1 ივლისიდან მასწავლებლებს ვის რამდენით მოემატება ანაზღაურება| borjomi.tv

ახალი ამბები

1 ივლისიდან მასწავლებლებს ვის რამდენით მოემატება ანაზღაურება

16:14 / 20.06.2024

მთავრობის გადაწყვეტილებით, მასწავლებელთა შრომის ანაზღაურების ახალი მექანიზმი 2024 წლის 1-ელი ივლისიდან ამოქმედდება.

საჯარო სკოლების მასწავლებელთა შრომის ანაზღაურების მინიმალური ოდენობისა და პირობების დადგენის თაობაზე ახალი ბრძანება საკანონმდებლო მაცნეზე დღეს გამოქვეყნდა. განათლების მინისტრის შესაბამისი ბრძანების თანახმად:

მასწავლებლის შრომის ანაზღაურება მოიცავს:

ა) თანამდებობრივ სარგოს, რომელიც გაანგარიშდება შემდეგი კრიტერიუმებით:

1. განათლება და კვალიფიკაცია;
2. სამუშაო სტაჟი;
3. სამუშაო დატვირთვა.

და

ბ) შესაძლო დანამატებს:

1. წამყვანი ან მენტორი მასწავლებლის ფუნქციური დანამატი;
2. კლასკომპლექტით სწავლების დანამატი;
3. დანამატი არაქართულენოვან სკოლებში/სექტორებზე ერთ-ერთი შემდეგი საგნის სწავლებისათვის: ქართული არაქართულენოვანი სკოლებისთვის; საქართველოს ისტორია; საქართველოს გეოგრაფია;
4. კლასის დამრიგებლობის დანამატი;
5. მაღალმთიან დასახლებაში მდებარე საჯარო სკოლის მასწავლებლის დანამატი.

თანამდებობრივი სარგო სამუშაო დატვირთვის შესაბამისად განისაზღვრება ქვემოთ მოცემული ცხრილის მიხედვით:

ზემოთ აღნიშნული ცხრილის საათობრივი დატვირთვის შესაბამის სარგოს ემატება თანამდებობრივი სარგოს შემადგენელი განათლების/კვალიფიკაციის და სამუშაო სტაჟისთვის განსაზღვრული სარგოები. ასევე, თანამდებობრივ სარგოს ემატება ზემოთ ჩამოთვლილი შესაძლო დანამატი ან დანამატები.

სპეციალური მასწავლებლის შრომის ანაზღაურება მოიცავს:

ა) თანამდებობრივ სარგოს, რომელიც გაანგარიშდება შემდეგი კრიტერიუმებით:

1. განათლება და კვალიფიკაცია;
2. სამუშაო სტაჟი;
3. სამუშაო დატვირთვა (მოსწავლეთა რაოდენობის მიხედვით);

ბ) შესაძლო დანამატებს:

1. კლასის დამრიგებლობის დანამატი;
2. წამყვანი ან მენტორი სპეციალური მასწავლებლის ფუნქციური დანამატი
3. მაღალმთიან დასახლებაში მდებარე საჯარო სკოლის მასწავლებლის დანამატი;

სპეციალური მასწავლებლის თანამდებობრივი სარგო სამუშაო დატვირთვის შესაბამისად განისაზღვრება შემდეგი სახით:

საათობრივი დატვირთვის რაოდენობის მიუხედავად, წამყვანი და მენტორი მასწავლებლის/სპეციალური მასწავლებლის ფუნქციური დანამატი განისაზღვრება ფიქსირებული ოდენობით:

ა) წამყვანის ფუნქციური დანამატი - 150 ლარი;
ბ) მენტორის ფუნქციური დანამატი - 300 ლარი.

2 წლის განმავლობაში მასწავლებელს/სპეციალურ მასწავლებელს წამყვანი ან მენტორი მასწავლებლის ფუნქციის შესრულება შეუძლია ერთზე მეტ სკოლაში და შესაბამისად, დანამატი გაიცემა ყველა იმ სკოლაში, სადაც ასრულებს შესაბამის ფუნქციას.

იმ მასწავლებლებს, რომელთაც 2023-2024 სასწავლო წლის მონაცემებით, დადასტურებული აქვთ კომპეტენცია კონკრეტულ საგანში/საგნებში, მაგრამ ითავსებენ საგნობრივი ჯგუფის სხვა საგნებსაც (კომპეტენციის დადასტურების გარეშე), ანაზღაურება დაუანგარიშდებათ ახალი სახელფასო სისტემით დადასტურებულ და დაუდასტურებელ საგნებზეც, რითაც მიეცემათ შესაძლებლობა 2 წლის ვადაში დაიდასტურონ საგნობრივი კომპეტენცია ყველა იმ საგანში, რომელსაც ასწავლიან.

თუ მასწავლებლის შრომის ანაზღაურება გაანგარიშების ახალი წესით ნაკლებია 2024 წლის 30 ივნისის მდგომარეობით მიღებული ანაზღაურებისა, 2 წლის განმავლობაში მასწავლებელს უნარჩუნდება ძველი ანაზღაურება და მიეცემა დამატებით 200 ლარი. 200 ლარიანი მატება შენარჩუნებული იქნება გარდამავალი პერიოდის გასვლის შემდეგაც.

თუ ახალი წესით და ძველი წესით დაანგარიშებულ ხელფასებს შორის სხვაობა არ იწვევს 200 ლარის ოდენობით ხელფასის ზრდას, მაშინ მასწავლებელს საათობრივი დატვირთვის მიუხედავად, გაზრდილი ანაზღაურება მიეცემა მინიმუმ 200 ლარის ოდენობით.

ივლისის და აგვისტოს თვეების საშვებულებო ანაზღაურება ახალი წესის შესაბამისად გაიცემა 2024 წლის აპრილის, მაისისა და ივნისის დატვირთვების მიხედვით, ივლისის თვის პირველ ნახევარში.

შეგახსენებთ, 1-ელი ივლისიდან საქართველოში სტატუსიანი მასწავლებლების ხელფასის საშუალოდ 500 ლარით ზრდა მთავრობამ ჯერ კიდევ გასული წლის ბოლოს დააანონსა. განათლების სამინისტროს მონაცემებით, დღეს სისტემაში დაახლოებით 52 000-ზე მეტი პედაგოგია და მათგან საშუალოდ 500 ლარით ხელფასი ეზრდება - 21 000-მდე მასწავლებელს, 600 ლარით - 8000-მდე, 700 ლარით - 5000 -მდე, 800 ლარით - 3000 - მდე პედაგოგს, რაც ჯამში მასწავლებელთა 70%-ზე მეტს შეადგენს. დაახლოებით 25%-მდე მასწავლებელს ხელფასი 300-დან 400 ლარამდე ეზრდება. სამინისტროს თანახმად, მინიმუმ 200-ლარიანი მატება, მცირე საათობრივი დატვირთვის შემთხვევაშიც კი, შეეხება აბსოლუტურად ყველა პედაგოგს. ასეთია დაახლოებით მასწავლებელთა 5%.

წყარო: bm.ge

ავტორი:

ნინო ვართაპეტიანი