ბორჯომის მუნიციპალიტეტის მერს და საკრებულოს თავმჯდომარეს უფლებამოსილება შეუჩერდათ. აღნიშნულის შესახებ გადაწყვეტილების ცნობად მიღება დღეს გამართულ საკრებულოს რიგგარეშე სხდომაზე მოხდა.

ბორჯომის საკრებულოს თავმჯდომარეს და ბორჯომის მერს ბრალი ოფიციალურად წარედგინათ. დაკავებულების მიმართ აღკვეთის ღონისძიების შეფარდებაზე სასამართლო დღეს, 1 მარტს, 15:00 საათზე იმსჯელებს.

ლევან ლიპარტია უკვე სამი წელია ბორჯომის მუნიციპალიტეტის მერია. ლიპარტია მანამდე, საბანკო სივრცეში მუშაობდა და პირველად პოლიტიკაში, 2017 წლიდან გამოჩნდა.

ბორჯომის მერი და საკრებულოს თავმჯდომარე სავარაუდოდ დღეს ბორჯომში დააკავეს.

მთავრობის ადმინისტრაციაში ბრიფინგი დაინიშნა. ბრიფინგს საქართველოს ოკუპირებული ტერიტორიებიდან დევნილთა, შრომის, ჯანდაცვისა და სოციალური დაცვის მინისტრი ეკატერინე ტიკარაძე გამართავს.

პატიმრობიდან ახლადგათავისუფლებული შინაგან საქმეთა ყოფილი მინისტრი, ვანო მერაბიშვილი ხვალ დილით, პოლონეთში მიემგზავრება. ამის შესახებ ინფორმაცია სოციალურ ქსელ „ფეისბუქში“, ვანო მერაბიშვილის გვერდზე გავრცელდა.

ევროსაბჭოს მინისტრთა კომიტეტის სხდომა თბილისის ნაცვლად სტრასბურგში გაიმართება. როგორც ჟურნალისტებს საქართველოს საგარეო საქმეთა მინისტრმა დავით ზალკალიანმა განუცხადა, აღნიშნულ საკითხზე გადაწყვეტილება სტრასბურგში, ევროპის საბჭოს მინისტრთა მოადგილეების შეხვედრაზე მიიღეს.

რუსეთი დღესაც ეწინააღმდეგება საქართველოს სრულფასოვან წევრობას ნატოში, სწორედ ახლა დადგა დრო, ნატომ უპასუხოს ჩვენს მოთხოვნას ნატოში გაწევრიანებასთან დაკავშირებით, - ამის შესახებ საქართველოს პრემიერ-მინისტრი გიორგი გახარია ცნობილ ამერიკულ გამოცემა The Washington Times-ში გამოქვეყნებულ სტატიაში აღნიშნავს.

მთავრობის მეთაური ასევე საუბრობს თურქეთის ხელისუფლების მაღალი რანგის წარმომადგენელთა მტკიცე მხარდაჭერაზე საქართველოს ნატო-ში გაწევრიანების კუთხით.

„დავოსის მსოფლიო ეკონომიკურ ფორუმზე თურქეთის საგარეო საქმეთა მინისტრმა, მევლუთ ჩავუშოღლუმ მოუწოდა ნატო-ში საქართველოს დაუყოვნებლივ მიღებისკენ სრულუფლებიანი წევრის სტატუსით, მიუთითა რა შავ ზღვაზე უსაფრთოების და ნატო-ს მხრიდან შესაბამის გამოწვევებზე პასუხის გაცემის მზარდ საჭიროებაზე. უკრაინაში ვიზიტის დროს კი თურქეთის პრეზიდენტმა, რეჯეფ თაიფ ერდოღანმა კიდევ ერთხელ დაადასტურა თურქეთისა და ნატო-ს მტკიცე დამოკიდებულება შავი ზღვის უსაფრთხოების მიმართ. გარდა ამისა, თურქეთი უკვე დიდი ხანია აღიარებს, რომ შავი ზღვა წარმოადგენს რეგიონის სტრატეგიული კონტექსტის გეოპოლიტიკურ ცენტრს. ნატო-ს ლიდერებმა არაერთხელ აღუთქვეს საქართველოს ნატო-ს სრული წევრობა და ჩვენ გვჯერა, რომ ნატო-ში ჩვენი შესვლის წინაშე არსებული გამოწვევები უახლოეს მომავალში გადაიჭრება“, - აცხადებს პრემიერი.

აღნიშნულ ინფორმაციას პრემიერის პრესსამსახური ავრცელებს.

25 თებერვალი საქართველოს ოკუპაციის დღეა. აღნიშნულ თარიღთან დაკავშირებით, ბორჯომის მუნიციპალიტეტში სახელმწიფო დროშები დაშვებულია.

პოლიტიკური გაერთიანება „ქართული ოცნება - დემოკრატიული საქართველოს“ თავმჯდომარე, ბიძინა ივანიშვილი ეროვნული დემოკრატიული ინსტიტუტის (NDI) პრეზიდენტს, დერეკ მიტჩელს შეხვდა.