საქართველოში მიმდინარე პროევროპული აქციების ფონზე, ამერიკის შეერთებული შტატების სახელმწიფო დეპარტამენტმა სავიზო შეზღუდვები დაუწესა საქართველოს კიდევ ოცამდე მოქალაქეს, რომელთა შორის არიან მინისტრები, პარლამენტის წევრები, სამართალდამცავი უწყებების და უსაფრთხოების სამსახურის თანამდებობის პირები და კერძო მოქალაქეები.

IT/TECH სფეროს წარმომადგენლები დედაქალაქში აქციას მართავენ. რამდენიმე ასეული ადამიანი ჯერ პარლამენტის შენობის წინ შეიკრიბა, შემდეგ კი მსვლელობა მოაწყო ცენტრალურ ქუჩებზე - რუსთაველის, მელიქიშვილისა და კოსტავას გამზირებზე.

გაერთიანებული სამეფოს ელჩი საქართველოში გარეტ უორდი ქართულ ენაზე ჩაწერილ ვიდეომიმართვაში „ქართულ ოცნებას“ მოუწოდებს, მოუსმინოს დასავლელ პარტნიორებს, რომლებიც ბოლო ათწლეულებია ქვეყანას სუვერენიტეტის დაცვაში ეხმარებიან.

მსახიობმა და ტელეწამყვანმა, დუტა სხირტლაძემ პროსამთავრობო ტელეკომპანია „იმედი” დატოვა.

პარტია „კოალიცია ცვლილებისთვის“ დამფუძნებელი ნიკა გვარამია ბიზნესმენ ზაზა ოქუაშვილს, რომელთან ერთადაც ფლობდა „მთავარი არხის“ წილს, ტელეარხისთვის პრობლემების შექმნას მის პოლიტიკაში წასვლას უკავშირებს.

ტელეკომპანია „მთავარი არხის“ თანამფლობელი, ბიზნესმენი ზაზა ოქუაშვილი არხის გენერალურ დირექტორს, გიორგი გაბუნიას, ცილისწამებაში ადანაშაულებს და აცხადებს, რომ „მთავარი არხის“ დახურვის გადაწყვეტილება მას არ მიუღია.

გიორგი გაბუნიას ინფორმაციით, "მთავარი არხის" ერთ-ერთმა დამფუძნებელმა, ზაზა ოქუაშვილმა არხის დახურვა გადაწყვიტა. ამის შესახებ მან ტელეკომპანიაში გამართულ ბრიფინგზე ისაუბრა, რასაც არხის ჟურნალისტები და წამყვანებიც ესწრებოდნენ.

შეკრებისა და მანიფესტაციების დროს პიროტექნიკური ნაწარმის გამოყენებასთან ერთად, სახის ნიღბის ტარება, ასევე ლაზერული და მკვეთრი გამოსხივების მქონე ნებისმიერი საშუალების გამოყენება აიკრძალება.

დღეს, 11 დეკემბერს, 20:00 საათზე მოქმედი და ყოფილი საჯარო მოხელეები რესპუბლიკის მოედნიდან საქართველოს პარლამენტის შენობამდე მსვლელობას გამართავენ.

შსს-ს მომსახურების სააგენტოს მიერ ცალკეული სერვისების საფასურის ოდენობა იზრდება. რიგ მომსახურებაზე საფასურის ახლებურად განსაზღვრას „საჯარო სამართლის იურიდიული პირის - საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ კანონში დაგეგმილი ცვლილებები ითვალისწინებს, რომელსაც პარლამენტი დაჩქარებული წესით განიხილავს.