ირანის საქართველოსთან მოლაპარაკებების მთავარი საგანი სომხეთის გავლით თხევადი ბუნებრივი აირით ვაჭრობაა. ამის შესახებ Tehran Times-ი წერს.
გამოცემის თანახმად, ირანის ბუნებრივი აირის ექსპორტის კომპანიის თავმჯდომარის, ალი რეზა ქემელის თქმით, ირანი საქართველოსთვის სომხეთის გავლით გათხევადებული ბუნებრივი აირის LNG-ის მიწოდებას გეგმავს. ქემელის თქმით, საქართველოსთვის მისაწოდებელი ბუნებრივი აირის დღიური მოცულობა 8.5 -14 მილიონი კუბური მეტრი იქნება. რეზა ქემელი აზუსტებს, რომ თხევადი ბუნებრივი აირი საქართველოსთვის არის განკუთვნილი და ის სხვა ქვეყნებში ექსპორტზე არ გავა.
„დეკემბერში, საქართველოს ენერგეტიკის მინისტრმა კახა კალაძემ განაცხადა, რომ საქართველო მზად არის ირანთან მოლაპარაკებები დაიწყოს ბუნებრივი აირისა და ელექტროენერგიის საკითხთან დაკავშირებით. ქართული მედიის მიხედვით კი, ქვეყანა ირანში წყლის ექსპორტის დაწყებას, ირანიდან კი გაზის მიღებას აპირებს“ - წერს გამოცემა.
ნახევარსაუკუნოვანი წყალსადენის ქსელი ყვიბისში.
ლიკანის ისტორიული კომპლექსი საზოგადოებრივ სივრცედ იქცევა.
სოფლის ექიმის და მედიკამენტების პრობლემა ბალანთაში.
ყვიბისში მატარებლის მოსაცდელის რეაბილიტაციას ან დემონტაჟს ითხოვენ.
