ზამთრის ტურისტული სეზონის პიკზე კურორტი ბაკურიანი უწყლოდ დარჩა. როგორც სოციალურ ქსელში დამსვენებლები წერენ, ბოლო რამდენიმე დღეა ბაკურიანს წყალი გრაფიკით მიეწოდება, რის გამოც დამსვენებლების ნაწილმა, მათ შორის უცხოელებმა კურორტი უკვე დატოვეს.

2019 წლის დეკემბერში წინა თვესთან შედარებით ინფლაციის დონემ საქართველოში 0.4%, ხოლო წლიური ინფლაციის დონემ 7.0 პროცენტი შეადგინა.

31 დეკემბრიდან 2 იანვრის ჩათვლით კვების ინტოქსიკაციის გამო, საქართველოში, სულ 1254 გამოძახება დაფიქსირდა.

დღეს, სრულიად საქართველოს კათოლიკოს-პატრიარქის, უწმინდესისა და უნეტარესის, ილია მეორის დაბადების დღეა. მას 87 წელი შეუსრულდა.

1-ლი იანვრიდან თხევადი აირის აირბალონებისა და აირის სისტემების ტექინსპექტირება სავალდებულო გახდება.

მარჯვენასაჭიან და საჭეგადატანილ მანქანების ტექინსპექტირებაში ცვლილებები შევიდა. კერძოდ, თუ მძღოლი საჭის გატანას და ტექინსპექტირების გავლას 2020 წლის 1-ელ აპრილამდე მოასწრებს, მისი ავტომობილი ტექინსპექტირებას შემდგომ წლებშიც ჩვეულებრივ გაივლის. თუმცა, აღნიშული პერიოდის შემდგომ, საჭის გადატანა (შესაბამისად, ტექდათვალიერება) აიკრძალება.

პერევი-ქარძმანის ე.წ. გამშვები პუნქტი დღეს გაიხსნა. ოკუპირებულ ტერიტორიაზე დარჩენილი მოქალაქეები საქართველოს ხელისუფლების კონტროლირებად ტერიტორიაზე გადმოდიან. მათი თქმით, ბევრ ადამიანს სურდა ახლობლებთან დღესასწაულზე გადმოსვლა.

31 დეკემბრისა და 1 იანვრის მონაცემებით, რეგიონებსა და თბილისში ჯამში პიროტექნიკით დაზიანების 81 შემთხვევა დაფიქსირდა. მათ შორის 33 რეგიონებში, 48 კი თბილისში.

რამდენიმე საათში, ქვეყანაში, ახალ 2020 წელს იზეიმებენ.საზეიმო განწყობაა დილიდან ბორჯომში,აქ მთელი დღის განმავლობაში საახალწლო ღონისძიებები მიმდინარეობს.

ბორჯომის სოფელ ანდეზიტის საჯარო სკოლის მოსწავლეები , ჯეოჰოსპიტალსის სამედიცინო ცენტრს ესტუმრნენ და სტაციონარში მყოფი ბავშვები დაასაჩუქრეს.