ახალი ამბები
ტყეებში სოციალური ჭრები აღარ განხორციელდება
მთავარი ქვაკუთხედი ამ კოდექსის არის ის, რომ ჩვენ ეტაპობრივად გავაუქმოთ სოციალური ჭრა და გადავიდეთ მდგრად მეურნეობებზე - ამის შესახებ გარემოს დაცვის სამინისტროს ბიომრავალფეროვნებისა და სატყეო დეპარტამენტის უფროსმა კარლო ამირგულაშვილმა განაცხადა. თუმცა მისივე თქმით, სოციალური ჭრის გაუქმება არ ნიშნავს იმას, რომ მოსახლეობას ტყეზე და ტყის რესურსებზე ხელმისაწვდომობა ეკარგება. „ჩვენ უნდა გვქონდეს აღრიცხული, თუ რა ქონებას ვფლობთ, უნდა ჩავატაროთ ინვენტარიზაცია. შემდეგ მეტყევეები და სპეციალისტები გადაწყვეტენ, აქედან რა უნდა მოიჭრას. შემდეგ დახარისხდეს და აქედან გაირკვეს, რომელია სამასალე, ნახევრადსამასალე, საშეშე და ბიომასალა. მერქანის განთავსება მოხდება მუნიციპალიტეტებში არსებულ საქმიან ეზოებში, აქ უკვე მოქალაქეებს ეტაპობრივად პროცესზე გადასვლის შემდეგ საშუალება ექნებათ ადგილზე შეიძინონ პირდაპირი ყიდვისა თუ აუქციონის წესით სასურველი მერქანი. უნდა განვმარტოთ, რომ აქამდე მაღალმთაში დაშვებული იყო 15 კუბური მეტრი შეშის მოჭრა, ბარში - 7. ახალი რეგულაციით კი, ეს იხსნება, რადგან, მასალა საქმიან ეზოებში განავსდება“, - განაცხადა კარლო ამირგულაშვილმა.

შეგახსენებთ, რომ სოფლის მეურნეობისა და გარემოს დაცვის სამინისტრომ ტყის ახალი კოდექსი შეიმუშავა. სატყეო სექტორის მართვის განახლებული ინსტიტუციური მოდელი ითვალისწინებს ისეთ ასპექტებს, როგორიცაა ტყის რესურსების რეკრეაციული გამოყენების სტიმულირება და სოფლის განვითარებაში ტყეების როლის ზრდა. აღნიშნული კოდექსის ფარგლებში დაგეგმილია რამდენიმე მნიშვნელოვანი სიახლე. მათ შორის, სავალდებულო ხდება ტყის მართვაში მეტყევისა და სატყეო საქმის სპეციალისტების მონაწილეობა, რაც რეგიონში დასაქმებულთა რაოდენობის ზრდასა და მიგრაციის პრობლემებს მოგვარებას შეუწყობს ხელს. აღსანიშნავია ისიც, რომ კოდექსის ფარგლებში უქმდება ხე-ტყის დამზადების გრძელვადიანი ლიცენზიების გაცემა, რაც ლიცენზიანტების მიერ გარემოსთვის მიყენებული ზარალითაა გამოწვეული. ცნობისათვის, ტყის ახალი კოდექსი პარლამენტმა პირველივე მოსმენით 2019 წლის ნოემბერში განიხილა, მეორე საპარლამენტო მოსმენა 12 თებერვალს გაიმართება.
Print E-mail
FaceBook Twitter
კვირის პოპულარული სიახლე
36 ლარი დენი, 114 ლარი ბუნებრივი აირი - ვის შეეხება შეღავათები ბორჯომში
ბორჯომის მოსახლეობას ბუნებრივ აირს კომპანია "სოკარ ჯორჯია" აწვდის. ამ კომპანიის აბონენტებს გადასახადის
14:58 / 01.04.2020
05 / მარტი 2019
თუ გაინტერესებთ რამდენად კარგად იცნობთ ბორჯომის კულტურულ და ისტორიულ ძეგლებს გადადით ბმულზე და შეავსეთ ტესტი.
ამინდი
ბორჯომი 1 - 8 °C
img
ახალციხე -1 - 8 °C
img
თბილისი 4 - 13 °C
img
ასპინძა -1 - 8 °C
img
ახალქალაქი -4 - 3 °C
img
ვალუტა
EUR
EUR
1
3.4134
GBP
GBP
1
3.8782
TRY
TRY
1
0.4701
USD
USD
1
3.1576
«« აპრილი 2020 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 123
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.