საქართველოს პრემიერ-მინისტრი დღეს ბორჯომის ცენტრალურ ისტორიულ პარკს ესტუმრა. გიორგი კვირიკაშვილი სტიქიის შედეგების სალიკვიდაციოდ ჩატარებულ სამუშაოებს ადგილზე გაეცნო. დღეიდან ისტორიული პარკი სრულად გაიხსნა და დამსვენებლებს გადაადგილება ნებისმიერ ტერიტორიაზე თავისუფლად შეეძლებათ.

ბაკურიანში დღეს ტურისტული ინფრასტრუქტურის მშენებლობა საქართველოს პრემიერ-მინისტრმა დაათვალიერა. გიორგი კვირიკაშვილი მიტარბში და დიდველზე მიმდინარე სამუშაოებს გაეცნო. ინფრაცტრუქტურული პროექტები დაბაში სახელმწიფოს და კერძო სექტორის პარტნიორობით ხორციელდება.

განათლებისა და მეცნიერების სამინისტრომ წარჩინებული მოსწავლეებიის სია გამოაქვეყნა. ბორჯომის მუნიციპალიტეტში ოქროსა და ვერცხლის მედლებს სკოლის 22 კურდამთავრებული მიიღებს.

ამ წუთებში დაბა ბაკურიანში პრემიერ-მინისტრი იმყოფება. გიორგი კვირიკაშვილი დაბაში მთის ციგის სასრიალო ტრასას ხსნის. მთის ციგა „ტობოგანი“ ბაკურიანში დიდველის ტერიტორიაზეა განთავსებული, ტრასის სასრიალო მანძილი კი 950 მეტრია.
აღსანიშნავია, რომ მსგავსი ატრაქციონი ამიერკავკასიაში ერთადერთია.
„ტობოგანის“ მშენებლობა სლოვაკურმა კომპანია „Tatralift” -მა განახორციელა.

ავტოსაგზაო შემთხვევა მოხდა დღეს ბორჯომში. Scania-ს მარკის სატვირთო მანქანის მძღოლმა სავარაუდოდ საჭე ვერ დაიმორჩილა, გზის სავალი ნაწილიდან გადავიდა და ამობრუნდა. შემთხვევის დროს არავინ დაშავებულა.
შსს-ს ინფორმაციით, ადმინისტრაციულ სამართალდარღვევათა კოდექსის 125-ე მუხლის დარღვევის გამო, მძღოლს ჯარიმა 250 ლარის ოდენობით დაეკისრა.
ადგილზე მისულებს, მძღოლმა გადაღებაში ხელი შეგვიშალა, სიტყვიერი შეურაცხყოფა მოგვაყენა, ფიზიკური შეურაცხყოფის მცდელობაში კი პატრულის თანამშრომლებმა და იქ მყოფებმა შეუშალეს ხელი.

ბორჯომში სტიქიის შედეგად მიყენებული ზარალის ოდენობა ჯერ არ დათვლილა.
სოფელ ჭობისხევში სანიაღვრე სისტემის პრობლემა აქვთ.
როგორ გადავამოწმოთ თავი ამომრჩეველთა სიაში.
შესაძლოა ბორჯომში მალე კალათბურთის ფარები დამონტაჟდეს.

სოფელ ჭობისხევში სანიაღვრე სისტემის პრობლემები აქვთ. მოსახლეობის თქმით, სამუშაოები ერთი წლის წინ უხარისხოდ შესრულდა და ყოველი წვიმის დროს მიმდებარე ტერიტორია იტბორება. დახმარების მიზნით სოფლის რწმუნებულსაც მიმართეს და ადგილობრივ ხელისუფლებასაც. არაერთი დაპირების მიუხედავად პრობლემა დღემდე მოუგვარებელია.

მონიტორინგი და ზარალის აღწერა მუნიციპალიტეტის მასშტაბით მიმდინარეობს და 5 ჯგუფი მუშაობს. ბორჯომის გამგეობაში ზარალის ანაზღაურების მოთხოვნით 150-ზე მეტი განცხადება შევიდა.

საქართველოს ცენტრალურმა საარჩევნო კომისიამ ამომრჩეველთა ერთიანი სია განაახლა.15 ივლისის მდგომარეობით 45-ე მაჟორიტარულ ოლქში 43 897 ამომრჩეველია,რაც შეეხება კონკრეტულად ბორჯომს აქ ამომრჩეველთა რაოდენობამ 27 000 შეადგინა.მოქალაქეებს საკუთარი მონაცემების გადამოწმება ერთიან სიაში ცესკოს ვებ-გვერდზე 22 სექტემბრამდე შეუძლიათ.

ჯანსაღი ცხოვრების წესის დანერგვა და ქუჩის კალათბურთის განვითარება. შესაძლოა ბორჯომში მალე კალათბურთის ფარები დამონტაჟდეს. იმისათვის, რომ ქალაქში აღნიშნული პროექტი განხორციელდეს ახლა სოციალურ ქსელში მოსახლეობის აქტიურობაა საჭირო.