ა.ო "სამცხე-ჯავახეთის მედია ცენტრმა" პროექტის "თანამონაწილეობა უკეთესი შედეგისათვის" ფარგლებში განხორციელებული აქტივობები შეაჯამა.შეხვედრას, პროექტის მართვის გუნდი,სამოქალაქო ჩართულობის საბჭოს წევრები და ბორჯომის მერი ლევან ლიპარტია ესწრებოდნენ.შეხვედრაზე განიხილეს პროექტის ფარგლებში ბორჯომის მუნიციპალიტეტის სოფლებში განხორციელებული სამუშაოები და იმსჯელეს მიღწეულ შედეგებზე.

შეგახსენებთ,რომ პროექტის ფარგლებში, ,დიალოგი ხალხსა და ხელისუფლებას შორის ბორჯომის მუნიციპალიტეტის მასშტაბით ყველა თემში გაიმართა.

პროექტს ა.ო „სამცხე ჯავახეთის მედია ცენტრი“, “ევროპის ფონდის” მხარდაჭერით და დანიის საერთაშორისო განვითარების სააგენტოს დაფინანსებით ახორციელებს.

2019 წლის ივნისში, წინა თვესთან შედარებით, საარსებო მინიმუმი 2 ლარით შემცირდა.კერძოდ, სტატისტიკის ეროვნული სამსახურის ინფორმაციით, ივნისში შრომისუნარიანი ასაკის მამაკაცის საარსებო მინიმუმი 188.1 ლარს შეადგენდა, მაშინ როცა მაისში ეს მაჩვენებელი 190.1 ლარი იყო.

მთავრობის 10 ივლისის დადგენილებით, სამშენებლო დოკუმენტში გარკვეული ცვლილებების შედეგად, პირს ახალი სამშენებლო ნებართვის აღება დასჭირდება.

სახეობათა კონსერვაციის სამეცნიერო კვლევითმა ცენტრმა „ნაკრესმა“ პროექტის ,,ტყის მრავალფუნქციური გამოყენების დანერგვა და პოპულარიზაცია ბორჯომის მუნიციპალიტეტში’’ ფარგლებში,ტყის მრავალფუნქციურ გამოყენებასთან დაკავშირებით შეხვედრა გამართა.შეხვედრას,ეროვნული სატყეო სააგენტოს ხელმძღვანელები და ბორჯომში მოქმედი მცირე ტურისტული ბიზნესების წარმომადგენლები ესწრებოდნენ, რომლებიც დაინტერესებულნი არიან ეროვნული სატყეო სააგენტოს ტერიტორიაზე ეკოტურიზმის განვითარებით. შეხვედრა კითხვა-პასუხის რეჟიმში წარიმართა.

"ბრძანება მე გავეცი, მე ვიმოქმედე საქართველოს კონსტიტუციის და კანონმდებლობის ფარგლებში, ნარინჯისფერი ტყვია არის არალეტალური" - ამის შესახებ შს მინისტრმა გიორგი გახარიამ განაცხადა. კითხვაზე მან გასცა თუ არა ყველა ბრძანება, რომელიც 20 ივნისის ღამეს უნდა გაცემულიყო, მინისტრი ამბობს, რომ ბრძანება მან გასცა.

მართლმადიდებელი ეკლესია დღეს პეტრე-პავლობას, წმიდათა დიდებულთა და ყოვლადქებულთა თავთა მოციქულთა პეტრეს და პავლეს ხსენების დღეს აღნიშნავს.

ჰერალდიკის სახელმწიფო საბჭოს ინიციატივით, საქართველოს ყოფილი სახელმწიფო დროშა და საქართველოს ყოფილი სახელმწიფო გერბი კულტურული მემკვიდრეობის ძეგლად გამოცხადდა.

ჩვენ მტკიცედ ვუჭერთ მხარს საქართველოს ტერიტორიულ მთლიანობას. მკაფიოდ მინდა განვაცხადო, რომ აღმოსავლეთ ევროპა არ არის ბატონი პუტინის უკანა ეზო. სხვა მხრივ, რუსეთი რჩება ჩვენს მეზობლად და ჩვენ გვჭირდება ღია, გულწრფელი, თუმცა ასევე კონსტრუქციული დიალოგი რუსეთთან, რათა მოვაგვაროთ არსებული დავები - აღნიშნული განცხადება საქართველოში ვიზიტით მყოფმა გერმანიის სახელმწიფო მინისტრმა ევროპის საკითხებში მიხაილ როთმა გააკეთა.

ამერიკის შეერთებული შტატები შეშფოთებით აკვირდებოდა რუსეთის მთავრობისა და დუმის წევრების არაპროპორციულ რეაქციას საქართველოში მიმდინარე მოვლენებთან დაკავშირებით - ამის შესახებ აშშ-ის სახელმწიფო დეპარტამენტის წარმომადგენელმა "ამერიკის ხმის" სპეციალურ კორესპონდენტს სინდი სეინს განუცხადა, რითაც საქართველოში ბოლო ერთი კვირის მანძილზე მიმდინარე მოვლენებთან დაკავშირებით, რუსეთის მხარის რეაქციას გამოეხმაურა.

„ჩვენ მივესალმებით რუსი და ქართველი ლიდერების გაკეთებულ განცხადებებს და გადაწყვეტილებებს ორმხრივი ურთიერთობების დასტაბილურების მიზნით და მოვუწოდებთ რუსეთს, განაახლოს ავიამიმოსვლა საქართველომდე და უკან", - განაცხადა აშშ-ის სახელმწიფო დეპარტამენტის წარმომადგენელმა.

I საერთაშორისო კონკურსი და VIII საერთაშორისო ფესტივალი ,,ბორჯომი 2019“ ,გუშინ, ბორჯომის ცენტრალური პარკის კინო-საკონცერტო დარბაზში საზიმოდ დაიხურა.ფესტივალი ბორჯომში 10 დღის განმავლობაში მიმდინარეობდა, გრან-პრი ჟიურის მიერ სხვადასხვა ნომინაციებში გამარჯვებულ მუსიკოს-შემსრულებლებს გადაეცათ.ფესტივალის ჩატარება ბორჯომში უკვე ტრადიციად იქცა,მისი დამაარსებელია ქართული ფოლკლორისა და კლასიკური მუსიკის განვითარების კავშირი ,,ჰარმონია", ციცინო ბიჭიკაშვილის ხელმძღვანელობით.