30-ზე მეტი ყოფილი ქართველი დიპლომატი სააკაშვილის საკითხზე საერთაშორისო თანამეგობრობას მიმართავს| borjomi.tv

ახალი ამბები

30-ზე მეტი ყოფილი ქართველი დიპლომატი სააკაშვილის საკითხზე საერთაშორისო თანამეგობრობას მიმართავს

11:53 / 06.12.2022

ყოფილი ქართველი დიპლომატები ექს-პრეზიდენტ მიხეილ სააკაშვილის სიცოცხლის გადასარჩენად საერთაშორისო თანამეგობრობას მიმართავენ.

მათ წერილები გაუგზავნეს ევროკავშირს, ნატოს, ევროპის საბჭოს, ეუთოს, მათ საპარლამენტო ორგანოებს და წევრი სახელმწიფოების მთავრობებს, სადაც წერენ, რომ სააკაშვილის ჯანმრთელობის სწრაფი გაუარესების ფონზე, ამერიკელი სამედიცინო ექსპერტების დამოუკიდებელმა ჯგუფმა გამოაქვეყნა ჩატარებული ანალიზებისა და კვლევის შედეგები, რაც ავლენს პრეზიდენტ სააკაშვილის მიმართ ადამიანის უფლებების მძიმე დარღვევებს, მათ შორის, წამებასა და მძიმე ლითონით მოწამვლას.

„პრეზიდენტ სააკაშვილის ფიზიკური და ფსიქიკური მდგომარეობა საგრძნობლად გაუარესდა. ბოლო პერიოდში ჩატარებული კვლევები ადასტურებს, რომ ახლა მას აქვს პატიმრობით გამოწვეული ფსიქოლოგიური, ნევროლოგიური, ორთოპედიული და კუჭ-ნაწლავის დაავადებები, რომლებიც განუხრელად აუარესებს მის მდგომარეობას. ამასთან, მედიკოსთა ჯგუფმა პრეზიდენტ სააკაშვილის ორგანიზმში აღმოაჩინა დარიშხანისა და მძიმე ლითონების, მათ შორის ვერცხლისწყლის კვალი. ამიტომ ექსპერტები მკაცრ რეკომენდაციას უწევენ მის სასწრაფო გადაყვანას სამედიცინო დაწესებულებაში შეერთებულ შტატებში ან დასავლეთ ევროპაში“, — ნათქვამია წერილში.

ყოფილი ქართველი დიპლომატები ციტირებენ სააკაშვილი ამერიკელ ექიმებს და ამბობენ, რომ სააკაშვილისთვის საზღვარგარეთ მკურნალობის ნების დართვა იქნება პირველი ნაბიჯი, რაც ყოფილ პრეზიდენტს პოლიტიკური ჩარევის შიშისგან თავისუფალი, დასავლური სტანდარტის კვლევების ჩატარებისა და მკურნალობის საშუალებას მისცემს.

„როგორც ევროპის საბჭოს საპარლამენტო ასამბლეის ბოლო რეზოლუციით დადგინდა, მიხეილ სააკაშვილი დღევანდელი რეჟიმის პოლიტპატიმარია. ის უნდა გათავისუფლდეს. როდესაც საქართველო ევროკავშირში კანდიდატის სტატუსის მოპოვებას ცდილობს, განსაკუთრებით იმ დროს, როდესაც ევროპის მთელი უსაფრთხოება საფრთხის ქვეშაა, მოვლენათა დღევანდელი განვითარება აბსოლუტურად მიუღებელია. ჩვენ, ყოფილ ქართველ დიპლომატებს, გვსურს საერთაშორისო საზოგადოების ყურადღება მივიპყროთ და მოვუწოდებთ შესაბამის მთავრობებს, საერთაშორისო ორგანიზაციებსა და არასამთავრობო ორგანიზაციებს, დღევანდელ მდგომარეობაზე რაც შეიძლება მკაცრი რეაგირება მოახდინონ“, — ნათქვამია წერილში.

