ახალი ამბები
ამერიკელი სენატორები საქართველოს პარლამენტს „რუსული სტილის“ კანონზე უარის თქმას მოუწოდებენ
ამერიკელი სენატორები, რესპუბლიკელი
ჯიმ რიში და დემოკრატი ჯინ შაჰინი, საქართველოს ტრანსატლანტიკური და
ევროპული მომავლის დამაზიანებლად მიიჩნევენ მმართველი პარტია „ქართული
ოცნების“ განზრახვას, მიიღოს კანონი „უცხოური გავლენის გამჭვირვალობის
შესახებ“.
შეერთებული შტატების სენატის საგარეო ურთიერთობათა კომიტეტის მაღალი რანგის წარმომადგენლის, ჯიმ რიშის და ევროპასთან თანამშრომლობის და რეგიონული უსაფრთხოების ქვეკომიტეტის თავმჯდომარის, ჯინ შაჰინის ერთობლივი განცხადება 3 აპრილს გამოქვეყნდა საგარეო ურთიერთობათა კომიტეტის ვებსაიტზე. ნათქვამია, რომ სენატორებმა განცხადება გამოაქვეყნეს მას შემდეგ, რაც საქართველოს მმართველმა პარტიამ ისევ წარმოადგინა „რუსული სტილის კანონი უცხოეთის აგენტების შესახებ“.
რიში და შაჰინი წარმოუდგენლად იმედგამაცრუებელს უწოდებენ საქართველოს მთავრობის მიერ „უცხოეთის აგენტების“ კანონის დაბრუნებას და მიიჩნევენ, რომ ეს გამოიწვევს ქვეყნის შემდგომ გაყოფას. ამერიკელი სენატორების შეფასებით, ეს ჰგავს კანონებს, რომლებსაც რუსეთი იყენებს სამოქალაქო საზოგადოების შეზღუდვისა და პოლიტიკური ოპოზიციის ჩახშობისთვის, რისი მიზეზიც საქართველოში დემოკრატიულ მთავრობას არ უნდა ჰქონდეს.
ჯიმ რიში და ჯინ შაჰინი ხაზს უსვამენ, რომ საქართველოს ხალხმა ეს შეთავაზებული კანონი უარყო 2023 წლის მარტში, მასობრივი დემონსტრაციების დროს.
ამერიკელი სენატორების განცხადებით, კანონპროექტი არა მხოლოდ პოლიტიკურ პროცესს წაიყვანს არასწორი მიმართულებით, არამედ ზიანს მიაყენებს საქართველოს ტრანსატლანტიკურ ინტეგრაციას და მის მომავალს ევროპის კავშირში.
სენატორები მიიჩნევენ, რომ ოქტომბრის არჩევნები იქნება გადამწყვეტი მაჩვენებელი საქართველოს დემოკრატიული მომავლისთვის. ჯინ შაჰინი და ჯიმ რიში დაჟინებით მოუწოდებენ საქართველოს პარლამენტს, უარი თქვას კანონის მიღებაზე.
„ქართული ოცნების" საპარლამენტო უმრავლესობამ 3 აპრილს გამოაცხადა, რომ ხელახლა წარადგენს კანონპროექტს „უცხოური გავლენის გამჭვირვალობის შესახებ“. უმრავლესობის ლიდერის, მამუკა მდინარაძის თანახმად, ტექსტი 2023 წელს ინიციირებული კანონპროექტის მსგავსია, ერთადერთი განსხვავებით - ნაცვლად ტერმინისა „უცხოური გავლენის აგენტი“ გამოყენებულია ტერმინი „უცხოური ძალის ინტერესების გამტარებელი ორგანიზაცია“.
მდინარაძის განცხადებით, კანონპროექტი ითვალისწინებს უცხოური დაფინანსების მიმღები ორგანიზაციების მიერ ყოველწლიური ფინანსური ანგარიშის გამოქვეყნებას, რომლის დარღვევისთვის ფინანსური სანქციებია გათვალისწინებული.
