ქალაქ ახალციხეში, თაბუკაშვილის ქუჩაზე საცხოვრებელი სახლი გაქურდეს. შემთხვევა სამ მარტს, საღამოს მოხდა. მეპატრონე ამბობს, რომ ჯერ რ იცის, რა არის წაღებული მისი სახლიდან.

ჯანდაცვის მსოფლიო ორგანიზაციის ხელმძღვანელი ტედროს გებრეიესუსი აცხადებს, რომ კორონავირუსი სახელწოდებით COVID-19 უფრო მომაკვდინებელია, ვიდრე ჩვეულებრივი გრიპი, თუმცა მისი გავრცელება უფრო დაბალია.

დღეს, 4 მარტს საკანონმდებლო ორგანოში საქართველოს პრეზიდენტს მოუსმენენ.სალომე ზურაბიშვილი ქვეყნის მდგომარეობის უმნიშვნელოვანეს საკითხებზე პარლამენტის წინაშე ყოველწლიური მოხსენებით წარდგება. პრეზიდენტის ადმინისტრაციის ინფორმაციით, სალომე ზურაბიშვილის მოსმენა საკანონმდებლო ორგანოში 14:00 საათზე დაიწყება.

შინაგან საქმეთა სამინისტრომ საქართველოს მასშტაბით სხვადასხვა დროს ჩატარებული საგამოძიებო ღონისძიებების შედეგად სისხლის სამართლის 765 საქმეზე ნივთმტკიცებად ამოღებული ნარკოტიკული საშუალებები გაანადგურა, რომელთა საერთო ღირებულება ე.წ. შავ ბაზარზე, დაახლოებით 6 მილიონ ნახევარი ლარია.

მსოფლიო ბანკი კორონავირუსთან გასამკლავებლად 12 მილიარდი აშშ დოლარის გამოყოფას გეგმავს. მსოფლიო ბანკის ინფორმაციით, დახმარების მიზანია ქვეყნებს ვირუსის შედეგად ჯანდაცვისა და ეკონომიკის სფეროებში წარმოქმნილი პრობლემების დაძლევაში დაეხმაროს და ხელი შეუწყოს ამ მიმართულებით კერძო სექტორთან მუშაობის გაძლიერებას.

შსს-ს ინფორმაციით, მიმდინარე წლის 2 მარტს, ბრალდებულმა ახალგაზრდა მამაკაცმა დედას - 1958 წელს დაბადებულ თ.ტ.-ს, ურთიერთშელაპარაკების ნიადაგზე, ცივი იარაღის გამოყენებით სასიკვდილო ჭრილობა მიაყენა, შემდეგ კი, კვალის დაფარვის მიზნით, გარდაცვლილი ქალის ცხედარს მათსავე საცხოვრებელი სახლის ეზოში ცეცხლი წაუკიდა.

ინფექციური საავადმყოფოს ბოქსირებული განყოფილების უფროსის მარინა ენდელაძის ინფორმაციით, ანალიზების უკანასკნელი პასუხების შედეგად არც ერთ პაციენტს კორონავირუსი არ დაუდასტურდა. მისივე თქმით, ლუგარის ლაბორატორიაში ამჟამად გამოსაკვლევად გადაგზავნილია კიდევ 11 პაციენტის ანალიზები, რომელთა შედეგები გვიან ღამით იქნება ცნობილი.

კომუნიკაციების ეროვნულმა კომისიამ ბავშვისთვის საფრთხის შემცველი ინფორმაციის ინტერნეტში განთავსების მოწესრიგების შესახებ დებულება დაამტკიცა.

სამცხე-ჯავახეთში სახელმწიფო რწმუნებულმა, ბესიკ ამირანაშვილმა, რეგიონში, COVID-19-თან დაკავშირებით საკოორდინაციო სამუშაო ჯგუფთან შეხვედრა გამართა, რომელსაც მუნიციპალიტეტების მერები, საგანმანათლებლო რესურსცენტრების დირექტორები, ბაღების გაერთიანების ხელმძღვანელი პირები, სამცხე-ჯავახეთის პოლიციის დეპარტამენტის დირექტორი და შსს საპატრულო პოლიციის დეპარტამენტის სამცხე-ჯავახეთის მთავარი სამმართველოს უფროსი ესწრებოდნენ.

კორონავირუსთან დაკავშირებით მოქმედი უწყებათაშორისი საკოორდინაციო საბჭოს გადაწყვეტილებით მოქალაქეთა ინფორმირებისთვის ვებგვერდი - Stopcov.ge შეიქმნა.