მიმართვას ხელს აწერენ:

1. გიორგი ბადრიძე, ყოფილი ელჩი გაერთიანებულ სამეფოში. საქართველოს სტრატეგიული და საერთაშორისო კვლევების ფონდის უფროსი მკვლევარი;

2. დავით ბაქრაძე, პარლამენტის ყოფილი თავმჯდომარე, ყოფილი საგარეო საქმეთა მინისტრი; პარლამენტის წევრი;

3. გელა ბეჟუაშვილი, საგარეო საქმეთა ყოფილი მინისტრი, ეროვნული უშიშროების საბჭოს ყოფილი მდივანი; Strategy International-ის საბჭოს წევრი;

4. კონსტანტინე გაბაშვილი, საქართველოს ყოფილი ელჩი გერმანიაში, პოლონეთში, იტალიაში, მალტაში, სან-მარინოში, FAO, IFAD, WFP, პარლამენტის საგარეო ურთიერთობათა კომიტეტის ყოფილი თავმჯდომარე, პარლამენტის მეცნიერებისა და განათლების კომიტეტის ყოფილი თავმჯდომარე, განათლების ყოფილი მინისტრი, თბილისის ყოფილი მერი; მიწვეული ლექტორი თბილისის სახელმწიფო და ილიას სახელმწიფო უნივერსიტეტებში;

5. მამუკა გამყრელიძე, ყოფილი ელჩი ჩინეთში, მონღოლეთში, ვიეტნამში; საქართველოს ევროპელი დემოკრატების პარტიის გენერალური მდივანი;

6. პაატა გაფრინდაშვილი, ეუთოში საქართველოს ყოფილი მუდმივი წარმომადგენელი; საქართველოს რეფორმების ასოციაციის დირექტორი (GRASS);

7. გიგი გიგიაძე, ყოფილი ელჩი დანიის სამეფოსა და ისლანდიის რესპუბლიკაში, საგარეო საქმეთა მინისტრის ყოფილი მოადგილე; ეკონომიკური პოლიტიკის კვლევის ცენტრის უფროსი მკვლევარი;

8. თორნიკე გორდაძე, ევროპულ და ევროატლანტიკურ სტრუქტურებში ინტეგრაციის ყოფილი მინისტრი, საგარეო საქმეთა მინისტრის ყოფილი მოადგილე; პარიზის პოლიტიკური კვლევების ინსტიტუტის პროფესორი;

9. ნიკოლოზ ვაშაკიძე, ეროვნული უშიშროების საბჭოს მდივნის ყოფილი მოადგილე, საგარეო საქმეთა მინისტრის ყოფილი პირველი მოადგილე, თავდაცვის მინისტრის ყოფილი პირველი მოადგილე; საქართველოს ევროპელი დემოკრატების პარტიის პოლიტიკური საბჭოს თავმჯდომარე;

10. გრიგოლ ვაშაძე, საგარეო საქმეთა ყოფილი მინისტრი, კულტურის, სპორტისა და ახალგაზრდობის ყოფილი მინისტრი; პარლამენტის წევრი;
თემურ იაკობაშვილი, რეინტეგრაციის საკითხებში ყოფილი სახელმწიფო მინისტრი, ყოფილი ელჩი აშშ-ში; ვაშინგტონში დაფუძნებული „აღორძინების ფონდის“ პრეზიდენტი;

11. სერგი კაპანაძე, საქართველოს პარლამენტის ყოფილი ვიცე-სპიკერი, საგარეო საქმეთა მინისტრის ყოფილი მოადგილე; GRASS-ის დამფუძნებელი და გამგეობის თავმჯდომარე;

12. ზურაბ კვაჭაძე, ყოფილი გენერალური კონსული ოდესასა და დონეცკში (უკრაინა);

13. გიორგი კუბლაშვილი, საქართველოს ყოფილი ელჩი უზბეკეთსა და ტაჯიკეთში; IVERIA-ს დამფუძნებელი;

14. ტარიელ ლებანიძე, ყოფილი ელჩი თურქეთში, ალბანეთსა და ბოსნია-ჰერცეგოვინაში;

15. ალექსანდრე ლომაია, საქართველოს ყოფილი მუდმივი წარმომადგენელი გაეროში, ეროვნული უშიშროების საბჭოს ყოფილი მდივანი;

16. ეკატერინა მაირინგ-მიქაძე, ყოფილი ელჩი იორდანიის ჰაშიმიტურ სამეფოში, ლიბანსა და სპარსეთის ყურის არაბულ ქვეყნებში; კიოლნის საკრებულოს ადმინისტრაცია;

