000 საჯარო მოხელეა, - ამის შესახებ  საპენსიო სააგენტოს დირექტორმა, ლევან სურგულაძემ განაცხადა.

როგორც სურგულაძე ამბობს, საპენსიო სქემაში ახლად გაწევრიანებულების რიცხვი 800-ით მეტია გასულების რაოდენობაზე.

„სქემაში ჩართულ ადამიანთა რიცხვი 800-ით მეტი წასულ ადამიანთა რიცხვზე. მაღალი მომართვიანობა გასვლაზე იყო აპრილი, მაისი, ივნისის პერიოდში, დღეს მომართვიანობა 15 ჯერ შემცირებულია.იმ 860 000 ადამიანიდან, რომელიც 1 იანვრიდან ჩაერთვნენ საპენსიო სქემაში, მათი რაოდენობა ვისაც უკვე გაუჩნდა სქემის დატოვების უფლება, შეეძლო დატოვება და არ დატოვა ან მომავალში გაუჩნდება, ასეთი არის 325 000 ადამიანი.860 000 ადამიანიდან 16.5%-მა, ანუ დაახლოებით 141 000-მა ადამიანმა დატოვა სქემა. აქედან 41 800 საჯარო მოხელეა"-განაცხადა ლევან სურგულაძემ.

ბორჯომში,ბორჯომ- ხარაგაულის ეროვნული პარკის ვიზიტორთა ცენტრის რეკონსტრუქცია მიმდინარეობს.სარეაბილიტაციო სამუშაოები ერთი კვირაა დაიწყო და მათი დასრულება სექტემბრის ბოლოს იგეგმება.ვიზიტორთა ცენტრში დაგეგმილია სხვადასხვა საგანმანათლებლო და საინფორმაციო სივრცეების შექმნა.რეკონსტრუქციის შემდეგ ბორჯომ-ხარაგაულის ეროვნული პარკის ვიზიტორთა ცენტრი შემდეგ სახეს მიიღებს.

აღნიშნულ თემაზე სიუჟეტი ტელეკომპანია "ბორჯომმა" მიმდინარე კვირაში მოამზადა.სოციალური ქსელის ერთ-ერთმა მომხმარებელმა ფოტო მოგვაწოდა ,სადაც კარგად ჩანს დაბა ბაკურიანში

რუსეთ-საქართველოს აგვისტოს ომიდან 11 წელი გავიდა.სამცხე-ჯავახეთის რწმუნებულმა ბესიკ ამირანაშვილმა,ბორჯომის მერმა ლევან ლიპარტიამ და ადგილობრივი ხელისუფლების წარმომადგენლებმა ახალდაბაში,ომში დაღუპულ გმირთა მემორიალი ყვავილებით შეამკეს და მათ ხსოვნას პატივი კიდევ ერთხელ მიაგეს.სასულიერო პირებმა დაღუპულთა სულის მოსახსენიებელი პანაშვიდი გადაიხადეს.დაბა ახალდაბიდან აგვისტოს ომს ორი მოხალისე შალვა გაბუნია და დევი ჩადუნელი შეეწირნენ.

რუსეთ-საქართველოს 2008 წლის აგვისტოს ომის 11 წლისთავთან დაკავშირებით, “საერთაშორისო გამჭვირვალობა-საქართველოს“ ინიციატივით, გორში აგვისტოს ომის სახელობის კედელი გაიხსნა.

საქართველოს პრეზიდენტი სალომე ზურაბიშვილი საქართველო-რუსეთის ომის მე-11 წლისთავთან დაკავშირებით მიმართვას ავრცელებს.

ოკუპაცია არის საერთო ეროვნული ტკივილი, ეს არის საერთო ეროვნული გამოწვევა და მე დარწმუნებული ვარ საქართველო აუცილებლად დაძლევს ოკუპაციას, - ამის შესახებ პრემიერ-მინისტრმა მამუკა ბახტაძემ ჟურნალისტებს მუხათგვერდის ძმათა სასაფლაოზე განუცხადა, სადაც 2008 წლის რუსეთ-საქართველოს ომში დაღუპულთა ხსოვნას პატივი მიაგო. როგორც პრემიერმა აღნიშნა, დღევანდელი დღე დიდი ტკივილი და მოუშუშებელი იარაა ქვეყნისთვის.

საქართველო-რუსეთის ომის მე-11 წლისთავთან დაკავშირებით, ყველა სახელმწიფო უწყებაზე საქართველოს სახელმწიფო დროშა დაეშვა. დროშები 23:00 საათზე დაეშვა და 8 აგვისტოს 00:00 საათამდე იქნება დაშვებული. დროშები დაეშვა მათ შორის პარლამენტისა და პრეზიდენტის სასახლის შენობებზე.

მომდევნო დღეების განმავლობაში საქართველოს ზოგიერთ რაიონში მოსალოდნელია ხანმოკლე წვიმა ელჭექით. ამის შესახებ გარემოს ეროვნული სააგენტოს პროგნოზირების ცენტრის ხელმძღვანელმა, სვეტლანა ნიორაძემ განაცხადა.