არაფორმალურ სექტორში დასაქმებული ან თვითდასაქმებული მოქალაქეები, რომლებმაც პანდემიის პერიოდში სამსახური დაკარგეს ერთჯერადად 300 ლარს მიიღებენ. ეს კი შემოსავლის დაკარგვის დასაბუთების შემთხვევაში მოხდება-აღნიშნულია საქართველოს მთავრობის ანტიკრიზისულ ეკონომიკური გეგმაში. თუმცა მოქალაქეებისთვის ამ დრომდე გაუგებარია, როგორ მოხდება მოქალაქეთა იდენტიფიცირება, როცა თვითდასაქმებულთა ბაზა არ არსებობს.

ჯანდაცვის მინისტრის მოადგილის თამილა ბარკალაიას განცხადებით იმ თვითდასაქმებული ადამიანების იდენტიფიცირებისთვის, ონლაინ პორტალი იქმნება, სადაც მოქალაქეები პერსონალური ინფორმაციის მითითებას და შესაბამისი დოკუმენტაციის ატვირთავს შეძლებენ, შემდეგ კი კომისიის მიერ განხილვისა და დოკუმენტების ვალიდურად ცნობის საფუძველზე, ისინი 300 ლარის ოდენობით დახმარებას მიიღებენ.