ახალი ამბები
ამერიკელი კონგრესმენის კიდევ ერთი წერილი გიორგი გახარიას
აშშ-ის კონგრესის წარმომადგენელთა პალატის წევრმა, რესპუბლიკელმა რენდი ვებერმა საქართველოს პრემიერ-მინისტრ გიორგი გახარიას გაუგზავნა წერილი, რომელშიც სერიოზულ შეშფოთებას გამოთქვამს რეფორმების შეფერხების და საქართველოში ამერიკული ინვესტიციებისთვის, განსაკუთრებით ენერგოკომპანიებისთვის კლიმატის გაუარესების გამო. ამის შესახებ კონგრესმენი ვებერი ტვიტერზე წერს და აქვეყნებს პრემიერ-მინისტრ გახარიასთვის გაგზავნილ, 4 თებერვლით დათარიღებულ წერილს.
რენდი ვებერი უერთდება კონგრესის წარმომადგენელთა პალატის წევრების ორპარტიულ შეშფოთებას დემოკრატიული ფასეულობებიდან გადახვევის და ეკონომიკური კეთილდღეობის შესუსტების გამო.
კონგრესმენი საქართველოს პრემიერ-მინისტრს წერს, რომ აშშ-თან საქართველოს სტრატეგიული პარტნიორობისა და ამერიკის მხრიდან ყოველწლიური დახმარების გათვალისწინებით, იძულებულია შეუერთდეს კოლეგებს, რომლებმაც გასულ კვირებში წერილები მისწერეს. ვებერი უერთდება მათ მიერ გამოხატულ შეშფოთებას დაპირებულ დემოკრატიულ რეფორმაზე უარის და მშვიდობიანი საპროტესტო აქციების წინააღმდეგ ძალადობის, პოლიტიკური ოპონენტების, მედიის წარმომადგენლების, საერთაშორისო და ამერიკული კორპორაციების და სამოქალაქო საზოგადოების წევრების გაუმართლებელი შევიწროების შესახებ ცნობების გამო.
რესპუბლიკელი კონგრესმენი აღნიშავს, რომ შეუერთდა წარმომადგენელთა პალატის მიერ შარშან მიღებულ საქართველოს მხარდამჭერ ორპარტიულ აქტს, რომელიც მიზნად ისახავდა საქართველოს სუვერენიტეტისა და ტერიტორიული მთლიანობის მხარდაჭერას რუსეთისგან მომდინარე გამოწვევის ფონზე. ვებერი აცხადებს, რომ ეს აქტი არ ითვალისწინებს აშშ-ის მხარდაჭერას საქართველოს მთავრობის იმგვარი მმართველობის მიმართ, რომელიც ეწინააღმდეგება დემოკრატიულ ღირებულებებს, მათ შორის თავისუფალ და სამართლიან არჩევნებს, საჯარო სექტორის გამჭვირვალობასა და ანგარიშვალდებულებას, კანონის უზენაესობასა და ანტიკორუფციულ ძალისხმევას.
რენდი ვებერი საუბრობს საქართველოში პირდაპირი უცხოური ინვესტიციების შემცირების ტენდენციასა და„საერთაშორისო გამჭვირვალობის“ კორუფციის აღქმის ინდექსში საქართველოს უკუსვლაზე.
რესპუბლიკელი კონგრესმენის წერილში ევროპული და ამერიკული ბიზნესის შევიწროების მაგალითად მოყვანილია კომპანია „ფრონტერა". ასევე, საუბარია ფეისბუკის გადაწყვეტილებაზე, გაეუქმებინა საქართველოს მმართველ პარტიასთან დაკავშირებული ათეულობით ყალბი გვერდი და ანგარიში, რომლებიც კოორდინირებულად მოქმედებდნენ ოპოზიციური ჯგუფების წინააღმდეგ და აღვივებდნენ ანტიდასავლურ და ანტიამერიკულ განწყობებს.
რენდი ვებერი გიორგი გახარიას წერს, რომ ტენდენციების გათვალისწინებით, აშშ-მა მიიღო ორი კანონი 2019 და 2020 წლებისთვის თანხების გამოყოფის შესახებ და ეს კანონები კონკრეტულად ეხება საქართველოს მთავრობის მიერ დემოკრატიული ფასეულობებისგან, თავისუფალი ბაზრის პრინციპისა და ამერიკული ბიზნეს ინტერესებისგან გადახვევას.
ვებერი გახარიას აფრთხილებს, რომ პირველად საქართველოს თანამედროვე ისტორიაში, აშშ-ში საქართველოს უარყოფითად და სიფრთხილით უყურებენ.
