ახალი ამბები
"საგანგებო მდგომარეობა ხელს შეუწყობს ქვეყანაში ფართომასშტაბიანი ეპიდემიის პრევენციას" - გამყრელიძე
"დღევანდელ სხდომაზე მიმოვიხილეთ როგორც გლობალური, ისე საქართველოში არსებული სიტუაცია. ვიმსჯელეთ იმ გამოწვევებზე, რაც შეიძლება იყოს. ჩვენ აღვნიშნეთ, რომ, ჯერჯერობით, ბოლო 3-კვირაზე მეტია, რაც ქვეყანაში პირველი შემთხვევა დაფიქსირდა ინფექციისა, ვპროგნოზირებდით, რომ ზრდა გვექნებოდა და დაახლოებით მივდივართ იმ პროგნოზის ფარგლებში, რაც ჩვენი ერთ-ერთი სცენარით იყო განსაზღვრული, ანუ სერიოზული და სწრაფი ეპიდ-აფეთქება ჯერჯერობით არ ფიქსირდება ქვეყანაში" - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ კორონავირუსთან დაკავშირებით მოქმედი უწყებათაშორისი საკოორდინაციო საბჭოს ჯანდაცვის თემატური ჯგუფის შეხვედრის შემდეგ განაცხადა, რომელიც საქართველოს პრემიერ-მინისტრ გიორგი გახარიას ხელმძღვანელობით დღეს მთავრობის ადმინისტრაციაში გაიმართა.

როგორც ამირან გამყრელიძემ აღნიშნა, ქვეყანაში ბოლო მონაცემებით, კორონავირუსული ინფექციის 54 დადასტურებული შემთხვევაა და ცნობილია ყველა შემთხვევის წარმომავლობა, მიმდინარეობს ეპიდკონტაქტების კონტროლი.

"მიმდინარეობს ჩაღრმავებული ეპიდკვლევა, განსაკუთებით, ბოლო 5 შემთხვევისა, რომლებიც გამთენიისას დაფიქსირდა. აქედან 3 ახალი გახლდათ ლუგარის ცენტრში, 1 - ბათუმში და 1 - თბილისის ინფექციურ საავადმყოფოში. ასევე, განმეორებითი იყო რამდენიმე შემთხვევა. იცით, რომ საქართველოში უკვე გამოჯანმრთელდა, ჯამში, 3 პაციენტი. ერთის შესახებ თქვენ გქონდათ ინფორმაცია, ერთი გამოჯანმრთელებული გვყავდა გუშინ და ერთიც დღეს. ეს ნიშნავს, რომ 24-საათში მათ ჰქონდათ მიმდევრობით ორი უარყოფითი რეაქცია კორონავირუსის ანტიგენზე. ეს ნიშნავს, რომ ისინი გამოჯანმრთელდნენ და ვირუსი განულდა ორგანიზმში, მაგრამ მათ ყველას ჩვენი პროტოკოლით ერჩივნათ, გამოჯანმრთელების შემდეგ ორი კვირა კიდევ უნდა დაჰყონ თვითიზოლაციაში და მათ, აუცილებლად, ეს პირობები უნდა დაიცვან. გარდა ამისა, კარანტინში იმყოფება 2712 ადამიანი და თვითიზოლაციაში 2683 ადამიანი. გუშინ 199 ადამიანი გავიდა თვითიზოლაციიდან, რაც ნიშნავს, რომ ისინი საფრთხეს აღარ წარმოადგენენ“ - აღნიშნა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა.

მისივე თქმით, გამოცხადებული საგანგებო მდგომარეობა ხელს შეუწყობს ქვეყანაში ფართომასშტაბიანი ეპიდემიის პრევენციას და ამისთვის მნიშვნელოვანია, რომ სახელმწიფო, საზოგადოება და კერძო სექტორი გაერთიანდეს.

