პოლიტიკური პარტიების ქალი წევრები ფემიციდის გახშირებულ შემთხვევებს ერთობლივი განცხადებით ეხმაურებიან.

ბორჯომში ბუნებრივი აირის შეწყვეტის შესახებ განცხადებას კომპანია „სოკარ ჯორჯია გაზი" ავრცელებს.

საქართველოს პრეზიდენტმა, სალომე ზურაბიშვილმა ჯანდაცვის მსოფლიო ორგანიზაციის გენერალურ დირექტორს, გაეროს ადამიანის უფლებათა დაცვის უმაღლეს კომისარსა და ევროსაბჭოს ადამიანის უფლებათა კომისარს საქართველოს ოკუპირებულ ტერიტორიაზე, ცხინვალის რეგიონში ქართულწარწერიანი მედიკამენტების აკრძალვასთან დაკავშირებით წერილები გაუგზავნა და მძიმე ჰუმანიტარული მდგომარეობის შესახებ ინფორმაცია მიაწოდა.

საქართველოს პრემიერ-მინისტრის, გიორგი გახარიას განცხადებით, იქმნება ახალი ეროვნული პარკი, რომელიც სასაზღვრო ზონაში მდებარეობს.

საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს სხდომაზე ხმაურია. აჭარის ტელევიზიაში ახლად შექმნილ ალტერნატიული პროფკავშირების წევრებს მრჩეველთა საბჭოს სხდომაზე დღის წესრიგთან დაკავშირებით სიტყვით გამოსვლა სურდათ, თუმცა აჭარის ტელევიზიის მრჩეველთა საბჭოს თავმჯდომარემ გიგო ჩხარტიშვილმა ამის უფლება არ მისცა, რასაც დაპირისპირება მოჰყვა.

გაერო-ს ადამიანის უფლებების უმაღლესი კომისარის ნუშელ ბაჩელეტის თქმით, ის რაც სირიაში ხდება საშინელებაა და უდანაშაულო ადამიანების მსგავსი დევნა, მეორე მსოფლიო ომის შემდეგ არ მომხდარა. ნუშელ ბაჩელეტი სირიის მთავრობასა და მის მოკავშირე რუსეთს აკრიტიკებს და აცხადებს, რომ ისინი გამიზნულად თავს ესხმიან მშვიდობიან მოსახლეობას და სამოქალაქო ინფრასტრუქტურას.

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ორსული, ახალნამშობიარები და მეძუძური ქალების ჯანმრთელობისთვის მავნე ან/და განსაკუთრებული რისკის შემცველი სამუშაოების ჩამონათვალი დაამტკიცა.

ჩინეთში კორონავირუსით გარდაცვლილთა რაოდენობა 2 004-მდე გაიზარდა, ვირუსით დაინფიცირების დადასტურებული შემთხვევები კი 74 000-ს აჭარბებს, - ამის შესახებ ინფორმაციას ჩინეთის ჯანდაცვის ეროვნული სამსახური ავრცელებს.

უსაფრთხოების საბჭოს მდივნის პოსტზე შინაგან საქმეთა მინისტრი ვახტანგ გომელაური დაინიშნა. ამის შესახებ მთავრობის სხდომაზე საქრთველოს პრემიერ-მინისტრმა გიორგი გახარიამ განაცხადა.

ფრაქცია "ნაციონალური მოძრაობის" თავმჯდომარის რომან გოცირიძის განცხადებით, პარლამენტის სხდომათა დარბაზის შესასვლელში სიცრუის დეტექტორი რომ იყოს დაყენებული, აფეთქდებოდა.