უკვე მეოთხე დღეა ბორჯომის ცენტრალურ პარკში ბავშვები ატრაქციონებით ვერ სარგებლობენ. დამსვენებლები ვერც საცურაო აუზამდე მისვლას ახერხებენ. მიზეზი აქ არსებული ბარიერია. პარკში გარკვეულ ტერიტორიაზე შეზღუდვები მას შემდეგ დაწესდა, რაც სტიქიამ ხეები მოტეხა.

ბორჯომის ცენტრალურ პარკში გაწმენდითი სამუშაოები ისევ გრძელდება. პარკს ნარჩენებისგან წმენდენ, თუმცა ნაგვის ნაწილს იქვე არსებულ მდინარე ბორჯომულაში ყრიან. ეს კადრები ჩვენმა გადამღებმა ჯგუფმა დღეს პარკში ყოფნის დროს დააფიქსირა. მოსახლეობისთვის პარკის ზედა ნაწილში გადაადგილება ისევ შეზღუდულია. ბარიერის გადალახვისა და გადაღების უფლება პარკის ადმინისტრაციამ არც ჩვენს გადამღებ ჯგუფს მისცა. მიზეზი ვერ გავარკვიეთ, პარკის დირექტორმა ბორჯომის გამგებელთან გადაგვამისამართა, დიმიტრი ყიფიანმა ჩვენს კითხვას არ უპასუხა.

გარე განათება, რომელიც არ ანათებს და გზა, რომელზეც გადაადგილება შეუძლებელია. ვაშლოვანაში მცხოვრებლები პრობლემების მოგვარებას ითხოვენ. წინააღმდეგ შემთხვევაში კი საპროტესტო აქციებით იმუქრებიან.

2008 წლის რუსეთ-საქართველოს აგვისტოს ომიდან 8 წელი შესრულდა. რუსული ინტერვენციის შედეგად დაიღუპა საქართველოს 228 მშვიდობიანი მოქალაქე, 169 სამხედრო და 14 პოლიციელი. სახლები დატოვა 150 ათასამდე ადამიანმა, მათგან დღემდე დევნილობაში რჩება 30 000. რუსულმა ავიაციამ საჰაერო იერიში მიიტანა საქართველოს სხვადასხვა ქალაქში განთავსებულ სამხედრო ბაზებზე.
რუსული აგრესიის სამიზნე ბორჯომიც გახდა, რუსულმა ვერტმფრენებმა ბორჯომის ტყეებში ცეცხლგამჩენი ჭურვები ჩამოჰყარეს, რამაც ლიკანის, ლიბანისა და წაღვერის ტყეებში ხანძარი გამოიწვია. სამკვირიანმა ხანძარმა ბორჯომში ტყის 950 ჰექტარი ფართობი გაანადგურა.

"ქართულმა ოცნებამ" დღეს სამცხე-ჯავახეთში, მაჟორიტარი დეპუტატობის კანდიდატები დაასახელა. 2016 წლის საპარლამენტო არჩევნებში გამარჯვების შემთხვევაში, ბორჯომისა და ასპინძის - გედევან ფოფხაძე, ახალციხისა და ადიგენის - გიორგი კოპაძე, ახალქალაქისა და ნინოწმინდის კი ენზელ მკოიანი იქნებიან წარმომადგენლები საქართველოს პარლამენტში. ისინი დღეს ახალციხეში, პარტიის თავმჯდომარემ - გიორგი კვირიკაშვილმა წარადგინა. პარტიამ მაჟორიტარობის კანდიდატები საქართველოს 7 რეგიონში უკვე დაასახელა.

ყრილობა ახალციხეში, მესხეთის პროფესიული სახელმწიფო დრამატული თეატრის მიმდებარე ტერიტორიაზე ხვალ, 7 აგვისტოს 19:00 საათზე გაიმართება. კანდიდატებს ქვეყნის პრემიერ-მინისტრი გიორგი კვირიკაშვილი დაასახელებს.
ვინ წარადგენს გამარჯვების შემთხვევაში, ახალციხე–ადიგენის, ბორჯომი–ასპინძა–ახალქალაქის ნაწილისა და ახლქალაქი–ნინოწმინდის ოლქებს საქართველოს პარლამენტში ჯერ-ჯერობით უცნობია.

მინისტრი სტიქიის შედეგებს ადგილზე გაეცნო.მისი განცხადებით საწყის ეტაპზე ჩასატარებელი სამუშაოები უკვე დასრულებულია,ამ ეტაპზე საჭიროა სამუშაოები ტყის შიდა ტერიტორიაზე შესრულდეს.მინისტრის განცხადებით ზარალის სრული ოდენობა ჯერ დაზუსტებული არ არის.

ორჯომის ცენტრალურ პარკს გარემოს დაცვის მინისტრი გიგლა აგულაშვილი ესტუმრა.მინისტრმა, სახელმწიფო უსაფრთხოებისა და კრიზისების მართვის საბჭოს მდივანთან მინდია ჯანელიძესთან ერთად სტიქიის ზონა მოინახულა.დაზიანებული პარკი სტიქიიდან 2 დღის შემდეგ დაათვალიერეს ბორჯომის მაჟორიტარმა დეპუტატმა და სამცხე-ჯავახეთის გუბერნატორმა.ადგილზე ტელეკომპანია "ბორჯომი"-ს გადამღები ჯგუფი მუშაობს,ვრცლად ნახეთ სიუჯეტში.