საქართველოში კორონავირუსით ინფიცირების შემთხვევათა რაოდენობა კიდევ 7-ით გაიზარდა და 589 შეადგინა.

ესპანეთში საზოგადოებრივი ტრანსპორტით მგზავრობისას პირბადის გამოყენება სავალდებულო ხდება, - ამის შესახებ ინფორმაციას „ბიბისი“ ავრცელებს.

ბავშვი, რომელსაც ქუთაისში ავტომობილი დაეჯახა, გარდაიცვალა.კრიტიკულ მდგომარეობაში მყოფი არასრულწლოვანი, სასწრაფო დახმარების ჯგუფს საავადმყოფოში გადაჰყავდა, თუმცა ის კლინიკაში შეყვანამდე გარდაიცვალა.

"საქართველომ გერმანიიდან რამდენიმე ათასი ტესტი მიიღო" - აღნიშნულის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ლუგარის ცენტრში ჟურნალისტებთან განაცხადა. გაწეული დახმარებისთვის ამირან გამყრელიძე გერმანიას მადლობას უხდის.

დაავადებათა კონტროლისა და საზოგადოებრივი ჯანდაცვის ცენტრის ხელმძღვანელი, ამირან გამყრელიძე მარნეულის მოსახლეობას მიმართავს და მოუწოდებს, სიმპტომების გამოვლენის შემთხვევაში, დაუყოვნებლივ მიმართონ ექიმს. როგორც გამყრელიძემ მარნეულის მერიაში შეხვედრის დასრულების შემდეგ განაცხადა, მარნეულში ეთნიკურად აზერბაიჯანელი ბევრია და მნიშვნელოვანია, რომ მათთან ორენოვანი, სწორი კომუნიკაცია მოხდეს, რათა ისინი ვირუსის საშიშროებაში დარწმუნდნენ.

'ჩვენთან ოჯახის სტრუქტურა ისეა მოწყობილი, რომ ხშირად, ერთ ოჯახში, ფაქტობრივად რამდენიმე თაობა ცხოვრობს, სკოლაში, თუ უნივერსიტეტებში მოსწავლეებისა და სტუდენტების სიარული, რომლებიც შემდგომ ამ ოჯახებში უნდა დაბრუნდნენ, რა თქმა უნდა, დაკავშირებულია გარკვეულ რისკებთან" - ამის შესახებ მთავრობის ადმინისტრაციის უფროსმა, ნათია მეზვრიშვილმა განაცხადა.

"ბოლო 24 საათის განმავლობაში, სამართალდამცველების მიერ განხორციელებული მონიტორინგის შედეგად, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 105 ახალი ფაქტი გამოვლინდა" - აღნიშნულის შესახებ ინფორმაცია შინაგან საქმეთა სამინისტრომ გაავრცელა.

საქართველოს მთავრობის ადმინისტრაციის უფროსის ნათია მეზვრიშვილის განაცხადებით, ამ ეტაპზე საზოგადოებრივ ტრანსპორტზე შეზღუდვების მოხსნა არ განიხილება, რადგან საზოგადოებრივი ტრანსპორტი სოციალური დისტანციის დაცვის თვალსაზრისით, ყველაზე მეტ საფრთხეს შეიცავს. მისივე თქმით, კაფეების, რესტორნების, სავაჭრო ცენტრების, როგორც ხალხმრავლობის თვალსაზრისით განსაკუთრებით საფრთხის შემცველი ობიექტების გახსნა, მთავრობის მიერ წარმოდგენილი გეგმით, ბოლო ეტაპზეა გათვალისწინებული.

მთავრობის ინფორმაციით, ის საპროცენტო განაკვეთები, რაც ბაზარზეა, შესაძლოა, შემცირდეს.

დაავადებათა კონტროლისა და საზოგადოებრივი ჯანდაცვის ცენტრის ხელმძღვანელის, ამირან გამყრელიძის განცხადებით, ქვეყანაში კორონავირუსით ინფიცირებულთა 12.7% სამედიცინო პერსონალია, რაც საშუალო ევროპული მაჩვენებელია.