მეორე მსოფლიო ომის ქართველი მონაწილეების ნეშტი უკრაინაში აღმოაჩინეს.  სამცხე-ჯავახეთში სამამულო ომის მონაწილე 8 ჯარისკაცის ახლობლებსა და ნათესავებს ეძებენ.  ქართული მხარე აპირებს, რომ ჯარისკაცების ნათესავების პოვნის შემთხვევაში, ნეშტი საქართველოში გადმოასვენონ.

სამამულო ომის მონაწილეთა იდენტიფიცირება, ქართველი ჯარისკაცების წერილებითა და სამხედრო ტყვეთა ლაზარეთის სიის მიხედვით მოხერხდა, რომელიც  კიევის სამამულო ომის ისტორიის მუზეუმშია დაცული.

უკრაინაში სულ 500 ჯარისკაცია აღმოჩენილი, აქედან 8 სამცხე-ჯავახეთის მკვიდრია.

ქალაქ სლავუტის სამხედრო ტყვეთა ლაზარეთის რეესტრში აღრიცხული ჯარისკაცების სია:

1. არევაძე მიხეილი – ბორჯომი. დაბადებული 1919 წელს.  რეგისტრირებულია 19.12–1942 წ.

2. კაკაჩევი ქრისტო ივანეს ძე – ვალე. დაბადებული 1913 წელს. რეგისტრირებულია 20.06–1942წ.

3. ქეშიშიანი თერენიკ – ახალციხე. დაბადებული 1910 წელს. რეგისტრირებულია 14.07–1943წ.

4. ლოლაძე ან ლოლიძე კალისტრატე – ბორჯომი. დაბადებული 1913 წელს. რეგისტრირებულია 14.01–1943წ

5. მარქარიანი ატემეს – ნინოწმინდა. დაბადებული 1910 წელს. რეგისტრირებულია 04.12–1942 წ.

6. პარამაშვილი სერგო ესტარის ძე – წაღვერი. დაბადებული 1917 წელს. რეგისტრირებულია 10.07– 1943 წ.

7. საგატალიანი მამიკონ – ასპინძა, სოფელი დამალა. დაბადებული 1912 წელს. რეგისტრირებულია 26.08–1943 წ.

8. თვარაძე შალვა – ბაკურიანი. დაბადებული 1921 წელს. რეგისტრირებულია 16.12– 1942 წ.

სია მოწოდებულია კიევის სამამულო ომის ისტორიის მუზეუმის დირექტორის მიერ.