დღეიდან თბილისში, რუსთავში, ბათუმსა და ქუთაისში შესვლა და გასვლა 2 დღით ნებადართული ხდება. თუმცა მხოლოდ გამონაკლის შემთხვევებში. საქართველოს პრემიერ-მინისტრის პრესსპიკერის ირაკლი ჩიქოვანის განმარტებით, 27 და 28 აპრილს, საგამონაკლისო წესით, დასაშვებია აღნიშნულ დიდ ქალაქებში შესვლა და ამ ქალაქებიდან გასვლა მხოლოდ ფაქტობრივ საცხოვრებელ მისამართზე დაბრუნების მიზნით.

მთავრობის ანტიკრიზისული გეგმის ფარგლებში, 27 აპრილიდან დასაშვები გახდა ღია ტიპის აგრარული ბაზრების ფუნქციონირება.ვინაიდან ბორჯომის ბაზარი დახურულ სივრცეშია განთავსებული,კორონავირუსთან დაკავშირებული საფრთხის გამო, ბაზარი კვლავ დაკეტილია.იმავე მიზეზით ფუნქციონირება არ განუახლებია არც ახალციხის ბაზარს.

მთავრობის ანტიკრიზისული გეგმის ფარგლებში, 27 აპრილიდან დაიშვება:

• მსუბუქი ავტოსატრანსპორტო საშუალებებით გადაადგილება
• ტაქსების ოპერირება
• ონლაინ ვაჭრობა სრულად (საბითუმო და საცალო)
• მიტანის მომსახურება ნებისმიერ პროდუქტზე
• ღია ტიპის აგრარული ბაზრების საქმიანობა

საუბარია იმ ობიექტებზე, რომლებიც ჯანდაცვის სამინისტროს მიერ დაწესებულ წესებს აკმაყოფილებენ. 

• მათ შორის, ტაქსის მძღოლისთვის სავალდებულო იქნება პირბადის გამოყენება;
• ე.წ. ონლაინ ვაჭრობა დასაშვები იქნება იმ შემთხვევაში, თუ სამუშაო ადგილზე/საწყობში არაუმეტეს 5 ადამიანი იქნება.

ახალციხის ცხელების ცენტრში მოთავსებული პაციენტიდან, რვა მათგანის ბიოლოგიური მასალა ლუგარის ლაბორატორიაში, კორონავირუსზე საკვლევად იყო გაგზავნილი. ცხელების ცენტრში ამბობენ, რომ რვავე პასუხი უარყოფითია.ამის შესახებ ინფორმაციას ახალციხის ტელეკომპანია "მეცხრე არხი" ავრცელებს.

"ფეისბუქმა" ახალი სერვისის "მესინჯერ რუმსის" დაწყების შესახებ განაცხადა.

მთავრობის მეთაურმა დღეს, ანტიკრიზისული სამოქმედო გეგმა წარმოადგინა. გეგმის ერთ-ერთი კომპონენტი იყო, სამსახურის გარეშე დარჩენილი მოქალაქეების ფინანსური დახმარება.

პრემიერ-მინისტრის განცხადებით, 27 აპრილიდან საქალაქთაშორისო გადადგილებაზე შეზღუდვები არ იხსნება.

საქართველოს მთავრობა ადგენს იმ შემთხვევებს, როცა შესაბამისი ცნობის წარდგენის საფუძველზე შესაძლებელია ავტომობილით გადაადგილება. მათ შორის ეს ეხება ექიმთან ვიზიტის საჭიროებას, კლინიკიდან პაციენტის გამოწერას და ასევე, საავადმყოფოებში მყოფი პირებისთვის სხვადასხვა ნივთების მიწოდების საჭიროებას.

სოფელ ცემში, თვალავაძეების ოთხსულიანი ოჯახი საცხოვრებლის გარეშე დარჩა. ხანძრის შედეგად მათი ორსართულიანი სახლი თითქმის დამწვარია.

მთავრობა პრეზიდენტს საგანგებო მდგომარეობის 22 მაისის ჩათვლით გაგრძელების წინადადებით მიმართავს. ამის შესახებ განცხადება მთავრობის ადმინისტრაციაში გამართულ ბრიფინგზე გაკეთდა.