სემეკი-ს თავმჯდომარის, დავით ნარმანიას განცხადებით, 2020 წლის იანვრიდან ახალი აბონენტები, რომლებიც გაზის აბონენტად რეგისტრაციისთვის განაცხადით მიმართავენ თბილისში „თბილისი ენერჯის“ და რეგიონებში „სოკარს“, გაორმაგებულ საფასურს გადაიხდიან. როგორც ნარმანია  აცხადებს, აღნიშნული ცვლილება ტარიფის ზრდის თავიდან აცილების მიზნითაა მიღებული.

სასტუმრო "ბორჯომი-ლიკანის" თანამშრომლების აქცია მოლაპარაკებით დასრულდა.გავრცელებული ინფორმაციით, სასტუმროს მენეჯერმა კონკრეტული დაპირებები გააჟღერა,რის შემდეგაც სასტუმროს პერსონალმა მუშაობის გაგრძელების გადაწყვეტილება მიიღო.დაპირებები ეხებოდა საშტატო პოლიტიკის ცვლილებას.

ზამთრის ტურისტული სეზონის პიკზე კურორტი ბაკურიანი უწყლოდ დარჩა. როგორც სოციალურ ქსელში დამსვენებლები წერენ, ბოლო რამდენიმე დღეა ბაკურიანს წყალი გრაფიკით მიეწოდება, რის გამოც დამსვენებლების ნაწილმა, მათ შორის უცხოელებმა კურორტი უკვე დატოვეს.

როგორ აისახება საკვები პროდუქტების გაძვირება,ბორჯომში მცხოვრები ადგილობრივების საახალწლო სუფრაზე - ამ კითხვით ,დღეს, მოსახლეობას მივმართეთ.

ქარელის მუნიციპალიტეტის სოფელ დირბში 22 წლის ახალგაზრდა მოკლეს. შემთხვევა ცოტა ხნის წინ მოხდა. არსებული ინფორმაცით, 22 წლის ახალგაზრდა მისივე ოჯახის წევრმა მოკლა.

2019 წლის 9 თვეში სახელმწიფო უწყებებში დასაქმებულთა პრემია-დანამატებზე ჯამში 167,8 მლნ ლარი გაიცა, აქედან, 4,8 მლნ პრემიაზე, ხოლო 163 მლნ დანამატზე მოდის. ბიუჯეტის მონიტორის სტატისტიკის მიხედვით, 2018 წლის ანალოგიურ პერიოდში პრემია-დანამატების საერთო მოცულობამ 148,3 მლნ ლარი შეადგინა. შედეგად გამოდის, რომ წელს სახელმწიფო ხაზინას თანამდებობის პირების პრემია-დანამატები 19,5 მლნ ლარით უფრო ძვირი დაუჯდა.

კიდევ ერთხელ ვთხოვ ჩვენს თანამოქალაქეებს, რომ დაუბრუნდნენ შეკრებისა და მანიფესტაციის მშვიდობიან ფორმებს, გააგრძელონ პროტესტი რამდენი ხანიც სურთ, ჩვენ პოლიტიკოსები კი ვაგრძელებთ კონსულტაციებს და დიალოგს - ამის შესახებ პარლამენტის თავმჯდომარემ არჩილ თალაკვაძემ ჟურნალისტებს განუცხადა.

ეროვნულ ბიბლიოთეკასთან რამდენიმე პირი დააკავეს, მათ შორის ოპოზიციის წარმომადგენლები. დაკავებულებს შორის არიან „ევროპული საქართველოს“ ლიდერები გიგი უგულავა და გიორგი კანდელაკი.

27 ნოემბრიდან 2020 წლის 15 მაისის ჩათვლით ევროპის საბჭოს მინისტრთა კომიტეტის თავმჯდომარე საქართველო ხდება.

ხაშურის მუნიციპალიტეტის სოფელ ცხრამუხაში ერთ-ერთმა მოქალაქემ საკუთარი საცხოვრებელი სახლის ეზოში ფოთლები დაწვა, რის გამოც, გარემოსდაცვითი ზედამხედველობის დეპარტამენტმა აღნიშნული პირი 200 ლარით დააჯარიმა.