უკვე რამდენიმე დღეა ბაკურიანს წყლის მიწოდების პრობლემა აქვს. როგორც სასტუმროებში განაცხადეს, უწყლობის გამო დამსვენებლების ნაწილმა კურორტი საერთოდ დატოვა, ნაწილმა კი იმ სასტუმროებში გადაინაცვლა, რომელთაც წყლის საკუთარი რეზერვუარები აქვთ.

კლიმატური გამოწვევები, ნალექის ნაკლებობა და წყლის საბადოების გაქრობა, ასეთი პრობლემები წინა წლებში ნამდვილად არ ყოფილა, - ამის შესახებ რეგიონული განვითარებისა და ინფრასტრუქტურის მინისტრის პირველმა მოადგილე ირაკლი ქარსელაძემ განაცხადა, რითაც ზამთრის კურორტებზე არსებულ პრობლემას გამოეხმაურა.

თბილისში, ახალგაზრდა მამაკაცის გარდაცვალების ფაქტზე შსს-ს მოქმედი თანამშრომელია დაკავებული,-ამის შესახებ ინფორმაციას საქართველოს პროკურატურა ავრცელებს.

სასტუმრო "ბორჯომი-ლიკანის" თანამშრომლების აქცია მოლაპარაკებით დასრულდა.გავრცელებული ინფორმაციით, სასტუმროს მენეჯერმა კონკრეტული დაპირებები გააჟღერა,რის შემდეგაც სასტუმროს პერსონალმა მუშაობის გაგრძელების გადაწყვეტილება მიიღო.დაპირებები ეხებოდა საშტატო პოლიტიკის ცვლილებას.

საქართველოს პრემიერ-მინისტრმა მთის კურორტებზე წყალმომარაგების შეფერხების უმოკლეს ვადებში აღმოსაფხვრელად საკოორდინაციო ჯგუფის საგანგებო შეხვედრა გამართა.

ბესიკ ამირანაშვილის განცხადებით, ყველა შესაბამისი სამსახური მობილიზებულია, რომ დაბა ბაკურიანის დამსვენებლებს შეექმნათ სათანადო პირობები და კომფორტი. „რაც შეეხება ბოლო დღეებში წყლით უზრუნველყოფასთან დაკავშირებულ პრობლემებს, რომელიც სასტუმროების დაახლოებით 10-15 % -ს შეექმნა. ბაკურიანის ძირითად ნაწილს წყალი მიეწოდება, მაგრამ რამდენიმე სასტუმროს, რომლებიც განთავსებულია ჩვენი ცენტრალური ავზიდან მაღლა, შეექმნა პრობლემა. კომპანია ყველაფერს აკეთებს იმისთვის, რომ უახლოეს პერიოდში ეს პრობლემა გადაიჭრას” - განაცხადა ამირანაშვილმა.

ვერ მოვნახე არგუმენტი, მითუმეტეს, შეწყალების კრიტერიუმების გამკაცრების პირობებში, რატომ უნდა დაშვებულიყო გამონაკლისი დეკანოზ გიორგი მამალაძის საქმეზე, - ამის შესახებ საქართველოს პრეზიდენტმა სალომე ზურაბიშვილმა შეწყალების საკითხზე გამართულ ბრიფინგზე, დეკანოზ გიორგი მამალაძის საქმეზე საუბრისას განაცხადა.

რუსთავში წლინახევრის გოგონა მშობლებმა საწოლში გარდაცვლილი ნახეს. როგორც რუსთავის სასწრაფო სამედიცინო დახმარების ცენტრში განაცხადეს, სამედიცინო ბრიგადის მისვლისას გოგონა უკვე გარდაცვლილი იყო.

ბავშვის გარდაცვალების მიზეზი ამ ეტაპზე უცნობია და ექსპერტიზის დასკვნის შემდეგ, გარდაცვალების მიზეზი სავარაუდოდ 2 კვირაში გახდება ცნობილი.

შსს-ს ინფორმაციით, გამოძიება სისხლის სამართლის კოდექსის 116-ე მუხლითაა დაწყებული, რაც გაუფრთხილებლობით სიცოცხლის მოსპობას გულისხმობს.

