ბორჯომში, ქალთა დღეებთან დაკავშირებული ღონისძიებები გადაიდო. კულტურის სამსახურის ინფორმაციით, მათი აღნიშვნა სავარაუდოდ 2 კვირის შემდეგ მოხდება. 

ოკუპირებული ცხინვალის ხელისუფლება რუსეთის მთავრობის მეთაურს მიხეილ მიშუსტინს თხოვნით მიმართავს „რეპსუბლიკას“ გაუწიოს ჰუმანიტარული დახმარება და სამედიცინო პროდუქციით მოამარაგოს. ამის შესახებ დე ფაქტო ჯანდაცვის მინისტრმა გეორგი ტოტჩიევმა ე.წ. მინისტრთა კაბინეტის სხდომაზე განაცხადა.

ბორჯომის მერის მოვალეობას მისი პირველი მოადგილე შეასრულებს. დავით ზაალიშვილმა დღეიდან მუშაობა აღნიშნული სტატუსით ოფიციალურად დაიწყო. უფლებამოსილება გადაიბარა ოთარ არბოლიშვილმაც.

თეთნულდის მიმდებარე ტერიტორიაზე ზვავის ჩამოწოლის შედეგად 3 ტურისტი დაიღუპა. როგორც  „მთის კურორტების განვითარების კომპანიაში“ განაცხადეს, ათი ადამიანისგან დაკომპლექტებული იტალიელი ტურისტების ჯგუფი თეთნულდის მიმდებარე ტერიტორიაზე აკრძალულ ზონაში სრიალებდნენ, რის შედეგადაც ზვავი მოწყდა.

შინაგან საქმეთა მინისტრის მოადგილემ, იოსებ ჭელიძემ, საგანგებო სიტუაციების მართვის სამსახურის უფროსთან - თემურ მღებრიშვილთან და სახანძრო-სამაშველო დეპარტამენტის ხელმძღვანელებთან ერთად, ბორჯომში ევროპული სტანდარტების ახალი სახანძრო-სამაშველო შენობა გახსნა. ღონისძიებას, ასევე, დაესწრნენ საგანგებო სიტუაციების მართვის სამსახურის უფროსის მოადგილე ლევან ღირსიაშვილი და სახელმწიფო რწმუნებული სამცხე-ჯავახეთის მხარეში ბესიკ ამირანაშვილი.

საქართველოს პრეზიდენტის, სალომე ზურაბიშვილის განცხადებით, აფხაზებსა და ოსებს მომავლის პერსპექტივა უნდა დავანახოთ, რომელიც საფრთხეს კი არ შეუქმნის მათ, არამედ გზას გაუხსნის ევროპისკენ ანუ - კეთილდღეობისკენ.როგორც ზურაბიშვილმა პარლამენტში სიტყვით გამოსვლისას აღნიშნა, საქართველოს საერთაშორისო არენაზე გამოუყენებელი პოტენციალი აქვს.

კორონავირუსის პრევენციის მიზნით, ბოლო რამდენიმე დღის განმავლობაში, საზღვარგარეთიდან ახალციხის მუნიციპალიტეტში შემოსულ მოქალაქეებს მედიკოსები აკვირდებიან. პროცესს მეთვალყურეობას საზოგადოებრივი ჯანდაცვის ახალციხის ცენტრი უწევს. უწყებაში ამბობენ, რომ ტემპერატურის მომატება ან ვირუსის ნიშნები არც ერთ იზოლირებულს აღენიშნება.ამის შესახებ ინფორმაციას,ახალციხის ტელეკომპანია "მეცხრე არხი" ავრცელებს.

აქტივისტთა ჯგუფმა "გაბედე" საქართველოს პრეზიდენტის, სალომე ზურაბიშვილის ყოველწლიური მოხსენების წინ პარლამენტის შენობასთან აქცია გამართეს.

სტატისტიკის ეროვნული სამსახურის მონაცემებით, თებერვალში წინა წლის ანალოგიურ პერიოდთან შედარებით, ქორწინების 958 სინჯის ოქროს ბეჭედზე - ფასი 33.84%-ით გაიზარდა.

ჯანდაცვის პოლიტიკის სამმართველოს უფროსის ეკატერინე ადამიას განცხადებით, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ გაცემული დოკუმენტის საფუძველზე, საკარანტინო სივრცეში და თვითიზოლაციაში მყოფ მოქალაქეებს სამსახურში გაცდენილი საათები აუნაზღაურდებათ.