ევროკავშირის 27 ქვეყანა მოგზაურებისთვის ე.წ. COVID პასპორტების გაცემის საკითხზე მსჯელობს.

პანდემია და უპატრონო ძაღლების პრობლემა ბორჯომში.  ბოლო პერიოდში, ოთხფეხა უპატრონო ცხოველები ქალაქისა და სოფლების ქუჩებში ჯგუფებად გადაადგილდებიან და საფრთხეს უქმნიან მოსახლეობას. 

საპატრულო პოლიციის ყოფილ უფროსს დავით ცინარიძეს, რომელიც ოჯახური ძალადობის ბრალდებითაა დაკავებული, აღკვეთის ღონისძიების სახით პატიმრობა შეეფარდა.

რუის-ურბნისის ეპარქია განცხადებას ავრცელებს. ეპარქია განცხადებაში ეხმაურება ინფორმაციას იმის თაობაზე, რომ ყინწვისის მამათა მონასტრის სასულიერო პირებს შორის მომხდარი დაპირისპირების საქმეზე მონასტრის წინამძღვარი დავით კობაიძეა დაკავებული და აღნიშნავს, რომ კობაიძე მონასტრის წინამძღვარი არასდროს ყოფილა და ის მონასტრის რიგითი წევრია.

"15 მაისამდე Covid 19-ით ინფექციაზე დღეში 1 500-დან 1 700-მდე კვლევის, ხოლო 15 მაისის შემდგომ 2000-დან 2 500-მდე კვლევის ჩატარება იგეგმება - ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ ჟურნალისტებს განუცხადა. მისივე ინფორმაციით, ამ ეტაპზე PCR ტექნოლოგიით კვლევას 12 ლაბორატორია აწარმოებს და კიდევ 3-ის დამატება იგეგმება. როგორც გამყრელიძემ განაცხადა, როდესაც შეზღუდვების შერბილება ხდება, აუცილებელია, რომ საზოგადოებისთვის PCR კვლევები უფრო ხელმისაწვდომი იყოს.

ბორჯომში ყველა კაფე-რესტორანი დაკეტილია. მომსახურე პერსონალი კი სახლში უხელფასოდაა დარჩენილი. დამსაქმებლებს ზოგიერთ მათგანთან ხელშეკრულება გაფორმებული ჰქონდა, ზოგი კი ანაზღაურებას ხელზე იღებდა.

საქართველოში კორონავირუსისგან უკვე 168 ადამიანია გამოჯანმრთელებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.

ინფორმაციას,ამის შესახებ ახალციხის ტელეკომპანია "მეცხრე არხი" ავრცელებს.ახალციხის ცხელების ცენტრის 22 თანამშრომელი თვითიზოლაციაში იმყოფება. მედპერსონალის ბიოლოგიური მასალა ლუგარის ლაბორატორიაში უკვე გაგზავნილია. პასუხები დღეს, 28 აპრილს გვიან ღამით გახდება ცნობილი.

ახალციხის საკარანტინო ზონაში 67 მოქალაქეა განთავსებული,371 პირი კი ბაკურიანის ხუთ სასტუმროშია გადანაწილებული.

სამართალდამცავებმა საპატრულო პოლიციის ყოფილი უფროსი დავით ცინარიძე დააკავეს.