„ნარინჯისფერი კვირეულის“ ფარგლებში ბორჯომში ღონისძიებები გაიმართება| borjomi.tv

ბორჯომის ამბები

„ნარინჯისფერი კვირეულის“ ფარგლებში ბორჯომში ღონისძიებები გაიმართება

14:02 / 17.11.2023

ბორჯომის მუნიციპალიტეტის გენდერული თანასწორობის საბჭოს ორგანიზებით, ქალთა მიმართ ძალადობის 16-დღიანი კამპანიის ფარგლებში, არაერთი ღონისძიება გაიმართება.
კამპანია სტარტს 25 ნოემბერს აიღებს და 10 დეკემბერს შემაჯამებელი ღონისძიებით დასრულდება.

25 ნოემბერი, 17:00 საათი

მერაბ კოსტავას მოედანი
„ნარინჯისფერი კვირეულის“ გახსნა - მერაბ კოსტავას სახელობის მოედანზე მოეწყობა ფლეშმობი, რომელშიც მონაწილეობას მიიღებენ კულტურისა და ხელოვნების ცენტრთან არსებული ანსამბლები: „იმედი“ და „ფერხისი“.

29 ნოემბერი, 16:00 საათი

ბორჯომის სამუსიკო სკოლა
უფლებადამცველ ქალთა საერთაშორისო დღესთან დაკავშირებით, ბორჯომის მუნიციპალიტეტის საჯარო სკოლების მოსწავლეები პრეზენტაციების წარადგენენ.
მუნიციპალიტეტის საჯარო სკოლების მე-10-მე-12 კლასის მოსწავლეებს შესაძლებლობა აქვთ მოამზადონ პრეზენტაციები შემდეგი თემებიდან ერთ-ერთზე:
არასრულწლოვანთა ქორწინება და ოჯახი;
ფემინიზმი და ქალთა უფლებები;
ქალი, ოჯახი და საზოგადოება.

სკოლის მოსწავლეების მიერ შემუშავებული პრეზენტაციიდან თავად სკოლა შეარჩევს ერთ საუკეთესო ნამუშევარს. შერჩეული ნამუშევრების გადმოგზავნა 25 ნოემბრიდან 27 ნოემბრის 18:00 საათამდე შესაძლებელია შემდეგ ელ. ფოსტაზე: This e-mail address is being protected from spambots. You need JavaScript enabled to view it
პრეზენტაციების შექმნისას გათვალისწინებული უნდა იყოს შემდეგი:
პრეზენტაციას წარადგენს ერთი პრეზენტატორი;
პრეზენტაციის საშუალო ხანგრძლივობა უნდა იყოს 5-7 წუთი;
პრეზენტაცია უნდა გაკეთდეს Power Point-ში.

1 დეკემბერი, 13:00 საათი

ბორჯომის მუნიციპალიტეტის საკრებულოს სხდომათა დარბაზი
გაიმართება საინფორმაციო ხასიათის შეხვედრა შიდსის წინააღმდეგ ბრძოლის საერთაშორისო დღესთან დაკავშირებით.

4 დეკემბერი, 15:00 საათი

ბორჯომის სამუსიკო სკოლა
გაიმართება ღონისძიება შშმ პირთა საერთაშორისო დღესთან დაკავშირებით. ღონისძიებაში მონაწილეობას მიიღებენ დღის ცენტრი „თებეს“ ბენეფიციარები. საღამოს მუსიკალურად სამუსიკო სკოლის მოსწავლეები გააფორმებენ.
ღონისძიების დაწყებამდე სამუსიკო სკოლის ფოიეში გაიმართება შშმ პირი დავით ხადურის დედის მაია აბზიანიძის ნახატების გამოფენა-გაყიდვა.

5 დეკემბერი, 16:00 საათი

ბორჯომის სამუსიკო სკოლა
ფსიქოლოგ ზურაბ მხეიძესთან გაიმართება საინფორმაციო ხასიათის შეხვედრა თემაზე „არაფიზიკური ძალადობა“.

8 დეკემბერი, 17:00 საათი

მერაბ კოსტავას სახელობის ბაღი
ღია კინოთეატრში გაიმართება ზურაბ ინაშვილის ფილმი „ხმა ამოიღეთ“ ჩვენება, რომელიც ოჯახში ძალადობის რეალური ისტორიების შესახებ მოგვითხრობს.
ფილმი გაეროს ერთობლივი პროგრამის „გენდერული თანასწორობის ხელშეწყობისათვის საქართველოში“ ფარგლებში საქართველოს კინემატოგრაფიის ეროვნულ ცენტრთან თანამშრომლობითაა გადაღებული.

10 დეკემბერი, 16:00 საათი

კულტურისა და ხელოვნების ცენტრი
„ნარინჯისფერი კვირეულის“ დახურვა - გაიმართება არასრულწლოვანი შშმ ბავშვის ელენე თარგამაძის ნახატების გამოფენა.
„ნარინჯისფერი კვირეულის“ დახურვა - კულტურისა და ხელოვნების ცენტრთან არსებული ანსამბლი „ბორჯომისა“ და სამუსიკო სკოლასთან არსებული ანსამბლი „ოქტავას“ მონაწილეობით გაიმართება კონცერტი.
დაჯილდოვდებიან გენდერული თანასწორობის საბჭოს ორგანიზებით გამოცხადებული კონკურსის პრეზენტატორები. თითოეული სკოლის დირექციას, გენდერული თანასწორობის საბჭოსთან ინტენსიური ურთიერთობის გამო, გადაეცემა მადლობის სიგელი.
შეგახსენებთ, რომ ბორჯომის მუნიციპალიტეტის გენდერული თანასწორობის საბჭო უკვე რამდენიმე წელია ქალთა მიმართ ძალადობის წინააღმდეგ მიმართული 16-დღიანი კამპანიის ორგანიზატორია. გარდა ამისა, საბჭოს მიერ წლის განმავლობაში არაერთი ღონისძიება იგეგმება.

(R)

ო

ს

ო

ხ

პ

შ

კ