2019 წლის აპრილი-ივნისისა და სექტემბერ-ნოემბრის (12 ნოემბერის ჩათვლით) პერიოდში, საჯარო სკოლებში საგანმანათლებლო დაწესებულების მანდატურის სამსახურმა17 739 დარღვევა/სავარაუდო დარღვევა გამოავლინა. ხოლო აპრილი-ივნისსა და სექტემბრიდან 23 დეკემბრის ჩათვლით პერიოდში 5346 უკონტაქტო ზედაპირული დათვალიერება განხორციელდა. უკონტაქტო ზედაპირული დათვალიერების შედეგად მანდატურებმა სკოლებში ამოიღეს 19 ბლაგვი საგანი, 637 თამბაქოს ნაწარმი/სანთებელა/ასანთი; 42 ბანქო ან სხვა აზარტული სათამაშო საშუალება, 18 საახალწლო ასაფეთქებელი ან მომწამვლელი ნივთიერება; 1 ელექტროშოკი; 1 პნევმატური იარაღი; 29 ბასრი საგანი და 17 სხვა აკრძალული ნივთი.

ამის შესახებ  საგანმანათლებლო დაწესებულების მანდატურის სამსახურიდან საჯარო წესით გამოთხოვილ ინფორმაციაშია ნათქვამი.

მანდატურის სამსახურის თქმით, 2019 წლის აპრილი-ივნისისა და სექტემბერ-ნოემბრის (12 ნოემბერის ჩათვლით) პერიოდში, უკონტაქტო ზედაპირული დათვალიერება ყველაზე ხშირად ჩატარდა თბილისისა და ქვემო ქართლის რეგიონის საჯარო სკოლებში, რადგან, როგორც სამსახურში აცხადებენ, მანდატურის სამსახური აღნიშნულ რეგიონებში რაოდენობრივად ყველაზე მეტ საჯარო სკოლას ემსახურება.

რაც შეეხება უშუალოდ დისციპლინური დარღვევის ტიპებს, როგორც გამოთხოვილ საჯარო ინფორმაციაშია ნათქვამი, 2019 წლის აპრილი-ივნისისა და 2019 წლის სექტემბერი - 23 დეკემბრის ჩათვლით პერიოდში სკოლებში:

• აზარტული თამაშების 102 შემთხვევა დაფიქსირდა.
• მანდატურის სამსახურმა 1228 აკრძალული ნივთი ამოიღო.
• მანდატურის სამსახურის თანამშრომლებმა მოსწავლეების მიერ გაკვეთილის გაცდენის 8687 ფაქტი გამოავლინეს
• ასევე, გამოვლინდა 985 არაეთიკური ქმედება.
• დაფიქსირდა 68 ასაფეთქებლის გამოყენების ფაქტი.
• მოსწავლის მიერ გაკვეთილის ჩაშლა ან ჩაშლის მცდელობის 4541 ფაქტი გამოვლინდა.
• მანდატურებმა აღმოაჩინეს თამბაქოს მოხმარების 552 შემთხვევა.
• სხეულის დაზიანების კი 37 შემთხვევა იყო.

როგორც მანდატურის სამსახურში ამბობენ, სტატისტიკური მონაცემების მომატება წინა წელთან შედარებით განპირობებულია იმით, რომ 2019 წლის განმავლობაში მანდატურები დამატებით 130 საჯარო სკოლაში შევიდნენ, რამაც ბუნებრივად გამოიწვია დარღვევების ფაქტების გამოვლენა.

რაც შეეხება პოლიციისთვის შეტყობინებას, 2019 წლის აპრილი-ივნისის პერიოდში შეტყობინება პოლიციაზე განხორციელდა 369 შემთხვევაში, ხოლო 2019 წლის სექტემბერი-ნოემბერი (12 ნოემბრის ჩათლით) პერიოდში 284 შემთხვევაში.

ამასთან, როგორც მანდატურის სამსახურში განმარტავენ, განათლების, მეცნიერების, კულტურისა და სპორტის მინისტრის ბრძანება განსაზღვრავს იმ შემთხვევებს, რა დროსაც მანდატური/სკოლის ადმინისტრაცია ვალდებულია დაუკავშირდეს „112“-ს.

გარდა ამისა, მანდატურის სამსახურში აზუსტებენ, რომ სტატისტიკური მონაცემები შეეხება იმ საჯარო სკოლებს, სადაც სსიპ - საგანმანათლებლო დაწესებულების მანდატურის სამსახურია წარმოდგენილი და მოიცავს მოსწავლეთა საერთო რაოდენობის 80%-ს.

გაერთიანებული წყალმომარაგების კომპანიის დირექტორის, ეკატერინე გალდავას ინფორმაციით, ბაკურიანში  წნევის ვარდნის გამო წყალი 80%-ს მიეწოდება.რაც შეეხება  მოსახლეობის 20%-ს,მათი მომარაგება წყლის ავზებითა და სახანძრო მანქანებით ხდება.