„ევროპული საქართველოს" ლიდერმა, დავით ბაქრაძემ ოპოზიციის გეგმებზე საუბრისას განაცხადა:
„მთელი ჩვენი გეგმები ამ დარჩენილ 8 თვეში ემსახურება ამოცანას - ოქტომბრის არჩევნების მოგებას. შესაბამისად, ჩვენ გაწერილი გვაქვს აქტივობები, უახლოეს პერიოდში საზოგადობა ნახავს და მათთან ერთად პარლამენტის წინ ძალიან მწვავე საპროტესტო აქციები გვექნება. ასევე გვექნება გასვლები რეგიონებში და მათ შორის ხალხთან შეხვედრაც, აქციებიც რეგიონში. პირველი დიდი აქცია, რომელიც ამ 8- თვიან გაწერილ პროცესში იქნება, 4 აპრილის აქციაა, სადაც ძალიან ბევრ ადამიანს ველით. ოპოზიცია საზოგადოებას გააცნობს კონკრეტულ ნაბიჯებსა და გეგმას, რას გავაკეთებთ შემდეგი დარჩენილი თვეების განმავლობაში და გააცნობს უკვე შეთანხმებულ კანდიდატებს, იმ ადამიანებს, ვინც ოპოზიციის სახელით იბრძოლებს და წელს „ქართულ ოცნებას“ აუცილებლად დაამარცხებს“, - აღნიშნა ბაქრაძემ.

საქართველოს პარლამენტის დელეგაციის წევრები სტრასბურგში, ასოცირების საპარლამენტო კომიტეტის მეცხრე სხდომის გახსნამდე, ევროპარლამენტის ვიცე-პრეზიდენტ კლარა დობრევს შეხვდნენ.

ხელისუფლებას გიგი უგულავას დაპატიმრების გამო ევროპარლამენტარი რასა იუკნიავიჩინეს აკრიტიკებს.

მშვიდი პერიოდი არჩევნებამდე არ გველოდება. არ ვიცით, რომელ წუთას, რა ფეთქებადი სიტუაცია შეიძლება განვითარდეს. პოლიტიკური სტაბილურობა, რომელიც „ქართული ოცნების“ მთავარი მონაპოვარი იყო, საფრთხის წინაშე დგას, შანსი, რომ საარჩევნო სისტემასთან დაკავშირებით ხელისუფლებასა და ოპოზიციას შორის მოლაპარაკებები გაგრძელდეს, ნაკლებია. ოპოზიციამაც და ხელისუფლებამაც უნდა იზრუნოს, რომ არჩევნები მაქსიმალურად მშვიდ ვითარებაში ჩატარდეს - ამის შესახებ პარლამენტის წევრმა, ყოფილმა ვიცე-სპიკერმა ზვიად ძიძიგურმა პრესკონფერენციაზე განაცხადა.

„მე მგონი მოლაპარაკებას, რომელიც ხელისუფლებასა და ოპოზიციას შორის რაუნდებად მიმდინარეობდა, პერსპექტივა აქვს ძალიან ნაკლები. იქიდან გამომდინარე რომ ბატონი უგულავას დაპატიმრება, ვფიქრობ, რომ ძალიან მნიშვნელოვანი ფაქტია ოპოზიციისთვის და მათი არგუმენტები, რომ მოლაპარაკების მაგიდასთან ყოფნის დროს დააპატიმრეს ერთ-ერთი ლიდერი, ეს არის ისეთი არგუმენტი, რომელიც მოლაპარაკების ჩაშლას მათი მხრიდან უფრო მაღალი ალბათობით, შესაძლებელს ხდის.
მე, რასაც ვხედავ, რა პოლიტიკიური პროცესებიც მიდის ქვეყანაში, მშვიდი პერიოდი არჩევნებამდე ჩვენ არ გველოდება. არ ვიცით, რომელ წუთას, რა ფეთქებადი სიტუაცია შეიძლება განვითარდეს, იმიტომ, რომ საქართველო და მისი პოლიტიკური ცხოვრება ამ წუთას არის სრულიად არასტაბილური და ნამდვილად წინასწარ ვერავინ იტყვის, თუ როგორი არჩევნები ჩატარდება. დაძაბულობის პიკი როგორი იქნება. ძალიან დაიძაბა ვითარება და ნამდვილად არ არის ჩვენი ქვეყნისთვის კარგი. პოლიტიკური სტაბილურობა, რომელიც იყო „ქართული ოცნების“ მთავარი მონაპოვარი საფრთხის წინაშე დგას. იპოზიციის პოზიციები მას შემდეგ, რაც პროპორციული არჩევნების თემა ჩავარდა, არის გაძლიერებული და ხელისუფლების პოზიციები შესუსტებულია. ყველას ვალია, მათ შორის ოპოზიციის, ხელისუფლებისაც, რომ როგორმე სიტუაციის დამშვიდებისკენ გადაიდგას ნაბიჯები“, - განაცხადა ძიძიგურმა.

პარლამენტის თავმჯდომარის არჩილ თალაკვაძის განცხადებით, საარჩევნო სისტემის ცვლილებასთან დაკავშირებით ხელისუფლების მიერ ოპოზიციისთვის შეთავაზებული ვარიანტზე თებერვლის ბოლომდე შეთანხმება თუ ვერ შედგება, მოლაპარაკების ბოლო რაუნდიც დაიხურება.

საქართველოს ყოფილი პრეზიდენტი და "ერთიანი ნაციონალური მოძრაობის ლიდერი" მიხეილ სააკაშვილი ფეისბუქის პირად გვერდზე მორიგ ვიდეომიმართვას ავრცელებს.სადაც საუბრობს ,,ნაციონალური მოძრაობის'' ახალი შტაბის გახსნაზე.

ორი მოწვევის პარლამენტის წევრი ჩიორა თაქთაქიშვილი ერთიან ნაციონალურ მოძრაობას ტოვებს. ის პარტიის მხარდამჭერებს ღია წერილით მიმართავს,

საქართველოს ჩართულობა უვიზო რეჟიმის ბოროტად გამოყენების წინააღმდეგ ბრძოლაში კვლავ ძალიან მნიშვნელოვანია, - ამის შესახებ ევროკომისარი სამეზობლო პოლიტიკისა და გაფართოების შესახებ მოლაპარაკებების საკითხებში ოლივერ ვარჰეი აცხადებს.

ჩვენ მხარს ვუჭერთ ამ დიალოგის მიმდინარეობას იმისთვის, რომ პოლიტიკურ ძალებს შესაძლებლობა ჰქონდეთ ევროპული სტანდარტების თავისუფალ არჩევნებში ჩაერთონ, - ამის შესახებ საფრანგეთის ელჩმა საქართველოში, დიეგო კოლასიმ განაცხადა.

საპროკურორო საბჭომ საქართველოს გენერალური პროკურორის ვაკანტურ თანამდებობაზე ირაკლი შოთაძის კანდიდატურა აარჩია. მან 12-დან 11 ხმა მიიღო. ფარული კენჭისყრის შედეგად არჩეულ კანდიდატს საპროკურორო საბჭო განსახილველად საქართველოს პარლამენტს გადაუგზავნის.