კანონის მიღების აუცილებლობა მდინარაძემ იმით ახსნა, რომ, „ე.წ. სამოქალაქო სექტორი" რჩება „ყველაზე გაუმჭვირვალედ", რაც „მანკიერების ერთ-ერთი უმთავრესი წყარო და შესაბამისად, ერთ-ერთი უმნიშვნელოვანესი გამოწვევაა სახელმწიფოს უსაფრთხოებისთვის".
2023 წელს „ქართული ოცნების" საპარლამენტო უმრავლესობამ ვერ შეძლო ე.წ. უცხოეთის აგენტების კანონის მიღება. მარტის მასშტაბური საპროტესტო აქციების შედეგად, უმრავლესობა იძულებული გახდა, პირველი მოსმენით უკვე დამტკიცებული კანონპროექტი პარლამენტიდან გაეწვია.
კანონპროექტის ხელახლა ინიციირების შემდეგ, ოპოზიციამ „ქართული ოცნება" კვლავ დაადანაშაულა გამჭვირვალობის ყალბი საბაბით „რუსული კანონის" მიღების მცდელობაში, რუსეთის მორიგი დაკვეთის შესრულებასა და ევროკავშირში ინტეგრაციის მიზანმიმართულად შეფერხებაში.
პარლამენტის თავმჯდომარემ, შალვა პაპუაშვილმა, „ანტიქართული პროპაგანდა" უწოდა კანონპროექტის „რუსულად" მოხსენიებას და პარლამენტის სხდომათა დარბაზში მიკროფონის გამორთვით დაემუქრა ყველა დეპუტატს, ვინც „რუსულ კანონს" ახსენებს.
წყარო: რადიო თავისუფლება
შეერთებული შტატების სენატის საგარეო ურთიერთობათა კომიტეტის მაღალი რანგის წარმომადგენლის, ჯიმ რიშის და ევროპასთან თანამშრომლობის და რეგიონული უსაფრთხოების ქვეკომიტეტის თავმჯდომარის, ჯინ შაჰინის ერთობლივი განცხადება 3 აპრილს გამოქვეყნდა საგარეო ურთიერთობათა კომიტეტის ვებსაიტზე. ნათქვამია, რომ სენატორებმა განცხადება გამოაქვეყნეს მას შემდეგ, რაც საქართველოს მმართველმა პარტიამ ისევ წარმოადგინა „რუსული სტილის კანონი უცხოეთის აგენტების შესახებ“.
რიში და შაჰინი წარმოუდგენლად იმედგამაცრუებელს უწოდებენ საქართველოს მთავრობის მიერ „უცხოეთის აგენტების“ კანონის დაბრუნებას და მიიჩნევენ, რომ ეს გამოიწვევს ქვეყნის შემდგომ გაყოფას. ამერიკელი სენატორების შეფასებით, ეს ჰგავს კანონებს, რომლებსაც რუსეთი იყენებს სამოქალაქო საზოგადოების შეზღუდვისა და პოლიტიკური ოპოზიციის ჩახშობისთვის, რისი მიზეზიც საქართველოში დემოკრატიულ მთავრობას არ უნდა ჰქონდეს.
ჯიმ რიში და ჯინ შაჰინი ხაზს უსვამენ, რომ საქართველოს ხალხმა ეს შეთავაზებული კანონი უარყო 2023 წლის მარტში, მასობრივი დემონსტრაციების დროს.
ამერიკელი სენატორების განცხადებით, კანონპროექტი არა მხოლოდ პოლიტიკურ პროცესს წაიყვანს არასწორი მიმართულებით, არამედ ზიანს მიაყენებს საქართველოს ტრანსატლანტიკურ ინტეგრაციას და მის მომავალს ევროპის კავშირში.
სენატორები მიიჩნევენ, რომ ოქტომბრის არჩევნები იქნება გადამწყვეტი მაჩვენებელი საქართველოს დემოკრატიული მომავლისთვის. ჯინ შაჰინი და ჯიმ რიში დაჟინებით მოუწოდებენ საქართველოს პარლამენტს, უარი თქვას კანონის მიღებაზე.
