ბორჯომის ხეობაში გაჩენილი ხანძრის სალიკვიდაციო სამუშაოებში აზერბაიჯანელი და სომეხი მეხანძრეებიც ჩაერთვნენ. 70-70 მაღალკვალიფიციური, დატრენინგებული, პროფესიონალი მაშველი კონკრეტულ ლოკაციებზე ნაწილდებიან, ისინი ადგილზე თავიანთი ტექნიკით ჩამოვიდნენ.

აღსანიშნავია, რომ სომხეთმა ცოცხალი ძალის გარდა საქართველოს დასახმარებლად 13 ერთეული სახანძრო–სამაშველო ტექნიკა, აქედან 4 მაღალი გამავლობის მანქანაც გამოყო.

შეგახსენებთ, დღეს დილიდან მუშაობა განაახლა 5-მა ვერტმფრენმა (2 ქართული, 2 თურქული და 1 აზერბაიჯანული), ასევე სამუშაოებში უკვე ჩაერთო თურქეთიდან გამოგზავნილი სამაშველო თვითმფრინავიც.