ახალი ამბები
ბორჯომში მაღაზიიდან საქველმოქმედო ყუთი მოიპარეს - საქმეს შსს იძიებს
ბორჯომში ერთ-ერთი ქსელური სუპერმარკეტიდან საქველმოქმედო ყუთი მოიპარეს. ყუთში მოქალაქეების მიერ თანხა, 8 წლის დავით ხადურისთვის გროვდებოდა. შშმ ბავშვს აქვს მრავლობითი თანდაყოლილი პათოლოგია, არის ჟანგბადდამოკიდებული, ვერ მეტყველებს, ვერ გადაადგილდება, აქვს გულის მანკი და სიცოცხლისთვის შეუთავსებელი პრობლემები. საქველმოქმედო ყუთში შეგროვილ თანხას ოჯახი, ბავშვისთვის, ფსიქიატრის მიერ შერჩეული მედიკამენტების და პამპერსების შესაძენად იყენებდა, რისთვისაც მაღაზიას 2-3 თვეში ერთხელ აკითხავდა. ბავშვის დედამ მაია აბზიანიძემ ყუთი ბოლო დღეებში მას შემდეგ მოიკითხა, როცა მაღაზიაში განკუთვნილ ადგილას ის აღარ დახვდა.


„ყუთი ადგილზე რომ არ დამხვდა, მოვისაკლისე და მეპატრონეს მივწერე, რომ სადმე ხომ არ გადაადგილეთ მეთქი. დადუს მდგომარეობის გამო, ხშირად გარეთ გასვლას ვერ ვახერხებ. რომ მოიძია მეპატრონემ და ვერ იპოვა, შემდგომ კამერებში ვიდეო ვნახეთ. არ ვიცი ვინ არის თუმცა განაცხადი შევიტანე და იმედია იპოვიან!

თავიდან არ ვაპირებდი განაცხადის გაკეთებას, ვიფიქრე იქნებ ჩემზე მძიმედ ჰყავს ვინმე ან უჭირსთქო... მაგრამ, კადრები რო ვნახე, მივხვდი რომ მხოლოდ მე არ მომპარა ფული. იქ არსებული ყველა ბენეფიციარის ყუთი გადმოცალა, ისე მშვიდად რო ეჭვი არავის შეპარვია. ჩემი ყუთი დაკეტილი რომ დახვდა, გასაღების დაკარგვა მოიმიზეზა... კარგი მაშინ წავიღებო უთქვამს, მშვიდად ჩადო ჩანთაში და სხვა ყუთით შეცვალა! ამიტომ ვერ გავჩუმდებოდი, იგი სხვა ბავშვების ფოტოებითაც სარგებლობს და შესაძლოა, ოჯახებმა არც იციან რომ მათი შვილების ფოტოებით მანიპულირებს“ -
ამბობს ტელეკომპანია „ბორჯომთან“ საუბრისას მაია აბზიანიძე.


ტელეკომპანია „ბორჯომი“ ამბის გასარკვევად შინაგან საქმეთა სამინისტროს დაუკავშირდა. უწყებაში გვითხრეს, რომ გამოძიება სსკ-ის 177-ე მუხლით არის აღძრული, რაც ქურდობას გულისხმობს. ძალოვან სტრუქტურაში გვპასუხობენ, რომ ამ დრომდე დაკავებული არავინ არის.



მაია აბზიანიძე გვეუბნება, რომ 8 წლის განმავლობაში ვერ მუშაობდა. ბოლო პერიოდში ხატვა დაიწყო და ახლა ამის იმედად არის. საქველმოქმედო ყუთით შეგროვილი თანხა კი მათ ეხმარებოდა, ბავშვისთვის კვლევების ჩატარებაში, ფსიქიატრთან კონსულტაციასა და მედიკამენტების შეძენაში.


„შეურაწყოფილად ვგრძნობ თავს. ასე ცუდად მაშინ არ მიგრძვნია თავი, როცა მატერიალური დახმარება მჭირდებოდა. ბორჯომი სულ მედგა გვერდით და მეხმარებოდა... ახლაც აგრძელებდნენ თანადგომას, იქ ყოველი ლარის ჩაგდებით“ - გვეუბნება მაია აბზიანიძე.



8 წლის დავით ხადურის დედას, მაია აბზიანიძეს ჩვენ შევთავაზეთ გაეზიარებინა საბანკო ანგარიშის ნომრები, რათა მსურველებს ნებისმიერი თანხით გამოეხატათ მხარდაჭერა. რაზეც გვიპასუხა, რომ ამ ეტაპზე ისინი საზოგადოებისგან დახმარებას არ ითხოვენ, მიუხედავად იმისა, რომ მკურნალობისა და კვლევებისთვის მუდმივად სჭირდებათ ფინანსური დახმარება. მაია აბზიანიძე მადლობას უხდის ყველა იმ მოქალაქეს, ვინც საკუთარი სურვილით გადაწყვეტს თანხის ჩარიცხვას.



გიზიარებთ საბანკო ანგარიშის ნომრებს:


GE57BG0000000154659300

GE86TB7779845061100018

მიმღები: მაია აბზიანიძე.


Print E-mail
FaceBook Twitter
ამავე კატეგორიაში
2024 წლის 1-ლი მარტიდან,
საქართველოს ტერიტორიებზე შესასვლელი ბილეთის ფასები იცვლება.
10:51 / 01.03.2024
2024 წლის 1-ლი მარტიდან, საქართველოს ტერიტორიებზე შესასვლელი ბილეთის ფასები იცვლება.
„ინტერპრესნიუსის“ ინფორმაციით, ლილოს
დასახლებაში, 21 წლის გოგოს მკვლელობაში ბრალდებული პირი
დაკავებულია.
08:46 / 29.02.2024
„ინტერპრესნიუსის“ ინფორმაციით, ლილოს დასახლებაში, 21 წლის გოგოს მკვლელობაში ბრალდებული პირი დაკავებულია.
თბილისში, ლილოს დასახლების
ტერიტორიაზე მკვლელობა მოხდა. მოკლულია 20 წლის გოგო.
13:33 / 28.02.2024
თბილისში, ლილოს დასახლების ტერიტორიაზე მკვლელობა მოხდა. მოკლულია 20 წლის გოგო.

შინაგან საქმეთა სამინისტრომ ნარკოდანაშაულის ბრალდებით უცხო ქვეყნის
4 მოქალაქე დააკავა
11:41 / 27.02.2024

შინაგან საქმეთა სამინისტრომ ნარკოდანაშაულის ბრალდებით უცხო ქვეყნის 4 მოქალაქე დააკავა
დაბა ახალდაბაში ორი მუნიციპალური
ტრანსპორტი იმოძრავებს.
14:10 / 26.02.2024
დაბა ახალდაბაში ორი მუნიციპალური ტრანსპორტი იმოძრავებს.
ინტერაქტივი
სატრანსპორტო გამოწვევები რეგიონში, ეს არის საკითხი, რომელიც ქვეყნის არაერთ მუნიციპალიტეტში დგას.
ორი წელი თვითმმართველობის არჩევნებიდან, რა შეიცვალა ან არ შეიცვალა ორი წლის განმავლობაში ბორჯომში, რას ითხოვს ხალხი და რას პასუხობს ადგილობრივი ხელისუფლება.
დღის ამბები
რას გულისხმობს კორპორაციული სოციალური პასუხისმგებლობა? ეს არის ბიზნესის ვალდებულება
ტელეკომპანია „ბორჯომი“ იწყებს ახალ რუბრიკას „ბიზნესი მდგრადობისთვის“.
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.