რამდენით გაიზარდა კომუნალურ გადასახადებზე, პროდუქტზე და ტრანსპორტზე ფასები| borjomi.tv

ახალი ამბები

რამდენით გაიზარდა კომუნალურ გადასახადებზე, პროდუქტზე და ტრანსპორტზე ფასები

12:55 / 02.03.2022

ბოლო ერთი წლის განმავლობაში საქართველოში ფასები 13,7 პროცენტით გაიზარდა. ბოლო ერთ თვეში კი 0,9 პროცენტით.
2022 წლის თებერვლის მონაცემებს საქსტატი აქვეყნებს.

ყველაზე მაღალი ზრდა კომუნალური გადასახადების ჯგუფში მოხდა - ჯამში 45,8 პროცენტით. კერძოდ:

ელექტროენერგია, აირი და სათბობის სხვა სახეები - ზრდა 68,4%;
წყალმომარაგება და საცხოვრებელთან დაკავშირებული სხვა მომსახურება - ზრდა 58%;
საცხოვრებლის მიმდინარე მოვლა და შეკეთება - ზრდა 11,5%;
ფასები შემცირდა საცხოვრებლის ფაქტიურ გადასახადზე - კლება 2,9 პროცენტი.

სურსათისა და უალკოჰოლო სასმელების ჯგუფში ფასები 17,3 პროცენტით გაიზარდა:

ბოსტნეული და ბაღჩეული - ზრდა 34%;
მინერალური და წყაროს წყალი, უალკოჰოლო სასმელები და ნატურალური წვენები - ზრდა 23,4%;
პური და პურპროდუქტები - ზრდა 20,8%;
თევზეული - ზრდა 18,2%;
ზეთი და ცხიმი - ზრდა 17,4%;
შაქარი, ჯემი და სხვა ტკბილეული - ზრდა 15,6%;
ხილი და ყურძენი - ზრდა 15,5%;
რძე, ყველი და კვერცხი - ზრდა 14,4%;
ხორცი და ხორცის პროდუქტები - ზრდა 11%;
ყავა, ჩაი და კაკაო - ზრდა 10,4%.
ტრანსპორტის ჯგუფში ფასები გაიზარდა 14,5%-ით. კერძოდ:

სატრანსპორტო საშუალებების ექსპლუატაციაზე - ზრდა 19,6%;
სატრანსპორტო მომსახურებაზე - ზრდა 3,8%.

2021 წლის დეკემბერში, წინა წლის იმავე თვესთან შედარებით, პროდუქტზე ფასები 13,9 პროცენტით არის გაზრდილი. ეროვნული ბანკის პრეზიდენტის გათვლებით, ინფლაცია მარტიდან უნდა შემცირდეს.

ავტორი:

ნინო ვართაპეტიანი

ო

ს

ო

ხ

პ

შ

კ