17. გრიგოლ მგალობლიშვილი, ყოფილი პრემიერ-მინისტრი, ყოფილი მუდმივი წარმომადგენელი ნატო-ში;

18. ლევან მეტრეველი, MD, PhD, MPH, საქართველოს ყოფილი ელჩი რუმინეთში, მოლდოვაში, კანადაში, ბულგარეთში; საქართველოს უნივერსიტეტის გლობალური ჯანმრთელობის პროფესორი;

19. ნინო ნაკაშიძე, დოქტორი, პარლამენტის ევროპასთან ინტეგრაციის კომიტეტის ყოფილი თავმჯდომარე, საქართველოს ყოფილი ელჩი ჩეხეთში; ტელეკომპანია „მთავარის“ გენერალური დირექტორის მოადგილე;

20. ალექსი პეტრიაშვილი, ევროპულ და ევროატლანტიკურ სტრუქტურებში ინტეგრაციის ყოფილი მინისტრი, ყოფილი ელჩი თურქმენეთსა და ავღანეთში; საქართველოს სტრატეგიული და საერთაშორისო კვლევების ფონდის უფროსი მკვლევარი;

21. მამუკა ჟღენტი, ევროპის საბჭოში ყოფილი მუდმივი წარმომადგენელი; საქართველოს ევროპული ღირებულებების ინსტიტუტის დამფუძნებელი;

22. სალომე სამადაშვილი, საქართველოს მისიის ყოფილი ხელმძღვანელი ევროკავშირში, ყოფილი ელჩი ბელგიის სამეფოსა და ლუქსემბურგის დიდ საჰერცოგოში; პარლამენტის წევრი, „ლელო საქართველოსთვის“ პოლიტიკური მდივანი;

23. დავით სიხარულიძე, საქართველოს ყოფილი ელჩი აშშ-ში, კანადასა და მექსიკაში; თავდაცვის ყოფილი მინისტრი; საქართველოს ატლანტიკური საბჭოს თავმჯდომარე;

24. ეკა ტყეშელაშვილი, საგარეო საქმეთა ყოფილი მინისტრი; საქართველოს სტრატეგიული კვლევების ინსტიტუტის პრეზიდენტი;

25. ბათუ ქუთელია, საქართველოს ყოფილი ელჩი აშშ-ში, კანადასა და მექსიკაში; თავდაცვის მინისტრის ყოფილი მოადგილე; საქართველოს ატლანტიკური საბჭოს დამფუძნებელი;

26. შოთა ღვინერია, საქართველოს ყოფილი ელჩი ნიდერლანდების სამეფოში; ეკონომიკური პოლიტიკის კვლევის ცენტრის უფროსი მკვლევარი;

27. ვალერი ჩეჩელაშვილი, ყოფილი ფინანსთა მინისტრი, საგარეო საქმეთა მინისტრის ყოფილი პირველი მოადგილე, ყოფილი ელჩი უკრაინაში, ყოფილი ელჩი რუსეთში, BSEC-ის ყოფილი გენერალური მდივანი, სუამ-ის ყოფილი გენერალური მდივანი; ევროპის ლიდერთა ქსელის წევრი, საქართველოს სტრატეგიული ანალიზის ცენტრის საბჭოს წევრი;

28. ზურაბ ჭიაბერაშვილი, ყოფილი მუდმივი წარმომადგენელი ევროპის საბჭოში, ყოფილი ელჩი შვეიცარიაში და ყოფილი მუდმივი წარმომადგენელი გაეროს ოფისსა და სხვა საერთაშორისო საერთაშორისო ორგანიზაციებში ჟენევაში; ილიას სახელმწიფო უნივერსიტეტის პროფესორი;

29. გია ჯაფარიძე, ყოფილი ელჩი კვიპროსში; ილია ჭავჭავაძის ევროპული კვლევებისა და სამოქალაქო განათლების ცენტრის უფროსი მკვლევარი;

30. ნათია ჯაფარიძე, ყოფილი ელჩი საფრანგეთში და მუდმივი წარმომადგენელი იუნესკოში, საქართველოში ევროპის საბჭოს ოფისის ყოფილი დირექტორი; ისტორიისა და მემკვიდრეობის ექსპერტი გროის მუზეუმში, საფრანგეთი.

ავტორი:

ნინო ვართაპეტიანი