აბასთუმნის ფილტვის ცენტრიდან დღეს ორი მოქალაქე გაეწერა. ცენტრის მენეჯერის კახა ბერიძის ინფორმაციით, ორივე მათგანმა გაიარა 14 დღიანი საინკუბაციო პერიოდი და შესაბამისად დატოვეს ცენტრი.

ბორჯომისა და ბაკურიანის ეპისკოპოსის მეუფე ლაზარეს ლოცვა-კურთხევით დღეს, 18 მარტს, ბორჯომში, ქალაქის ქუჩები იკურთხა.

პრემიერ-მინისტრის მრჩევლის ინფორმაციით, ესპანეთში კორონავირუსით საქართველოს მოქალაქე გარდაიცვალა.

შინაგან საქმეთა სამინისტრო, საქართველოს მთავრობის უწყებათშორისი საკოორდინაციო საბჭოს მიერ მიღებული გადაწყვეტილებისა და რეკომენდაციების აღსრულების მიზნით, 24-საათიან, საგანგებო რეჟიმში მუშაობას განაგრძობს.

ეკონომიკის სამინისტრო საქართველოში დამზადებულ პირბადეებს კონკრეტულ ადამიანებს უფასოდ დაურიგებს.

შინაგან საქმეთა სამინისტროს სამეგრელო-ზემო სვანეთის ზუგდიდის რაიონული სამმართველოს თანამშრომლებმა ზუგდიდის ჯანდაცვის სამსახურის წარმომადგენლებთან ერთად კარანტინში იძულებით გადაიყვანეს

დღეს, 18 მარტს, ასპინძიდან ერთი მოქალაქე თბილისში, ინფექციურ განყოფილებაში გადაიყვანეს. ინფორმაცია ტელეკომპანია "ბორჯომს", ასპინძის საზოგადოებრივი ჯანდაცვის ცენტრში დაუდასტურეს.

„ყოველ საათში ირანის 43 მოქალაქე ავადდება, რაც კორონავირუსთან არის დაკავშირებული და ეს სტატისტიკა მოწმობს სერიოზულ ეპიდემიაზე“, - განაცხადა მინისტრის მოადგილემ და დასძინა, რომ ყოველ საათში 3 ადამიანი იღუპება ამით.

ჰარირჩის თქმით, ვირუსის გავრცელების ძირითადი მიზეზია ადამიანების მიერ საზოგადოებრივ ადგილებზე ყოფნა და ექიმების რეკომენდაციების იგნორირება.

მედიცინის მუშაკები საავადმყოფოებში ასევე იმ მიზეზით, რომ ადამიანები მათ რეკომენდაციებს არ ასრულებენ, ავადდებიან ვირუსით და იღუპებიან, რაც დაუშვებელია“ , - ამის შესახებ ინფორმაციას ირანის ჯანდაცვის მინისტრის მოადგილე ირაჯ ჰარირჩი ავრცელებს 

ბოლო მონაცემებით, ირანში დაავადებულთა რაოდენობა 17 361 ადამიანს შეადგენს, დარეგისტრირებულია, სულ მცირე, 1135 ლეტალური შედეგი.

1-ელი აპრილის შემდეგ, სკოლებში არდადეგების პროცესის გახანგრძლივების შემთხვევაში, განათლების, მეცნიერების, კულტურისა და სპორტის სამინისტრო მოსწავლეებს ტელეგაკვეთილებს შესთავაზებს.

ინფექციური საავადმყოფოს დირექტორი თენგიზ ცერცვაძე აცხადებს, რომ კორონავირუსით ინფიცირებული ორი პაციენტის ჯანმრთელობის მდგომარეობა მძიმეა.

როგორც მან ჟურნალისტებს განუცხადა, ზოგ პაციენტს ასაკთან ერთად თან თანმხმლები დაავადება აქვს, რის გამოც მათი მდგომარეობა პრობლემურია. მისი თქმით, პნევმონია 11 პაციენტს აქვს.

„ჩვენს კლინიკაში ამჟამად სულ წევს 46 ავადმყოფი, მათგან 30 კორონავირუსით დადასტურებული შემთხვევით. გარდა ამისა, 7 პაციენტი დადასტურებული კორონავირუსული ინფექციით წევს ქვეყნის სხვა კლინიკებში, რომელიც როგორც გუშინ და გუშინწინ ვთქვით, პრემიერის განკარგულებით განისაზღვრა, როგორც მიმღები ინფექციურ საავადმყოფოსთან ერთად. ანუ, 30 ადამიანი წევს ინფექციურ საავადმყოფოში, 7 წევს დანარჩენ კლინიკებში და ერთი გამოჯანმრთელებული გაეწერა. სულ ამ მომენტისთვის საქართველოში დაფიქსირებულია 38 დადასტურებული შემთხვევა.

37 პაციენტიდან ორის მდგომარეობა მძიმეა. რამდენიმე პაციენტი პრობლემურია, რამდენადაც მათ აქვთ ასაკი და თანმხლები დაავადებები, მაგალითად მაღალი არტერიული წნევა, გულის უკმარისობა ან სხვა. რამდენიმე პაციენტის მდგომარეობა საშუალო სიმძიმისაა, ვისაც პნევმონია აქვს, ხოლო დანარჩენი პაციენტების მდგომარეობა მსუბუქია“,-აცხადებს ცერცვაძე.

ცნობისთვის, ამჟამად საქართველოში ახალი კორონავირუსით ინფიცირების 38 დადასტურებული შემთხვევაა. მათ შორის ერთი პაციენტი გამოჯანმრთელდა, თუმცა თვითიზოლაციაში იმყოფება. კარანტინის რეჟიმში იმყოფება 1344 ადამიანი, ხოლო სტაციონარში მეთვალყურეობის ქვეშ 216.