ბორჯომში უპატრონო ძაღლები მომრავლდა.მოსახლეობა აცხადებს,რომ ქუჩაში გადაადგილება საფრთხის შემცველი გახდა.მოგვარდება თუ არა უპატრონო ძაღლების პრობლემა იხილეთ, სიუჟეტში:

ბორჯომის ცენტრში, გარეუბნებსა და მიმდებარე სოფლებში უპატრონო ძაღლები მრავლად არიან. მოსახლეობა თავს ვერაფრით იცავს. ხშირ შემთხვევაში ცხოველები ჯგუფურად გადაადგილდებიან  და მოსახლეობას, განსაკუთრებით კი ბავშვებს საფრთხეს უქმნიან.



უპატრონო ძაღლების პრობლემას  განსაკუთრებით  ამძაფრებს ის ფაქტიც, რომ ქალაქის მასშტაბით არ არსებობს სამსახური, რომლის კომპეტენციაშიც უპატრონო ძაღლებზე ზედამხედველობა შევა. როგორც ბორჯომის მუნიციპალიტეტის გამგეობაში განაცხადეს, ვინაიდან ბორჯომში უპატრონო ძაღლების თავშესაფარი არ არის, აქტიურად მიმდინარეობდა მოლაპარაკებები ძაღლების ტრანსპორტირებაზე ბათუმში, ფოთში, ქუთაისსა და თბილისში არსებულ თავშესაფრებთან, თუმცა მათ ძაღლების მიღებაზე უარი განაცხადეს.



უპატრონო ცხოველების სიცო

ხლის მოსპობა დაუშვებელია, ეს ამ პრობლემის მოგვარების ყველაზე არამართებული და დანაშაულებრივი გზაა, საქართველოს სიხლის სამართლის კოდექსის 259-ე მუხლში ვკითხულობთ, რომ ცხოველისადმი სასტიკი მოპყრობა, რამაც მისი დაღუპვა ან დასახიჩრება გამოიწვია დასჯადია და დამამძიმებელ გარემოებებში ჩადენილი აღნიშნული ქმედება 2 წლამდე თავისუფლების აღკვეთას ითვალისწინებს.

სხვა ქვეყნებში არსებული პრაქტიკით, პრობლემის გადაჭრის გზა უპატრონო ცხოველების აცრა და მათი სტერილიზაციაა, რაც ძაღლების გამრავლების მაჩვენებელს შეამცირებს და მოსახლეობას ქუჩაში გადაადგილება უსაფრთხოდ შეეძლება. აღნიშნული პრაქტიკის საქართველოში დანერგვამდე და ბორჯომში უპატრონო ძაღლების თავშესაფრის საკითხის გადაჭრამდე მოსახლეობას ქუჩაში გადაადგილებაკვლავ უპატრონო ძაღლების თანხლებით მოუწევს.