ახალი ამბები
2 აპრილი მსოფლიო აუტიზმის შესახებ ცნობიერების ამაღლების დღეა
2 აპრილს მსოფლიო აუტიზმის შესახებ
ცნობიერების ამაღლების დღეს აღნიშნავს.
ეს დღე აუტიზმის მქონე პირთა
მიმღებლობის, მხარდაჭერისა და ჩართულობის გაზრდის, მათი უფლებების
სხვებთან თანასწორად დაცვის ვალდებულებას უსვამს ხაზს და მათ შესახებ
ცნობიერების ამაღლების მიზანს ემსახურება.
აღნიშნულის პარალელურად, უმნიშვნელოვანესია აუტიზმის მქონე პირების მიერ საზოგადოებრივ ცხოვრებაში სხვადასხვა მიმართულებით შეტანილი წვლილის აღიარება. წლევანდელ წელს ამ დღის აღნიშვნა სწორედ იმ წვლილზე ფოკუსირდება, რომელიც მათ ოჯახებში, სამუშაო ადგილზე, ხელოვნებაში თუ პოლიტიკის შექმნის პროცესში შეაქვთ.
აუტიზმის შესახებ ცნობიერების ამაღლების დღესთან დაკავშირებით, გაეროს გენერალური მდივნის 2023 წლის მიმართვაში ნათქვამია, რომ მიუხედავად გარკვეული პროგრესისა, საზოგადოებაში ჯერ კიდევ არსებობს ბარიერები, რომლებიც ხელს უშლიან აუტიზმის მქონე პირებს ადამიანის ძირითადი უფლებებისა და თავისუფლებების სრულყოფილად განხორციელებაში.
საქართველოში, ბოლო წლებში შეზღუდული შესაძლებლობის მქონე პირთა უფლებების დაცვის მიზნით გადადგმული გარკვეული პოზიტიური ნაბიჯების მიუხედავად, აუტიზმის მქონე პირები კვლავ მრავალი გამოწვევის წინაშე დგანან. მათ შორისაა სკოლამდელი აღზრდის სერვისებზე, ინკლუზიურ განათლებაზე, დასაქმების, ჯანდაცვისა და აბილიტაცია/რეაბილიტაციის პროგრამებზე თანაბარი წვდომა, საზოგადოებაში არსებული სტიგმა და სტერეოტიპები. ქვეყანაში გადაუჭრელი რჩება აუტიზმის მქონე პირთა საჭიროებებზე მორგებული მიზნობრივი სარეაბილიტაციო სერვისების სრული გეოგრაფიული დაფარვა, ამ დრომდე არ არსებობს რთული ქცევის მართვის ეფექტური მიზნობრივი სახელმწიფო პროგრამა. განსაკუთრებით რთულია აუტიზმის მქონე ზრდასრულ პირთა მდგომარეობა. მათთვის მიუწვდომელია ის ფრაგმენტული სარეაბილიტაციო პროგრამებიც, რომელიც რამდენიმე მუნიციპალიტეტში აუტიზმის მქონე არასრულწლოვნებისთვის მოქმედებს.
საქართველოს სახალხო დამცველი მოუწოდებს ხელისუფლებას მიიღოს ზომები, რაც უზრუნველყოფს აუტიზმის მქონე პირთა დამოუკიდებელ ცხოვრებას, საზოგადოებაში ინტეგრაციას, დასაქმების, განათლების უფლების რეალიზაციას, ჯანდაცვის, უწყვეტ სარეაბილიტაციო და სხვა სახელმწიფო პროგრამების მისაწვდომობას, მათთვის განვითარების თანაბარი შესაძლებლობის შექმნასა და მათი წვლილის აღიარებას. მნიშვნელოვანია მოქალაქეთა ცნობიერების ამაღლება საზოგადოებაში არსებული სტიგმისა და არასწორი დამოკიდებულების აღმოსაფხვრელად. ასევე, შშმ პირთა და მათი ოჯახების ფსიქოლოგიური და სოციალური მხარდაჭერა.
გაეროს გენერალური ასამბლეის გადაწყვეტილებით, აუტიზმის შესახებ ცნობიერების ამაღლების დღე მსოფლიოში 2008 წლიდან აღინიშნება.
აღნიშნულის პარალელურად, უმნიშვნელოვანესია აუტიზმის მქონე პირების მიერ საზოგადოებრივ ცხოვრებაში სხვადასხვა მიმართულებით შეტანილი წვლილის აღიარება. წლევანდელ წელს ამ დღის აღნიშვნა სწორედ იმ წვლილზე ფოკუსირდება, რომელიც მათ ოჯახებში, სამუშაო ადგილზე, ხელოვნებაში თუ პოლიტიკის შექმნის პროცესში შეაქვთ.
