საქართველოში კორონავირუსისგან 67 ადამიანია გამოჯანმრთელებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.

ხაშურის მუნიციპალიტეტში, სადაც ახალი კორონავირუსით დაინფიცირების შემთხვევა დადასტურდა, ინფიცირებულთან შემხებლობაში მყოფი ყველა პირის კვლევა მიმდინარეობს.

პოლონეთში მყოფი საქართველოს 71 მოქალაქე სამშობლოში დასაბრუნებლად მინსკი-ერევნის რეისით ისარგებლებს.

"მე ვერ წარმომედგინა, რომ ქართველი ხალხი ასე მშვიდად, ასე ვაჟკაცურად შეხვდებოდა ამ განსაცდელებს" - ამის შესახებ საქართველოს კათოლიკოს-პატრიარქმა ილია მეორემ სამების საკათედრო ტაძარში წირვის დასრულების შემდეგ ქადაგებისას ბრძანა. პატრიარქმა მრევლს ბზობის დღესასწაული მიულოცა.

ხაშურის მუნიციპალიტეტში ერთ პირს ახალი კორონავირუსი დაუდასტურდა. ხაშურის მუნიციპალიტეტის საზოგადოებრივი ჯანდაცვის სამსახურში აცხადებენ, რომ ინფიცირებული თბილისშია გადაყვანილი და მიმდინარეობს მასთან კონტაქტში მყოფი პირების დადგენა.

კორონავირუსის გავრცელების გამო, აშშ-ის პრეზიდენტმა დონალდ ტრამპმა ვაიომინგის შტატში უბედურების ზონად გამოცხადების გადაწყვეტილება დაამტკიცა, რაც ნიშნავს, რომ აშშ-ის ისტორიაში, პირველად, ყველა შტატი უკვე ერთდროულად მოექცა უბედურების ზონის ფარგლებში.

წმინდა ცეცხლს სამების საკათედრო ტაძარში აღდგომის ღამეს 23:00 საათის შემდეგ მიიტანენ. ამის შესახებ სამების საკათედრო ტაძარში, "პილიგრიმ ტურსის" ტურიზმის დირექტორმა, ცისანა გემაზაშვილმა ჟურნალისტებს განუცხადა, რომელიც ისრაელში ორ სასულიერო პირთან ერთად გაემგზავრება.

მართლმადიდებელი ეკლესია დღეს, 12 აპრილს, მართლმადიდებელი ეკლესია იერუსალიმში მაცხოვრის დიდებით შესვლას, ბზობას აღნიშნავს.

ის რომ  ხელისუფლების წარმომადგენლები ტელევიზორის მეშვეობით ადევნებენ თვალს სააღდგომო ლიტურგიას, არასწორი განცხადებაა, რადგან ხელისუფლებაშიც არიან ადამიანები, ვინც მოვლენ და დაესწრებიან , - ამის შესახებ ახალქალაქისა და კუმურდოს მიტროპოლიტმა, მეუფე ნიკოლოზმა (ფაჩუაშვილი) ჟურნალისტებს განუცხადა.

საქართველოში კორონავირუსით ინფიცირების შემთხვევათა რაოდენობა 252 შეადგინა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.კარანტინის რეჟიმშია 4929 ადამიანი, ხოლო სტაციონარში მეთვალყურეობის ქვეშ - 405 პირი.