დღეს, ახალციხის ბაზარში მუშაობა სურსათის, შხამქიმიკატებისა და სოფლის მეურნეობის პროდუქციის სექციებმა განაახლა. ბაზარში უსაფრთხოების ნორმების დაცვას მონიტორინგს ახალციხის მერია უწევს.

გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, პური არ უნდა გაძვირდეს, რადგან გაძვირების წინაპირობები არ არსებობს.

დღეიდან, 7 აპრილიდან, საქართველოს ეროვნულმა არქივმა ყველაზე მოთხოვნადი 8 სერვისის დისტანციურად გაცემა დაიწყო.

"კო­რო­ნა­ვირუ­სი არის აუ­ცი­ლებ­ლად მო­სახ­დე­ლი და­ა­ვა­დე­ბა, რო­მე­ლიც ყვე­ლამ უნდა მო­ი­ხა­დოს" - ამის შე­სა­ხებ თბი­ლი­სის სა­ხელ­მწი­ფო სა­მე­დი­ცი­ნო უნი­ვერ­სი­ტე­ტის პირ­ვე­ლი სა­უ­ნი­ვერ­სი­ტე­ტო კლი­ნი­კის დი­რექ­ტო­რმა ლე­ვან რა­ტი­ან­მა გა­ნა­ცხა­და.

მოსახლეობის მიერ პირბადეების გადაჭარბებულ და არასწორ მოხმარებას, პანდემიის პირობებში, არა მხოლოდ სარგებელი არ მოაქვს, არამედ შესაძლოა, მათი დეფიციტი გამოიწვიოს მათთვის, ვისაც ისინი ნამდვილად სჭირდება. ამის შესახებ დღევანდელ ბრიფინგზე ჯანდაცვის მსოფლიო ორგანიზაციის გენერალურმა დირექტორმა თედროს ადჰანომ გიბრეიესუსმა განაცხადა და დასძინა, რომ ჯანდაცვის მსოფლიო ორგანიზაციის რეკომენდაციაა, ნიღბები დაავადებულმა ადამიანებმა გაიკეთონ და მათ, ვინც სახლში პაციენტებს უვლიან.

აშშ-ში მოღვაწე ქართველი ექიმის, მისისიპის უნივერსიტეტის პროფესორ ზურაბ გურულის პროგნოზით, აპრილის ბოლოდან, მაისის შუა რიცხვებში, კორონავირუსის ახალი შემთხვევები ბევრად ნაკლები იქნება.

როგორია მიმართვიანობა ბორჯომის "ცხელების ცენტრში", ამის გასარკვევად ტელეკომპანია "ბორჯომი", ბორჯომის ჯეოჰოსპიტალსის სამედიცინო ცენტრის დირექტორს ირაკლი დიასამიძეს დაუკავშირდა.


მისი განცხადებით ბორჯომის "ცხელების ცენტრი" სრულ მზადყოფნაშია პაციენტების მისაღებად,რაც შეეხება მიმართვიანობას ირაკლი დიასამიძე აცხადებს,რომ საეჭვო შემთხვევა ამ დრომდე არ დაფიქსირებულა.

"დღეს ერთ პაციენტს გაეწია ამბულატორიული მომსახურება,რომელიც ცხელების მსუბუქი ფორმით იყო შემოსული სამედიცინო ცენტრში,რომელიც მალევე გაეწერა ბინაზე"- განაცხადა ირაკლი დიასამიძემ.

შეგახსენებთ,რომ ბორჯომში თვითიზოლაციში 7 პირი იმყოფება.235 მოქალაქე კი ბაკურიანის სასტუმროებში საკარანტინე სივრცეშია მოთავსებული.რაც შეეხება სამცხე-ჯავახეთის რეგიონს,აქ 6 აპრილის მონაცემებით კარანტინში 262 ,თვითიზოლაციაში კი 17 პირი იმყოფება.

ამ დროისთვის საქართველოში კორონავირუსით საერთო ჯამში ინფიცირებულია 188 ადამიანი. გარდაცვლილია 2 პაციენტი. კარანტინის რეჟიმშია - 5056 ადამიანი, სტაციონარში მეთვალყურეობის ქვეშ კი - 386 მოქალაქე.

 

საქართველოს განათლების, მეცნიერების, კულტურისა და სპორტის მინისტრის, მიხეილ ჩხენკელის განცხადებით, სასწავლო წელი აუცილებლად შედგება და ის არც ერთ შემთხვევაში, არ ჩავარდება. აღნიშნულის შესახებ მიხეილ ჩხენკელმა უწყებათშორისი საკოორდინაციო საბჭოს შეხვედრის დასრულების შემდეგ განაცხადა. როგორც მინისტრი განმარტავს, კორონავირუსის გამო შექმნილი გამოწვევების დასაძლევად, საქართველო განათლების მიმართულებით შეფასებულია, როგორც მსოფლიოში ერთ-ერთი საუკეთესო ქვეყანა.

7-8 აპრილს აღმოსავლეთ საქართველოში კავკასიის ჩრდილო-აღმოსავლეთიდან მოსალოდნელია ცივი და ნოტიო ჰაერის მასების გავრცელება.

რიგებია ბორჯომში სასურსათო მაღაზიებთან. ქალაქის ცენტრში არსებულ, ორ დიდ სუპერმარკეტთან, მოქალაქეები რიგში დილიდან დგანან.