დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ლუგარის ცენტრში კორონავირუსზე გამოკვლეული 23-ვე ნიმუშის პასუხი უარყოფითია.

სასტუმროები მთავრობას კორონავირუსის გამო შექმნილი პრობლემების მოსაგვარებლად, ბანკებთან შუამდგომლობისა და გადასახადების გადავადების თხოვნით მიმართავენ.

ზოგიერთი ადამიანი ეკლესიას ადანაშაულებს იმაში, რომ თურმე ეკლესია ცდილობს ეპიდემია გაავრცელოს ზიარების მეშვეობით. 21 საუკუნის განმავლობაში ადამიანები ეზიარებიან და ერთი შემთხვევაც კი არ არსებობს, რომ ზიარების მეშვეობით, რომელიმე ეპიდემია გავრცელებულიყო- ამის შესახებ დეკანოზმა შალვა კეკელიამ განაცხადა, რითაც გამოეხმაურა საზოგადოების ნაწილის მოსაზრებას ზიარებასთან დაკავშირებით.

საქართველოში სომხეთის პრემიერ-მინისტრის ნიკოლ ფაშინიანის ოფიციალური ვიზიტი დაიწყო. მას თბილისის საერთაშორისო აეროპორტში საგარეო საქმეთა მინისტრი დავით ზალკალიანი დახვდა.

დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილის, პაატა იმნაძის განცხადებით, მათი რეკომენდაციაა, რომ ერთჯერადი კოვზი არ იყოს გამოყენებული არცერთ სიტუაციაში.

ბორჯომის მუნიციპალიტეტის მერს და საკრებულოს თავმჯდომარეს უფლებამოსილება შეუჩერდათ. აღნიშნულის შესახებ გადაწყვეტილების ცნობად მიღება დღეს გამართულ საკრებულოს რიგგარეშე სხდომაზე მოხდა.

„გორმედის“ ქსელის ხაშურის საავადმყოფოს თვითდინებით ოთხმა პირმა მიმართა. მათგან ორი ახალგაზრდა მამაკაცი ირანის მოქალაქეა, ახალგაზრდა ქალი და მამაკაცი კი, რომლებსაც მათთან კონტაქტი ჰქონდათ, საქართველოს მოქალაქეები არიან. ირანის მოქალაქეები ამბობენ, რომ მათ საქართველოს საზღვარი 23 თებერვალს გადმოკვეთეს. ვირუსული ინფექციისთვის დამახასიათებელი სიმპტომები კი დღეს, 2 მარტს, დილით ხაშურის მუნიციპალიტეტში ერთ-ერთ სასადილოში ყოფნისას შენიშნეს.

დღეს, 2 მარტს, ახალქალაქის რაიონულმა სასამართლომ, 2018 წლის 30 ოქტომბერს, მკოიანებისა და ოპოზიციის წარმომადგენლებს შორის მომხდარ ჩხუბზე გადაწყვეტილება მიიღო. სასამართლო პროცესი 2 წელი და 3 თვე გაგრძელდა. ინფორმაციას jnews.ge ავრცელებს.

თბილისის საქალაქო სასამართლომ ბორჯომის მერს, საკრებულოს თავმჯდომარეს და მათთან ერთად დაკავებულ ბიზნესმენს აღკვეთის ღონისძიების სახით პატიმრობა შეუფარდა.

მასწავლებელთა პროფესიული განვითარების ეროვნული ცენტრის მიერ გამოცხადებულ კონკურსში: ,, საუკეთესო მუსიკის პედაგოგი" დაბა წაღვერის საჯარო სკოლის მუსიკის მასწავლებელმა ნინო ქარდავამ გაიმარჯვა.