კონგრესმენი აღნიშნავს, რომ ნეგატიური მოვლენებისა და ყოველწლიური ფინანსური დახმარების ფონზე, აშშ-ში გახშირდა მოწოდებები სანქციებისა და სხვა შესაძლო სადამსჯელო ზომების შესახებ.
რენდი ვებერი წერს, რომ საქართველო რჩება აშშ-ს მნიშვნელოვან მეგობრად და სტრატეგიულ პარტნიორად და იმედს გამოთქვამს, რომ მეგობრებს შორის გულწრფელი კომუნიკაცია მომავალ წლებში უფრო მყარი და ძლიერი ურთიერთობის წინაპირობა იქნება. კონგრესმენი იმედოვნებს, რომ საქართველოს მთავრობა ხელს აიღებს ამერიკული კომპანიებს საწინააღმდეგო ქმედებებზე და ხელს შეუწყობს აშშ-დან პირდაპირი ინვესტიციების ზრდას: იმედია, რომ საქართველოს მთავრობა საბოლოოდ იპოვის გზას გასცეს სწორი პასუხი ქმედებებს, რომელიც წარმოადგენს საფრთხეს ქართველი ხალხის თავისუფლებისა და ეკონომიკური კეთილდღეობისთვის.
წერილის ასლები კონგრესმენმა ვებერმა გაუგზავნა სახელმწიფო მდივანს, მაიკ პომპეოს, ფინანსთა მინისტრს სტივენ მნუჩინს და აშშ-ის მთავრობის კიდევ რამდენიმე მაღალჩინოსანს.

Print E-mail
FaceBook Twitter
ამავე კატეგორიაში
17:16 / 10.05.2021
"ნაციონალური მოძრაობის" თავმჯდომარემ, ნიკა მელიამ რუსთავის N12 პენიტენციური დაწესებულება დატოვა.
ჯეოჰოსპიტალსიის ბორჯომის სამედიცინო ცენტში კორონავირუსზე
მოსახელობის ვაქცინაცია გრძელდება.
16:35 / 10.05.2021
ჯეოჰოსპიტალსიის ბორჯომის სამედიცინო ცენტში კორონავირუსზე მოსახელობის ვაქცინაცია გრძელდება.
ბილისის საქალაქო სასამართლომ
„ერთიანი ნაციონალური მოძრაობის“ თავმჯდომარე ნიკა მელიას
პატიმრობიდან გათავისუფლების გადაწყვეტილება მიიღო.
16:13 / 10.05.2021
ბილისის საქალაქო სასამართლომ „ერთიანი ნაციონალური მოძრაობის“ თავმჯდომარე ნიკა მელიას პატიმრობიდან გათავისუფლების გადაწყვეტილება მიიღო.
9 მაისს დაბა ბაკურიანში თოვლი
მოვიდა . გთავაზობთ თოვლიანი ბაკურიანის კადრებს.
12:36 / 10.05.2021
9 მაისს დაბა ბაკურიანში თოვლი მოვიდა . გთავაზობთ თოვლიანი ბაკურიანის კადრებს.
9 მაისი, ფაშიზმზე გამარჯვების დღე
ბორჯომშიც აღინიშნა. მემორიალთან მეორე მსოფლიო ომში დაღუპულთა
სულების მოსახსენიებელი პანაშვიდი გაიმართა,
17:54 / 09.05.2021
9 მაისი, ფაშიზმზე გამარჯვების დღე ბორჯომშიც აღინიშნა. მემორიალთან მეორე მსოფლიო ომში დაღუპულთა სულების მოსახსენიებელი პანაშვიდი გაიმართა,
დღის ამბები
➡ ბორჯომში ინფიცირების ახალი შემთხვევები შემცირდა.
✅ ბორჯომელი მოძღვარი მამა ზურაბი კოვიდ 19-ით გარდაიცვალა;
ინტერაქტივი
ბორჯომსა და მის სოფლებში მიმდინარეობს საზოგაო ინფრასტრუქტურის, წყლის სისტემის, სკვერების, დასასვენებელი სივრცეების და საფეხბურთო მოედნების მოწყობა-განახლება.
01 / აგვისტო 2020
შეავსეთ ტესტი და გაიგეთ, რამდენად კარგად იცნობთ ბორჯომ-ხარაგაულის ეროვნულ პარკს.   (ფოტოს ავტორი - კოტე იანტბელიძე ) //
ვალუტა
EUR
EUR
1
4.1450
GBP
GBP
1
4.7776
TRY
TRY
1
0.4147
USD
USD
1
3.4324
«« მაისი 2021 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.