საგანგებო სიტუაციების მართვის სამსახური განცხადებას ავრცელებს და მოსახლეობას მიმართავს, რომ ტემპერატურის ვარდნის გამო, საქართველოს მასშტაბით, ტბებსა და წყალსაცავებზე შეინიშნება ყინულის სხვადასხვა სისქის ფენა და მათზე ნებისმიერი ფორმით გადაადგილება აკრძალულია.

მსოფლიო ჯანდაცვის ორგანიზაციის ხელმძღვანელის თქმით, კორონავირუსი „დიდი საფრთხეა მთელი მსოფლიოსთვის“. ტედროს ადჰანომ გებრეისუსმა ამის შესახებ შეხვედრაზე განაცხადა, რომელსაც 400- ზე მეტი მკვლევარი და ექსპერტი ესწრებოდა.

აშშ-ის საელჩო იმედგაცრუებულია იმით, რომ ოპოზიციის ლიდერის მიმართ გუშინ გამოტანილი განაჩენისა და თავისუფლების აღკვეთის დრო და კონტექსტი დიალოგს რისკის ქვეშ აყენებს, - ამის შესახებ საქართველოში აშშ-ს საელჩოს განცხადებაშია აღნიშნული.

მართვის მოწმობის პრაქტიკული გამოცდა ორეტაპიანი ხდება.კანონპროექტი პარლამენტს უკვე წარედგინა და მისი განხილვა საგაზაფხულო სესიაზე იგეგმება.

მთავარი ქვაკუთხედი ამ კოდექსის არის ის, რომ ჩვენ ეტაპობრივად გავაუქმოთ სოციალური ჭრა და გადავიდეთ მდგრად მეურნეობებზე - ამის შესახებ გარემოს დაცვის სამინისტროს ბიომრავალფეროვნებისა და სატყეო დეპარტამენტის უფროსმა კარლო ამირგულაშვილმა განაცხადა. თუმცა მისივე თქმით, სოციალური ჭრის გაუქმება არ ნიშნავს იმას, რომ მოსახლეობას ტყეზე და ტყის რესურსებზე ხელმისაწვდომობა ეკარგება.

ლანჩხუთში "ნისანის" მარკის მინივენი ახალგაზრდა მამაკაცს იმ დროს დაეჯახა, როცა ის ქალაქის ცენტრში გზის გადაჭრას ცდილობდა. როგორც გაირკვა, ორივე მათგანი ეგვიპტის მოქალაქეა. ადგილზე მობილიზებული იყო საპატრულო და სასწრაფო დახმარების ეკიპაჟები. მამაკაცი კლინიკაში იქნა გადაყვანილი. მას სახეზე და ფეხზე მსუბუქი დაზიანებები აღენიშნებოდა.

თბილისში, ჯავახეთის ქუჩაზე ახალგაზრდა ქალი დანით დაჭრეს.

გიგი უგულავას ადვოკატს ბექა ბასილაიას, სასამართლოს განჩინება გადაეცა. როგორც ჟურნალისტებთან საუბრისას ბექა ბასილაიამ განაცხადა, მასში "არანაირი დასაბუთება წარმოდგენილი არ აქვთ და ფარატინა ფურცლებით უშვებენ ოპოზიციის ერთ-ერთ ლიდერს ციხეში".

საქართველოს პრეზიდენტი ივანე ჯავახიშვილის სახელობის თბილისის სახელმწიფო უნივერსიტეტში ქართული ემიგრაციის წარმომადგენლის, ექიმ „ვახტანგ ღამბაშიძის ალბომის" პრეზენტაციას დაესწრო და მოწვეულ სტუმრებს სიტყვით მიმართა. სალომე ზურაბიშვილმა ვახტანგ ღამბაშიძის მოღვაწეობის მნიშვნელობის შესახებ ისაუბრა და ხაზგასმით აღნიშნა, რომ მისი, როგორც პედაგოგიური ასევე, პრაქტიკოსი ექიმის საქმიანობა ძალიან დასაფასებელია.

ხელისუფლებამ ქვეყანაში მოსპო შეთანხმებებისა და მოლაპარაკებების სივრცე. ამიტომ, ოპოზიციას შეუძლია მიიღოს ერთადერთი გადაწყვეტილება, რომ დღეიდან, გიგი უგულავას განაჩენის დადგომის მომენტიდან, წყდება ყოველგვარი მოლაპარაკება, ის დასრულებულია, - ამის შესახებ „ევროპული საქართველოს“ ლიდერმა დავით ბაქრაძემ ჟურნალისტებს განუცხადა.