შინაგან საქმეთა სამინისტრო მოძალადე პირებზე ელექტრონულ ზედამხედველობას განახორციელებს. ამის შესახებ შინაგან საქმეთა მინისტრის მოადგილე ნინო ცაციაშვილმა განაცხადა.

ეკონომიკისა და მდგრადი განვითარების მინისტრი, ნათია თურნავა აცხადებს, რომ იტალიაში მყოფი საქართველოს მოქალაქეების ჩამოყვანაზე, რომლებიც ქვეყანაში დაბრუნებას პირდაპირი რეისებით აპირებდნენ, სახელმწიფო იზრუნებს.

რეგიონული განვითარების და ინფრასტრუქტურის მინისტრის, მაია ცქიტიშვილის განცხადებით, არანაირი თანამდებობა, იქნება ეს არჩევითი თუ მაღალი თანამდებობა ადგილობრივ თვითმმართველობაში ან ცენტრალურ ხელისუფლებაში არ არის ინდულგენცია იმ ადამიანებისთვის, რომლებიც დანაშაულს სჩადიან. ამის შესახებ ცქიტიშვილმა პარლამენტში „მინისტრის საათის“ ფორმატში დასმული კითხვის საპასუხოდ განაცხადა, რითაც ბორჯომის მერის და საკრებულოს თავმჯდომარის დაკავებას გამოეხმაურა.

ხაშურის მუნიციპალიტეტის სოფელ ქვიშხეთში, სარკინიგზო გვირაბის მშენებლობაზე დასაქმებულ ჩინელ და ადგილობრივ მუშებს ერთმანეთთან უთანხმოება მოუვიდათ. ჩინელი მუშები ქვიშხეთის სარკინგზო გვირაბის მშენებლობაზე დასაქმებული ადგილობრივებს სამუშაო ადგილზე შესვლის საშუალებას არ აძლევენ. ამის მიზეზად კი, საქართველოში დაფიქსირებული ახალი კორონავირუსის გავრცელების საფრთხეს ასახელებენ.

ჯანდაცვის მინისტრის ეკატერინე ტიკარაძის განცხადებით, საქართველო ამ ეტაპზე იტალიასთან ფრენების შეჩერებას არ აპირებს.

პარლამენტმა შესაძლოა, კანონპროექტები ელექტრონულად განიხილოს და ელექტრონული კენჭისყრით დაამტკიცოს.

ჯანდაცვის მინისტრის, ეკატერინე ტიკარაძის განცხადებით, სასამართლო სისტემა და ის ინსტიტუციები, სადაც 50 ან 100-მდე ადამიანის შეკრება ხდება, შესაძლოა ახალ რეკომენდაციებს დაექვემდებარონ.

6-10 მარტს საქართველოში თბილი და უნალექო ამინდია მოსალოდნელი. გარემოს ეროვნული სააგენტოს ინფორმაციით, 7-8 მარტს ჰაერის ტემპერატურა დღის საათებში დასავლეთ საქართველოს დაბლობში +20, +25 გრადუსი იქნება, ხოლო 9-10 მარტს 2-3 გრადუსით მოიმატებს, აღმოსავლეთ საქართველოს ბარში კი +17, +22 გრადუსის ფარგლებში შენარჩუნდება. დათბება მთიან და მაღალმთიან რეგიონებშიც.

ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, კორონავირუსით ინფიცირებული 9 პირიდან მე-4 პაციენტის ჯანმრთელობის მდგომარეობა საშუალოზე მძიმეა.

ლუგარის ლაბორატორიიდან მიღებული ანალიზის პასუხების მიხედვით, ირანის მოქალაქეს კორონავირუსი არ დაუდასტურდა.