კულტურის სფეროში პროექტების დაფინანსების მიზნით „გრანტების გაცემის შესახებ კანონში“ ცვლილებები შედის. კანონპროექტი განათლების, მეცნიერებისა და კულტურის კომიტეტის სხდომაზე განიხილეს. კანონის დღეს არსებული რედაქცია საჯარო სამართლის იურიდიული პირის (სსიპ-ის) მიერ კულტურის მიმართულებით გრანტების გამოყოფას არ ითვალისწინებს. ცვლილება „გრანტების შესახებ“ საქართველოს კანონში, კერძოდ, კანონის მე-3 მუხლის „გ“ ქვეპუნქტში შედის.

2019 წლის 9 თვეში სახელმწიფო უწყებებში დასაქმებულთა პრემია-დანამატებზე ჯამში 167,8 მლნ ლარი გაიცა, აქედან, 4,8 მლნ პრემიაზე, ხოლო 163 მლნ დანამატზე მოდის. ბიუჯეტის მონიტორის სტატისტიკის მიხედვით, 2018 წლის ანალოგიურ პერიოდში პრემია-დანამატების საერთო მოცულობამ 148,3 მლნ ლარი შეადგინა. შედეგად გამოდის, რომ წელს სახელმწიფო ხაზინას თანამდებობის პირების პრემია-დანამატები 19,5 მლნ ლარით უფრო ძვირი დაუჯდა.

დღეს, შშმ პირთა საერთაშორისო დღეს, პრეზიდენტის ადმინისტრაციაში სოციალური მომსახურების სააგენტოს ინიციატივითა და პრეზიდენტის ადმინისტრაციის მხარდაჭერით, შეზღუდული შესაძლებლობების მქონე პირთა დასაქმების ფორუმი გაიმართება.

„გაერთიანებული ოპოზიციის“ ერთ-ერთი ლიდერი გიორგი ვაშაძის ინფორმაციით, ოპოზიციის ლიდერები ერთობლივ განცხადებას გააკეთებენ. მისი თქმით, განცხადება პროპორციულ საარჩევნო სისტემაზე ეუთო/ოდირისთვის გასაგზავნ წინადადებასთან დაკავშირებით გაკეთდება.

2020 წლის ერთიანი ეროვნული გამოცდების უცხოური ენების ტესტებში სიახლეები იქნება. ამის შესახებ ინფორმაციას შეფასების და გამოცდების ეროვნული ცენტრი აქვეყნებს.

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, 2018 წელს მომხდარი გახმაურებული მკვლელობა გახსნეს.

შინაგან საქმეთა სამინისტრომ საგზაო მოძრაობის წესების დარღვევის გამო, გამოვლენილი ადმინისტრაციული სამართალდარღვევების მე-3 კვარტლის სტატისტიკა გამოაქვეყნა.

„ქართუ ბანკის“ გაკოტრების საქმეზე იუსტიციის ყოფილი მინისტრის, ზურაბ ადეიშვილისა და "ერთიანი ნაციონალური მოძრაობის" ერთ-ერთი ლიდერის, ნიკა მელიას ბრალდების საქმეზე სასამართლო განაჩენს დღეს გამოაცხადებს. აღნიშნულ საქმეზე ნიკა მელიასა და ზურაბ ადეიშვილს ბრალი 2013 წელს წაუყენეს.

დაუდგენელმა შეიარაღებულმა პირებმა უკრაინელ დეპუტატზე, ვიაჩესლავ სობოლევზე, კიევის ცენტრში თავდასხმა განახორციელეს, რის შედეგადაც მისი სამი წლის ვაჟი დაიღუპა - ამის შესახებ ინფორმაციას უკრაინული მედია ავრცელებს.

ახალ უბანში მცხოვრები ადგილობრივები, ტყეში არსებული დასასვენებელი სივრცის შემოღობვას აპროტესტებენ,მათი განცხადებით აქ კარვებს გაშლიან და სკვერის შემოღობვის უფლებას არავის მისცემენ.