"მიმიფურთხებია ყველანაირი კავშირისთვის და ყველაფრისთვის. მან ეს იცის. ჩვენ კიდევ ვკანკალებთ, გვეშინია, რომ საკუთარი ქვეყანა დავიცვათ. გვეყოფა გვერდზე ყურება და სულ თეთრად და ფუმფულად ყოფნა. ჩვენ ჩვენი ინტერესები, ჩვენი სახელმწიფო და ჩვენი ხალხი გვყავს და ისინი უნდა დავიცვათ, რადაც არ უნდა დაგვიჯდეს“ -განაცხადა ლუკაშენკომ.

2019 წელს საქართველოდან მსოფლიოს 53 ქვეყანაში 94 მლნ-მდე ბოთლი (0,75 ლ) ღვინოა ექსპორტირებული, რაც 2018 წლის რაოდენობას 9%-ით აღემატება და დამოუკიდებელი საქართველოს ისტორიაში ყველაზე მაღალი მაჩვენებელია. ექსპორტირებული ღვინის ღირებულება 240 მლნ აშშ დოლარს აღწევს, რაც 2018 წლის ანალოგიურ მონაცემზე 17%-ით მეტია. ამის შესახებ ინფორამციას ღვინის ეროვნული სააგენტო ავრცელებს.

Downdetector-ის მონაცემების თანახმად, ევროპის ქვეყნებში და აშშ-ში Facebook-ი შეფერხებით მუშაობს. მომხმარებლები ჩივიან, რომ სოციალური ქსელი მათ ექაუნთებიდან აგდებს და თავიდან სთხოვს ავტორიზაციას. ზოგიერთი მათგანი ქსელში თავიდან შედის, თუმცა ზოგი ავტორიზაციის გავლას ვერ ახერხებს.

ჩინეთიდან თბილისში დღეს დაგეგმილი ავიარეისი გაუქმდა. როგორც  ჯანდაცვის მინისტრის მოადგილემ თამარ გაბუნიამ განაცხადა, ავიარეისი ჩინეთის მხარის ინიციატივით გაუქმდა, მიზეზი კი ქართული მხარისთვის უცნობია.

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ჩინეთში გავრცელებული კორონავირუსის გამო, დღეიდან ჩინეთიდან ჩამოსულ ყველა მგზავრს ტემპერატურას შეუმოწმებენ.

დოდო გუგეშაშვილის დაჭრისა და მისი შვილის, ნოდარ გუგეშაშვილის მკვლელობის საქმეში ბრალდებულს ბრალი წარედგინა. მას ბრალი სისხლის სამართლოს კოდექსის 109-ე მუხლის პირველი და მესამე ნაწილით და 236-ე მუხლის მეორე და მესამე ნაწილით წარედგინა.

ენერგეტიკისა და წყალმომარაგების ეროვნული კომისიის 24 იანვრის საჯარო სხდომაზე ცვლილებები შევიდა „სასმელი წყლის მიწოდებისა და მოხმარების წესებში“.

შინაგან საქმეთა სამინისტროს საგანგებო სიტუაციების მართვის სამსახურმა რეგიონულ დანაყოფებს ახალი, ევროპული სტანდარტების შესაბამისი ავტომანქანები გადასცა.

გაზაფხულზე წარვადგენთ ჩრდილოვან კაბინეტს და ამომრჩეველს რამდენიმე თვით ადრე ეცოდინება პროგრამა და ის სფეროები, რომელსაც პირველი 100 დღის განმავლობაში შევცვლით - ამის შესახებ პარტიის „ლელო საქართველოსთვის“ დამფუძნებელმა მამუკა ხაზარაძემ ქუთაისის რეგიონული ოფისის გახსნისას განაცხადა. მისივე თქმით, პარტია სერიოზული ტემპით იზრდება და ის რეგიონალურ განვითარებას იწყებს.

ხაშური-ბორჯომის გზის მონაკვეთზე ავტომობილების მოძრაობაზე დაწესებული შეზღუდვები მოხსნილია