აუტიზმის შესახებ ცნობიერების ამაღლების დღესთან დაკავშირებით, გაეროს გენერალური მდივნის 2023 წლის მიმართვაში ნათქვამია, რომ მიუხედავად გარკვეული პროგრესისა, საზოგადოებაში ჯერ კიდევ არსებობს ბარიერები, რომლებიც ხელს უშლიან აუტიზმის მქონე პირებს ადამიანის ძირითადი უფლებებისა და თავისუფლებების სრულყოფილად განხორციელებაში.
საქართველოში, ბოლო წლებში შეზღუდული შესაძლებლობის მქონე პირთა უფლებების დაცვის მიზნით გადადგმული გარკვეული პოზიტიური ნაბიჯების მიუხედავად, აუტიზმის მქონე პირები კვლავ მრავალი გამოწვევის წინაშე დგანან. მათ შორისაა სკოლამდელი აღზრდის სერვისებზე, ინკლუზიურ განათლებაზე, დასაქმების, ჯანდაცვისა და აბილიტაცია/რეაბილიტაციის პროგრამებზე თანაბარი წვდომა, საზოგადოებაში არსებული სტიგმა და სტერეოტიპები. ქვეყანაში გადაუჭრელი რჩება აუტიზმის მქონე პირთა საჭიროებებზე მორგებული მიზნობრივი სარეაბილიტაციო სერვისების სრული გეოგრაფიული დაფარვა, ამ დრომდე არ არსებობს რთული ქცევის მართვის ეფექტური მიზნობრივი სახელმწიფო პროგრამა. განსაკუთრებით რთულია აუტიზმის მქონე ზრდასრულ პირთა მდგომარეობა. მათთვის მიუწვდომელია ის ფრაგმენტული სარეაბილიტაციო პროგრამებიც, რომელიც რამდენიმე მუნიციპალიტეტში აუტიზმის მქონე არასრულწლოვნებისთვის მოქმედებს.
საქართველოს სახალხო დამცველი მოუწოდებს ხელისუფლებას მიიღოს ზომები, რაც უზრუნველყოფს აუტიზმის მქონე პირთა დამოუკიდებელ ცხოვრებას, საზოგადოებაში ინტეგრაციას, დასაქმების, განათლების უფლების რეალიზაციას, ჯანდაცვის, უწყვეტ სარეაბილიტაციო და სხვა სახელმწიფო პროგრამების მისაწვდომობას, მათთვის განვითარების თანაბარი შესაძლებლობის შექმნასა და მათი წვლილის აღიარებას. მნიშვნელოვანია მოქალაქეთა ცნობიერების ამაღლება საზოგადოებაში არსებული სტიგმისა და არასწორი დამოკიდებულების აღმოსაფხვრელად. ასევე, შშმ პირთა და მათი ოჯახების ფსიქოლოგიური და სოციალური მხარდაჭერა.
გაეროს გენერალური ასამბლეის გადაწყვეტილებით, აუტიზმის შესახებ ცნობიერების ამაღლების დღე მსოფლიოში 2008 წლიდან აღინიშნება.
ამავე კატეგორიაში
13:54 / 24.11.2024
Tasteatlas-ის რეიტინგში მსოფლიოს
სხვადასხვა ქვეყნის 237 სოუსი მოხვდა, მათ შორის ხუთი ქართული
სოუსია.
13:34 / 24.11.2024
ბარემ ეთქვათ, ყველას დაგიჭერთო -
მუქარაც არაფერში ჯდება, რუსული სტილის მმართველობის კიდევ ერთი
დასტურია,
11:28 / 24.11.2024
შინაგან საქმეთა სამინისტრო დაგეგმილ
მეთორმეტე მოწვევის პარლამენტის შეკრებმადე დაგეგმილ საპროტესტო
აქციას ეხმაურება
09:53 / 24.11.2024
არასამთავრობო ორგანიზაცია „მწვანე
პოლუსის“ ჰაერის ხარისხის მონიტორინგის მონაცემებით,
09:36 / 23.11.2024
23 ნოემბერს, საქართველოს
მართლმადიდებლური ეკლესია გიორგობის ბრწყინვალე დღესასწაულს
აღნიშავს.
კვირის პოპულარული სიახლე
დებატები 2024 წლის საპარლამენტო
არჩევნებში მონაწილე პოლიტიკური პარტიების წარმომადგენლებს
შორის.
მიუსაფარ ცხოველთა პოპულაციის მართვა
- გამოწვევა რომელიც წლებია ვერ მოგვარდა ქვეყანაში.
ცვლილებები შევიდა ბორჯომის 2024
წლის ჯანდაცვისა და სოციალურ პროგრამებში. 25-დან 11 პროგრამაში
სიახლეა, გაიზარდა ბიუჯეტი.
2024 წლის 26 ოქტომბერს საქართველოში
საპარლამენტო არჩევნები ჩატარდება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.