პრემიერ-მინისტრი გიორგი გახარია ჟურნალისტებს კითხვაზე, ტოვებს თუ არა თანამდებობას, პასუხობს, რომ "ფინალურ სერიას დაელოდნონ".

NDI-ის კვლევის თანახმად, რომელიც საზოგადოების განწყობას შეეხება და 2019 წლის დეკემბრის გამოკითხვის შედეგებს ასახავს, ევროკავშირსა

ბოლო ათი წლის განმავლობაში პირველად მოსახლეობის 53 პროცენტი ფიქრობს, რომ საქართველო არასწორი მიმართულებით ვითარდება.

ეროვნულ დემოკრატიული ინსტიტუტის (NDI) კვლევის თანახმად, გამოკითხულთა უმრავლესობა მთავრობის საქმიანობას ნეგატიურად აფასებს.

27 პოლიტიკოს შორის საქართველოს პრეზიდენტს, სალომე ზურაბიშვილსა და მმართველი პარტიის თავმჯდომარეს, ბიძინა ივანიშვილს

14 დეკემბერს მმართველი პარტია „ქართული ოცნება“ თბილისში პარტიული ღონისძიების ფარგლებში ფართომასშტაბიანი აქციის გამართვას გეგმავს,

ოპოზიციური პარტიები ხელისუფლებას 2020 წლის არჩევნების ახალ მოდელს სთავაზობენ. ინიციატივის ავტორი 30-მდე პარტიაა, მათ შორის „ევროპული საქართველო“, „ნაციონალური მოძრაობა“, „ლელო, "შენების მოძრაობა", „დემოკრატიული მოძრაობა – ერთიანი საქართველო“ და ა.შ.

„ევროპული საქართველოს“ დეპუტატი გიორგი კანდელაკი, რომელიც მისივე ინფორმაციით, სამართალდამცავებმა ეროვნული ბიბლიოთეკის შენობიდან განარიდეს, აქციაზე დაბრუნდა.

როგორც კანდელაკმა ჟურნალისტებს განუცხადა, მას თავისუფლება უკანონოდ აღუკვეთეს.

„ჩემთვის ვიდექი და საერთოდ არაფერს არ ვაკეთებდი, ანუ მაინც უკანონოდ აღმიკვეთეს თავისუფლება. სამწუხაროდ, ჩვენი სამი მეგობარი, სამი აქტივისტი კვლავ დაკავებულია. ისინი კახეთის გზატკეცილზე წაიყვანეს. ეს არის აგონია, ასლან აბაშიძის ბოლო პერიოდს მაგონებს ბიძინა ივანიშვილის რეჟიმის აგონია. აცხადებს გიორგი კანდელაკი. 


ასევე დაკავებული გიგი უგულავა გაანთავისუფლეს.

„მე ვიდექი ფურცელაძის ქუჩის კუთხეში, რა დროსაც დამიჭირეს. ავლაბარში მიმიყვანეს. განგარიდესო, ასე მითხრეს. განრიდება ვითომ მათ ჰგონიათ, რომ კანონიერია, ესეც უკანონოა. არაფერი არ ხდებოდა საერთოდ იმ მომენტში,“ - აცხადებს კანდელაკი."ევროპული საქართველოს" ერთ-ერთი ლიდერი გიგი უგულავა, რომელიც საჯარო ბიბლიოთეკიდან პოლიციამ გაიყვანა, ყვება, რომ ის სამართალდამცველებმა ავლაბრის მეტროსთან ჩამოსვეს. ამის შესახებ მან ჟურნალისტებთან ისაუბრა.

უგულავას თქმით, პოლიციამ უთხრა, რომ მის სიტყვას შესაძლოა, ესკალაცია მოჰყოლოდა და ამიტომ განარიდეს.

"მითხრეს, პარტიის ლიდერი ხარ და შენს სიტყვას შესაძლოა, ესკალაცია მოჰყვესო. ჩემს სიტყვას თუ შეიძლება, რომ ასეთი შედეგი მოჰყვეს, ეს მხოლოდ კომპლიმენტია. ავლაბრისკენ წავედით, იქ ჩამომსვეს, საფულეც არ მქონდა და ღვთისნიერმა "ტაქსისტმა" მომიყვანა", - განაცხადა უგულავამ.

დღეს პიკეტირება დამთავრებულია, შევიკრიბებით ხვალ თუ იმუშავებს პარალმენტი ან მაშინ, როცა იმუშავებს,- ამის შესახებ მოძრაობა „სირცხვილიას“ ერთ-ერთმა ლიდერმა შოთა დიღმელაშვილმა ჟურნალისტებს განუცხადა.

პარლამენტის შენობის უკანა შესასვლელთან სამართალდამცავებსა და აქციის მონაწილეებს შორის ფიზიკური დაპირისპირება მოხდა.

ადგილზე იმყოფებიან ასევე ოპოზიციონერი ლიდერებიც.

ფიზიკური დაპირისპირება მას შემდეგ დაიწყო, რაც აქციის მონაწილეები სამართალდამცავების მიერ გაკეთებულ რკინის ჯებირებზე საღებავით წარწერების გაკეთებას ცდილობდნენ. სამართალდამცავებმა მათ ამის საშუალება არ მისცეს, თუმცა რამდენიმე მათგანმა მაინც შეძლო საღებავით რკინის ჯებირზე წარწერის გაკეთება. აქციის მონაწილეებმა შეძლეს ასევე ჯებირებზე სტიკერების „შეცვალეს“ გაკვრა.„ეს ბარიკადები ვერ გაგვყოფს ჩვენ და „ქართულ ოცნებას“, ყველგან შევაწუხებთ და ვერანაირად ვერ მოგვიცილებენ თავიდან,“ - აცხადებენ აქციის მონაწილეები.

აქცის მონაწილეებმა ადგილზე მიიტანეს ასევე დოლარის კუპიურები ბიძინა ივანიშვილის გამოსახულებით.