ცეცხლი ადიგენის მუნიციპალიტეტის სოფელ უდეში, საცხოვრებელი სახლის სახურავს გაუჩნდა. შემთხვევის ადგილზე არავინ დაშავებულა. შსს საგანგებო სიტუაციების მართვის სააგენტოს ინფორმაციით, ხანძარი უკვე ლიკვიდირებულია. მომხდართან დაკავშირებით 112-ზე შეტყობინება, 22:07 საათზე შევიდა. სააგენტოს საზოგადოებასთან ურთიერთობის სამსახურის უფროსის - სოფიო კობაიძის განცხადებით, შემთხვევის ადგილზე მობილიზებული იყო ადგილობრივი სახანძრო-სამაშველო სამსახურის ბრიგადა.
გავრცელებული ინფორმაციით, ცეცხლი სახურავს შეშის ღუმელის საკვამურიდან მოედო. დამწვარია სახლის სახურავი, წყლის ჭავლისგან კი დაზიანდა ოთახები და ავეჯი. შსს-ს საზოგადოებასთან ურთიერთობის სამსახურის სპეციალისტმა ტელეკომპანია "ბორჯომთან" განაცხადა, რომ მომხდართან დაკავშირებით გამოძიება არ დაწყებულა.
"უმნიშვნელო ცეცხლი იყო , დროულად მოხდა მისი ლოკალიზება. ზარალი არ არის. ოჯახის წევრებს პრეტენზია არ აქვთ, შესაბამისად გამოძიება არ დაგვიწყია".
ნახევარსაუკუნოვანი წყალსადენის ქსელი ყვიბისში.
ლიკანის ისტორიული კომპლექსი საზოგადოებრივ სივრცედ იქცევა.
სოფლის ექიმის და მედიკამენტების პრობლემა ბალანთაში.
ყვიბისში მატარებლის მოსაცდელის რეაბილიტაციას ან დემონტაჟს ითხოვენ.
