5 აგვისტოს, ძლიერი წვიმა ახალდაბაში დაახლოებით 40 წუთის განმავლობაში გაგრძელდა, დაიტბორა რამდენიმე ქუჩა. რუსთაველის ქუჩაზე, ტყიდან წამოსულმა ნიაღვარმა და ქვა-ღორღმა გზა ჩახერგა, რისი გაწმენდაც მალევე მოხერხდა. აღნიშნული ვიდეო მასალა სოციალურ ქსელში ქეთი ლომიძემ გაავრცელა.
1. განადგურებული ნივთები და საკვები პროდუქტი - სტიქიის მეორე დღე რუსთაველის ქუჩაზე;
2. სტიქიამ ბორჯომის უბნები: ლიკანი, ახალი უბანი, არდაგანი, ჩარხისწყალი დააზარალა;
3. სტიქიისგან დაზიანებული ინფრასტრუქტურა ბორჯომის ცენტრალურ პარკში;
4. დაბა წაღვერში ისევ იწვიმა;
5. სეტყვამ სოფელი სადგერი მეორედ დააზარალა, სტიქია იყო ცემშიც;
6. სახელმწიფო უსაფრთხოებისა და კრიზისების მართვის საბჭოს სხდომა ბორჯომში;
7. ბორჯომის ცენტრალური პარკი სტიქიისგან დაზიანებული ხეებისგან იწმინდება;
8. ადგილობრივი ბიუჯეტიდან თანხები სტიქიის შედეგებისთვის გადანაწილდება;
9. ბორჯომის ტურიზმის საინფორმაციო ცენტრი ყოველდღე იმუშავებს
შსს-ს საგანგებო სიტუაციების მართვის სააგენტოს, სამცხე-ჯავახეთის პოლიციის დეპარტამენტის და საპატრულო პოლიციის თანამშრომლები ქალაქ ბორჯომში, ძლიერი წვიმისა და სეტყვის შედეგად დატბორილ სახლებსა და ქუჩებში სამაშველო, ამოტუმბვით და გაწმენდით სამუშაოებს მთელი ღამის განმავლობაში ახორციელებდნენ. შსს-ს თანამშრომლებმა ბორჯომის ცენტრალური პარკიდან და მიმდებარე ტერიტორიაზე არსებული ე.წ. გოგირდის აბანოებიდან 40-მდე მოქალაქის ევაკუაცია განახორციელეს. ბორჯომში მობილიზებულ იქნა დამატებითი საპოლიციო და სამაშველო ჯგუფები სამცხე-ჯავახეთის რეგიონის სხვა ქალაქებიდან. შსს-ს საგანგებო სიტუაციების მართვის სააგენტოს მაშველებმა, საპატრულო და კრიმინალური პოლიციის თანამშრომლებთან ერთად, 200-მდე შეტყობინებაზე მოახდინეს ოპერატიული რეაგირება.
გაწმენდითი სამუშაოები უწყვეტ რეჟიმში გრძელდება ბორჯომის ცენტრალურ პარკში, ბორჯომის პლატოზე, დაბა წაღვერსა და სადგერში. ბორჯომის ცენტრალური პარკის ტერიტორიაზე, მოქალაქეების უსაფრთხოების მიზნით, გადადგილება შეზღუდულია.
გზის გაწმენდითი სამუშაოები ჩატარდა ბორჯომი-წაღვერის და ბორჯომი-სადგერი-ცემი-ტბა-პლატოს მიმართულებით, სადაც ძლიერმა ქარმა ხეები წააქცია და გზა ჩახერგა.
ამ ეტაპზე, საავტომობილო გზებზე მოძრაობა აღდგენილია. ავტოსატრანსპორტო საშუალებების გადაადგილება შეზღუდულია მხოლოდ ბორჯომი-სადგერის მიმართულებით, სადაც ჩახერგილი გზის აქტიური გაწმენდა მიმდინარეობს.
სტიქიამ სოფელი სადგერი მეორედ დააზარალა. უხვმა ნალექმა დააზიანა სასოფლო-სამეურნეო სავარგულები და საცხოვრებელი სახლების სახურავები. სახურავები და ნათესები დაზიანდა ცემშიც. ადგილობრივები დახმარებას ხელისუფლებას სთხოვენ.