„ვფიქრობთ, რომ გამოცხადებული საგანგებო მდგომარეობა ხელს შეუწყობს იმას, რომ პრევენცია ვაწარმოოთ ფართომასშტაბიანი ეპიდემიისა ქვეყანაში. ამისთვის ყველა ერთად უნდა დავდგეთ, სახელმწიფო, კერძო სექტორი და საზოგადოება. დავიცვათ ის რეკომენდაციები, რასაც ვიძლევით და ახლა ყველაზე მთავარი რეკომენდაციაა სოციალური დისტანცირება. ამაზე კარგი იარაღი და ღონისძიება დღეს ეპიდემიის შეჩერებისა და მისი ნელი განვითარებისა არ არსებობს. თავი ავარიდოთ დიდი თავშეყრის ადგილებს. სახლში 2-3 ადამიანზე მეტი არ დავპატიჟოთ, არ გადავიხადოთ დიდი დღესასწაულები და მივყვეთ ყველა იმ რეკომენდაციას რასაც საგანგებო მდგომარეობის გამოცხადება გულისხმობს ქვეყანაში. ამ შემთხვევაში, დარწმუნებულნი იყავით, რომ ჩვენ ამ გამოწვევას გავუმკლავდებით“- აღნიშნა ამირან გამყრელიძემ, რომლის კომენტარსაც დაავადებათა კონტროლის ეროვნული ცენტრი ავრცელებს.
Print E-mail
FaceBook Twitter
ამავე კატეგორიაში
ბორჯომში, ტურიზმის განვითარების
გენერალურ გეგმაზე მუშაობის პროცესი დასრულდა.
06:19 / 26.05.2020
ბორჯომში, ტურიზმის განვითარების გენერალურ გეგმაზე მუშაობის პროცესი დასრულდა.
რა შეიცვალა ქვეყანაში ოჯახში
ძალადობის კუთხით, კორონავირუსის პანდემიის ფონზე.
20:45 / 25.05.2020
რა შეიცვალა ქვეყანაში ოჯახში ძალადობის კუთხით, კორონავირუსის პანდემიის ფონზე.
10 დღიანი პაუზის შემდეგ, ბორჯომის
ცხელების ცენტრში ორი პაციენტია მოთავსებული. 60 წლამდე ქალი და 12
წლის ბავშვი ცენტრში 23 მაისს, მაღალი ტემპერატურით შეიყვანეს.
18:57 / 25.05.2020
10 დღიანი პაუზის შემდეგ, ბორჯომის ცხელების ცენტრში ორი პაციენტია მოთავსებული. 60 წლამდე ქალი და 12 წლის ბავშვი ცენტრში 23 მაისს, მაღალი ტემპერატურით შეიყვანეს.
საქართველოში კორონავირუსით
ინფიცირების შემთხვევათა რაოდენობა 1-ით გაიზარდა და 731 გახდა. ამის
შესახებ ინფორმაცია მთავრობის მიერ შექმნილ სპეციალურ ვებ-გვერდზე
stopcov.ge-ზე არის განთავსებული.
10:06 / 25.05.2020
საქართველოში კორონავირუსით ინფიცირების შემთხვევათა რაოდენობა 1-ით გაიზარდა და 731 გახდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.
თბილისის ინფექციური საავადმყოფოს
კლინიკური დირექტორის მარინა ეზუგბაიას განცხადებით, საქართველოში
ბოლო 24 საათში, კორონავირუსით ინფიცირების 2 ახალი შემთხვევა
დადასტურდა, 13 პაციენტი კი გამოჯანმრთელდა.
10:09 / 24.05.2020
თბილისის ინფექციური საავადმყოფოს კლინიკური დირექტორის მარინა ეზუგბაიას განცხადებით, საქართველოში ბოლო 24 საათში, კორონავირუსით ინფიცირების 2 ახალი შემთხვევა დადასტურდა, 13 პაციენტი კი გამოჯანმრთელდა.
05 / მარტი 2019
თუ გაინტერესებთ რამდენად კარგად იცნობთ ბორჯომის კულტურულ და ისტორიულ ძეგლებს გადადით ბმულზე და შეავსეთ ტესტი.
გამოკითხვა
ტურისტების ჩამოსვლა ბორჯომსა და ბაკურიანში
ამინდი
ბორჯომი 9 - 21 °C
img
ახალციხე 6 - 21 °C
img
თბილისი 12 - 24 °C
img
ასპინძა 8 - 21 °C
img
ახალქალაქი 6 - 17 °C
img
ვალუტა
EUR
EUR
1
3.4801
GBP
GBP
1
3.8890
TRY
TRY
1
0.4687
USD
USD
1
3.1916
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.