საქართველოს მოსახლეობას სჯერა რომ უკრაინაში ომი რუსეთის ბრალია- NDI| borjomi.tv

ახალი ამბები

საქართველოს მოსახლეობას სჯერა რომ უკრაინაში ომი რუსეთის ბრალია- NDI

16:52 / 21.04.2022

“პასუხისმგებლობა სრულიად რუსეთის ფედერაციას ეკისრება, უშუალოდ პუტინს და მის გარემოცვას და ბრალეულობა არის ყველა იმ ქვეყნის, ვინც უბრალოდ შეშფოთებას აფიქსირებს და არაფერს აკეთებს, უმოქმედოდ არიან და უბრალოდ შეშფოთებულები არიან.” – თბილისი, ქალი, 27 წლის
NDI-ს კვლევის მიხედვით, საქართველოს მოსახლეობის 67% მიიჩნევსმ რომ უკრაინაში ომი რუსეთის ბრალია.

კითხვა შემდეგი ფორმულირებით დაისვა და პასუხები პროცენტულად შემდეგნაირად გადანაწილდა.
მოსახლეობას სჯერა რომ უკრაინაში ომი რუსეთის ბრალია.

თქვენი აზრით ვისი ბრალია უკრაინაში ომი?

რუსთი - 67%

არ ვიცი - 14 %

პუტინი - 11%

აშშ - 9%

ნატო - 3%

ევროკავშირი - 2%

სხვა - 2%

უკრაინაში ომის დაწყების შემდეგ საქართველოში საზოგადოების განწყობებში მომხდარი მთავარი ცვლილებები:

უკრაინაში ომის დაწყების შემდეგ:

➔ საქართველოში უფრო მეტ მოქალაქეს მიაჩნია, რომ
რუსეთი მეზობელი ქვეყნებისთვის საფრთხეს წარმოადგენს;
➔ გაიზარდა იმ ადამიანთა რიცხვი, ვისაც სჯერა, რომ
ევროკავშირში გაწევრიანება საქართველოს ეკონომიკას
გააძლიერებს და მეტ უსაფრთხოებას მოუტანს;
➔ შემცირდა მათი რაოდენობა, ვინც მიიჩნევს, რომ
საქართველო მეტ სარგებელს მიიღებს, თუ რუსეთთან
უკეთესი ურთიერთობების სანაცვლოდ უარს იტყვის
ევროპულ და ევრო-ატლანტიკურ ინტეგრაციაზე;
➔ მეტი მოქალაქე მიიჩნევს, რომ საქართველოს ყველაზე
მჭიდრო ეკონომიკური და პოლიტიკური ურთიერთობა
ევროკავშირთან უნდა ჰქონდეს;
➔ რუსეთმა პოზიციები დათმო საქართველოს მთავარი
ეკონომიკური და პოლიტიკური პარტნიორების სიაში;
➔ გაიზარდა იმ ადამიანთა რაოდენობა, ვინც მიიჩნევს, რომ
საქართველომ რუსეთთან ეკონომიკური ურთიერთობები
უნდა შეზღუდოს.

NDI-მ საზოგადოებრივი აზრის ორივე კვლევა - უკრაინაში ომის დაწყებამდე და დაწყების შემდეგ - შემთხვევითი შერჩევით, სატელეფონო გამოკითხვის გზით ჩაატარა. კვლევის საველე სამუშაოები 2 ეტაპად ჩატარდა. თებერვალში საველე სამუშაოები მოიცავდა 3-15 თებერვალს. 2,036 დასრულებულ ინტერვიუს (18% გამოპასუხება, AAPOR სტანდარტების მიხედვით); საშუალო ცდომილების ზღვარი +/- 1.8%; ხოლო მარტში საველე სამუშაოები მოიცავდა 9 -20 მარტს. 2,024 დასრულებულ ინტერვიუს (18% გამოპასუხება, AAPOR სტანდარტების მიხედვით); საშუალო ცდომილების ზღვარი +/-1.6% საველე სამუშაოები ჩატარდა თბილისში, ბათუმში, თელავში, ზუგდიდში, ახალქალაქსა და მარნეულში. ყველა ინტერვიუ ჩატარდა სატელეფონო გამოკითხვის მეთოდით. რესპონდენტები მარტივი შემთხვევითი შერჩევის გზით - შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით). გარდა ამისა, კვლევა წარმომადგენლობითია თბილისის, ურბანული და სოფლის ტიპის დასახლებებისთვის.

ავტორი:

ლიზი საფარიანი

ო

ს

ო

ხ

პ

შ

კ