"ამ ვირუსის მძიმედ მიმდინარეობა მნიშვნელოვნადაა განპირობებული გვიან მიმართვით, ამიტომ მუდმივად ვაფრთხილებთ ყველას, რომ როგორც კი გამოჩნდება სიმპტომები, მიმართონ ექიმს, ვიდრე გვაქვს საშუალება, რომ მივიღოთ ყველა პაციენტი" - ამის შესახებ რესუბლიკური საავადმყოფოს დირექტორმა, ლევან გოფოძემ ჟურნალისტებს განუცხადა.

დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, საქართველოში შეკერილი პირბადეები წვეთოვანი ინფექციისგან ძალიან ეფექტურად იცავს.

სომხეთის ჯანდაცვის მინისტრის ინფორმაციით, ქვეყანაში კორონავირუსის გავრცელება ვეღარ კონტროლდება. მისი თქმით, მიუხედავად დინამიკის შემცირებისა, ვირუსის წყაროები ხშირად იდენტიფიცირებული არ არის.

რუსეთის დიდ ქალაქებში სასაფლაოებზე სააღდგომოდ გასვლა აიკრძალა. ამის შესახებ მოსკოვის მერმა სერგეი სობიანინმა განაცხადა.

ბორჯომის აგრარული ბაზარი, რომელიც 8 აპრილის შემდეგ დაკეტილი იყო, დღეს, 10 აპრილს უნდა გახსნილიყო. ამის შესახებ განცხადება გუშინ, ტელეკომპანია "ბორჯომთან" მერის მოვალეობის შემსრულებელმა დავით ზაალიშვილმა გააკეთა.

მსგავსი პირბადეებით შავ ჭირზე ვმუშაობდით წლები, - ასე ეხმიანება დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე პირბადეებთან დაკავშირებით საზოგადოების ნაწილის მიერ გამოთქმულ კრიტიკას.პაატა იმნაძე კრიტიკოსებს აშშ-ის CDC-ის რეკომენდაციების წაკითხვას ურჩევს.

„ეგეთი პირბადეებით შავ ჭირზე ვმუშაობდით წლები. ერთჯერადი პირბადეები საერთოდ არ არსებობდა. წაიკითხონ აშშ-ის CDC-ის რეკომენდაციებიც“, - განაცხადა პაატა იმნაძემ.

საქართველოში წარმოებულ პირბადეებს რეკომენდციას უწევს ამირან გამყრელიძეც.

„ასეთი სახის პირბადეები არის საყოფაცხოვრებო ხმარებისთვის, მრავალჯერადია, გარეცხვასა და გაუთოებას ექვემდებარება. ხოლო, თუ სამედიცინო მიზნით ვიყენებთ, ის ერთჯერადია და გამოყენების შემდეგ უნდა გადავაგდოთ“- განაცხადა გამყრელიძე


ბაზარზე,საქართველოში წარმოებული პირბადეების გამოჩენას, მოსახლეობის ნაწილი უარყოფითად შეხვდა. სოციალურ ქსელში მოქალაქეები პირბადის დიზაინს აკრიტიკებენ და ფოტოებს აქვეყნებენ.




შეგახსენებთ,რომ ადგილობრივი წარმოების პირბადეების ქსელურ სააფთიაქო ქსელებში გაყიდვა 8 აპრილს დაიწყო. საქართველოს ეკონომიკისა და მდგრადი განვითარების სამინისტროს მიერ გავრცელებული ინფორმაციით, საწყის ეტაპზე, 400 000 ერთეული პირბადე გაიყიდება.

თბილისის შემდეგ, ეტაპობრივად მოხდა აღმოსავლეთ საქართველოსა და იმ მუნიციპალიტეტების მომარაგება, სადაც საგანგებო მდგომარეობის პირობები განსაკუთრებული სიმკაცრით სრულდება.

10 აპრილიდან საქართველოში დამზადებული პირბადეები ოთხ მსხვილ სააფთიაქო ქსელში (ავერსი, პეესპე, ფარმადეპო, ჯიპისი) მთელი საქართველოს მასშტაბით გაიყიდება. საქართველოში დამზადებული მრავალჯერადი გამოყენების პირბადის ფასი 50 თეთრია.

9 აპრილის მონაცემებით, სამცხე-ჯავახეთში კარანტინში 140 პირია,რომლებიც ახალციხისა და ბაკურიანის სასტუმროებში არიან გადანაწილებული.აბასთუმნის ფილტვის ცენტრში კარანტიში მყოფი პაციენტები არ ჰყავთ.

საქართველოში ახალი კორონავირუსისგან უკვე 51 პაციენტი გამოჯანმრთელდა. ამის შესახებ ინფორმაცია მთავრობის მიერ შექმნილ ვებ-გვერდზე, STOP.GOV.GE-ზე არის განთავსებული.

პრემიერ-მინისტრი გიორგი გახარია არ გამორიცხავს, რომ ქვეყანაში საგანგებო მდგომარეობა გახანგრძლივდეს. „ყველაფერი შესაძლებელია“ - ასე უპასუხა პრემიერმა ჟურნალისტების შესაბამის კითხვას.

"ამ წელს სხვა ვითარებაა, ამ წელს მე ეკლესიაში ვერ მივალ. ვერ მივალ აღდგომის წირვაზე, რადგან ქვეყნის პრეზიდენტს არ შეუძლია, დაარღვიოს ის, რაც არის კანონი და წესი " - ამის შესახებ პრეზიდენტმა სალომე ზურაბიშვილმა განაცხადა.