ეკონომიკის სამინისტრო ბაზარზე სათამაშოების ზედამხედველობას იწყებს. საქართველოს მთავრობის სხდომაზე დამტკიცდა ევროკავშირის დირექტივის შესაბამისად მომზადებული ტექნიკური რეგლამენტი სათამაშოების უსაფრთხოების შესახებ, რომლის მოქმედებაც ვრცელდება 14 წლამდე ასაკის ბავშვებისთვის განკუთვნილ სათამაშოებზე.

საფრანგეთში ავტოსაგზაო შემთხვევის შედეგად, 28 წლის ქართველი მორაგბე დაიღუპა. lelo.ge-ის ინფორმაციით, ბექა ბურდიაშვილი „გროლეს“ მოთამაშე იყო და "ლავორთან" მორიგ მატჩზე მიემგზავრებოდა.

შესაძლებელია დადგეს საჭიროება, რომ ჩინეთიდან პირდაპირი რეისები შეიზღუდოს და კიდევ უფრო გამკაცრდეს ტრანზიტული ქვეყნებიდან მგზავრების კონტროლი, - ამის შესახებ ჯანდაცვის მინისტრის მოადგილე თამარ გაბუნიამ განაცხადა.

კორონავირუსის ახალმა ტიპმა, დროთა განმავლობაში, შესაძლოა, ახალი მახასიათებლები შეიძინოს, სხვადასხვა ასაკობრივ ჯგუფებში რისკის ხარისხი შესაძლოა, შეიცვალოს. ამის შესახებ დღევანდელ პრესკონფერენციაზე ჩინეთის ჯანმრთელობის დაცვის საკითხთა სახელმწიფო კომიტეტის თავმჯდომარემ მა სიაოვეიმ განაცხადა.

ხაშური-ბორჯომის საავტომობილო გზაზე მომხდარი ავტოსაგზაო შემთხვევის შედეგად, დაშავებული ქალი ხაშურის საავადმყოფოდან რეფერალურ ჯგუფს მცხეთაში გადაჰყავს. ახალგაზრდა ქალს, რომელსაც წყლიდან ამოყვანისას გულის გაჩერება დაუფიქსირდა, ხაშურის საავადმყოფოში გადაყვანისას ჩატარებული რეანიმაციული ღონისძიებების შედეგად გული აუმუშავდა, თუმცა, მისი მდგომარეობა კვლავ უკიდურესად მძიმეა.

"სამოქალაქო მოძრაობა" ეროვნულ-დემოკრატიული ინსტიტუტს (NDI) და საერთაშორისო რესპუბლიკური ინსტიტუტს (IRI) სრულ სოლიდარობასა და მხარდაჭერას უცხადებს და ორგანიზაციების მხარდამჭერ განცხადებას ავრცელებს.

სუს-ი კატეგორიულად უარყოფს „ნაციონალური მოძრაობის“ მიერ გავრცელებულ ინფორმაციას, რომ უწყება უთვალთვალებს პოლიციის მაიორის, გიორგი დვალიშვილის ოჯახსა და მის მცირეწლოვან შვილებს.

"მიმიფურთხებია ყველანაირი კავშირისთვის და ყველაფრისთვის. მან ეს იცის. ჩვენ კიდევ ვკანკალებთ, გვეშინია, რომ საკუთარი ქვეყანა დავიცვათ. გვეყოფა გვერდზე ყურება და სულ თეთრად და ფუმფულად ყოფნა. ჩვენ ჩვენი ინტერესები, ჩვენი სახელმწიფო და ჩვენი ხალხი გვყავს და ისინი უნდა დავიცვათ, რადაც არ უნდა დაგვიჯდეს“ -განაცხადა ლუკაშენკომ.

2019 წელს საქართველოდან მსოფლიოს 53 ქვეყანაში 94 მლნ-მდე ბოთლი (0,75 ლ) ღვინოა ექსპორტირებული, რაც 2018 წლის რაოდენობას 9%-ით აღემატება და დამოუკიდებელი საქართველოს ისტორიაში ყველაზე მაღალი მაჩვენებელია. ექსპორტირებული ღვინის ღირებულება 240 მლნ აშშ დოლარს აღწევს, რაც 2018 წლის ანალოგიურ მონაცემზე 17%-ით მეტია. ამის შესახებ ინფორამციას ღვინის ეროვნული სააგენტო ავრცელებს.

Downdetector-ის მონაცემების თანახმად, ევროპის ქვეყნებში და აშშ-ში Facebook-ი შეფერხებით მუშაობს. მომხმარებლები ჩივიან, რომ სოციალური ქსელი მათ ექაუნთებიდან აგდებს და თავიდან სთხოვს ავტორიზაციას. ზოგიერთი მათგანი ქსელში თავიდან შედის, თუმცა ზოგი ავტორიზაციის გავლას ვერ ახერხებს.