„ქართული ოცნების" საპარლამენტო უმრავლესობამ 3 აპრილს გამოაცხადა, რომ ხელახლა წარადგენს კანონპროექტს „უცხოური გავლენის გამჭვირვალობის შესახებ“. უმრავლესობის ლიდერის, მამუკა მდინარაძის თანახმად, ტექსტი 2023 წელს ინიციირებული კანონპროექტის მსგავსია, ერთადერთი განსხვავებით - ნაცვლად ტერმინისა „უცხოური გავლენის აგენტი“ გამოყენებულია ტერმინი „უცხოური ძალის ინტერესების გამტარებელი ორგანიზაცია“.
მდინარაძის განცხადებით, კანონპროექტი ითვალისწინებს უცხოური დაფინანსების მიმღები ორგანიზაციების მიერ ყოველწლიური ფინანსური ანგარიშის გამოქვეყნებას, რომლის დარღვევისთვის ფინანსური სანქციებია გათვალისწინებული.
კანონის მიღების აუცილებლობა მდინარაძემ იმით ახსნა, რომ, „ე.წ. სამოქალაქო სექტორი" რჩება „ყველაზე გაუმჭვირვალედ", რაც „მანკიერების ერთ-ერთი უმთავრესი წყარო და შესაბამისად, ერთ-ერთი უმნიშვნელოვანესი გამოწვევაა სახელმწიფოს უსაფრთხოებისთვის".
2023 წელს „ქართული ოცნების" საპარლამენტო უმრავლესობამ ვერ შეძლო ე.წ. უცხოეთის აგენტების კანონის მიღება. მარტის მასშტაბური საპროტესტო აქციების შედეგად, უმრავლესობა იძულებული გახდა, პირველი მოსმენით უკვე დამტკიცებული კანონპროექტი პარლამენტიდან გაეწვია.
კანონპროექტის ხელახლა ინიციირების შემდეგ, ოპოზიციამ „ქართული ოცნება" კვლავ დაადანაშაულა გამჭვირვალობის ყალბი საბაბით „რუსული კანონის" მიღების მცდელობაში, რუსეთის მორიგი დაკვეთის შესრულებასა და ევროკავშირში ინტეგრაციის მიზანმიმართულად შეფერხებაში.
პარლამენტის თავმჯდომარემ, შალვა პაპუაშვილმა, „ანტიქართული პროპაგანდა" უწოდა კანონპროექტის „რუსულად" მოხსენიებას და პარლამენტის სხდომათა დარბაზში მიკროფონის გამორთვით დაემუქრა ყველა დეპუტატს, ვინც „რუსულ კანონს" ახსენებს.
წყარო: რადიო თავისუფლება
ამავე კატეგორიაში
18:12 / 21.11.2024
სამოქალაქო საზოგადოების ჯილდო
საქართველომ ისტორიაში პირველად მიიღო.
15:55 / 21.11.2024
სტუდენტების ნაწილის განცხადებით,
მათ თბილისის სახელმწიფო უნივერსიტეტის შენობაში არ უშვებენ.
12:20 / 21.11.2024
„ქართული ოცნების“ პოლიტსაბჭოს
გადაწყვეტილებით, პრემიერ-მინისტრობის კანდიდატი კვლავ ირაკლი
კობახიძე იქნება,
10:38 / 21.11.2024
პარტია „ქართული ოცნება -
დემოკრატიული საქართველოს“ ცენტრალურ ოფისში პოლიტსაბჭოს სხდომა
მიმდინარეობს.
15:10 / 18.11.2024
„საქართველოში ბიუროკრატიული აპარატი
მზარდია, ბოლო ათ წელში საჯარო სექტორში დასაქმებულთა რაოდენობა
24%-ით გაიზარდა,“
კვირის პოპულარული სიახლე
დებატები 2024 წლის საპარლამენტო
არჩევნებში მონაწილე პოლიტიკური პარტიების წარმომადგენლებს
შორის.
მიუსაფარ ცხოველთა პოპულაციის მართვა
- გამოწვევა რომელიც წლებია ვერ მოგვარდა ქვეყანაში.
ცვლილებები შევიდა ბორჯომის 2024
წლის ჯანდაცვისა და სოციალურ პროგრამებში. 25-დან 11 პროგრამაში
სიახლეა, გაიზარდა ბიუჯეტი.
2024 წლის 26 ოქტომბერს საქართველოში
საპარლამენტო არჩევნები ჩატარდება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.