ბორჯომში, ოჯახში ძალადობის ბრალდებით,  1973 წელს დაბადებული კ.მ. სამართალდამცავებმა დააკავეს. საჩივარი ცოლმა შეიტანა. გამოძიებით დადგინდა, რომ ბრალდებულმა მეუღლეს, 1975 წელს დაბადებულ მ.მ.-ს, სიტყვიერი და ფიზიკური შეურაცხყოფა მიაყენა. დაკავებული ჩადენილ დანაშაულს აღიარებს.

დაზარალებულმა, ტელეკომპანია "ბორჯომთან" სატელევიზიო კომენტარის გაკეთება არ ისურვა, თუმცა პირად საუბარში გვითხრა, რომ საჩივრის გამოტანას და მეუღლისთვის შანსის მიცემას აპირებს.


შინაგან საქმეთა სამინისტროს ინფორმაციით, გამოძიება საქართველოს სსკ-ს 126-ე პრიმა მუხლის პირველი ნაწილით, მიმდინარეობს, რაც გულისხმობს, ოჯახის ერთი წევრის მიერ მეორის მიმართ ძალადობას, სისტემატურ შეურაცხყოფას, შანტაჟს, დამცირებას, რამაც გამოიწვია ფიზიკური ტკივილი ან ტანჯვა და რასაც არ მოჰყოლია ამ კოდექსის 117- ე, 118-ე ან 120-ე მუხლით გათვალისწინებული შედეგი, − ისჯება საზოგადოებისათვის სასარგებლო შრომით ვადით ოთხმოციდან ას ორმოცდაათ საათამდე.