ტელეკომპანია „ბორჯომის“ ჟურნალისტის, ნინო ვართაპეტიანის ვიდეო, რომელიც ბორჯომის ხასიათს აღწერდა, გახდა კომპანია "ბორჯომის" რჩეული. ამავე კატეგორიაში მოხვდა კიდევ 5 კონკურსანტი.

ჟიურის გადაწყვეტილებით კი კატეგორიაში პროფესიონალი, გაიმარჯვა თამუნა ტაბატაძემ, რომელმაც წნორის ხასიათი ყველაზე უკეთ წარმოაჩინა. მოყვარულის კატეგორიაში კი გორიდან, ანუკი გუგუტიშვილის ვიდეო დასახელდა საუკეთესოდ.

65 ფოტო და ვიდეო მასალიდან, სამი სხვადასხვა კატეგორიის მიხედვით შეირჩა 8 ნამუშევარი. გამარჯვებულ ავტორებს ფულადი პრიზები და ბრენდირებული საჩუქრები გადაეცათ.

კომპანია „ბორჯომის“ მიერ გამოცხადებული კონკურსი #ქალაქიხასიათით იყო სოციალური პასუხისმგებლობის ნაწილი. მისი მიზანი საქართველოს ქალაქების ინდივიდუალური ხასიათის წარმოჩენა და ფართო აუდიტორიისთვის გაცნობა იყო. "ბორჯომი", რომელიც კორპორაციული სოციალური პასუხისმგებლობით ერთ-ერთი გამორჩეული ქართული კომპანიაა, ამ მიმართულებით ახორციელებს ბევრ საინტერესო პროექტს. კერძოდ: ზრუნავს ბორჯომის გადამწვარი ტყის აღდგენაზე, ბორჯომში დაფუძნებული აქვს ბავშვთა და ახალგაზრდობის ცენტრი, სადაც ადგილობრივ ახალგაზრდებს, პროფესიული განათლების მიღების საშუალებას აძლევს და ასევე მათ აქვთ შესაძლებლობა, სხვადასხვა საგანში მოემზადონ ეროვნული გამოცდებისათვის, ეს ყველაფრი კი მათთვის სრულიად უსასყიდლოდ. კომპანია "ბორჯომი" აგრეთვე, აჯილდოვებს სხვადასხვა სფეროში წარმატებულ ადამიანებს. შემოქმედებითი კონკურსი #ქალაქიხასიათით კი იყო ერთ-ერთი მაგალითი, რომელიც CSR-ის კორპორაციულ სოციალურ პასუხისმგებლობის ნაწილი იყო.

მოკლე განმარტება: CSR არ არის კანონით დაკისრებული ვალდებულება. ეს არის კომპანიის კეთილი ნება და ეთიკური მოქმედება, რისი მეშვეობითაც შესაძლებელია ქვეყანაში არსებული სოციალური, ეკოლოგიური და ეკონომიკური პრობლემების მოგვარებაში თუნდაც პატარა წვლილის შეტანა.