ახალციხეში კოსტავას ქუჩის #42 –ში მამაკაცის  დაჭრაში ეჭვმიტანილი დაკავებულია. შინაგან საქმეთა სამინისტროს ინფორმაციით, მას ბრალი საქართველოს  სისხლის სამართლის კოდექსის 118–ე მუხლით ედება, რაც ჯანმრთელობის განზრახ დაზიანებას გულისხმობს.

 თვითმხილველების თქმით დღის მეორე ნახევარში ახალციხის ცენტრალურ პარკში  ბათუმიდან ჩამოსულ 4 მამაკაცსა და სკვერში მომუშვე  პირებს შორის შელაპარაკება მოხდა, რომლის დროსაც დაზარალებული  ადგილობრივებს გამოექომაგა. ცოტა ხნის შემდეგ, დაზარალებულმა პარკის ტერიტორია დატოვა და იგი უკვე კოსტავას ქუჩაზე დაჭრილი ნახეს.

შეგახსენებთ, რომ შემთხვევა გუშინ, დაახლოებით 20:30 წუთზე, ახალციხეში მოხდა. დაჭრილია 1977 წელს დაბადებული მამაკაცი. მას მუცელში, გულ–მკერდის არესა და მკლავში ათამდე ჭრილობა აქვს მიყენებული. როგორც ,,უნიმედი სამცხეს” მედიკოსები ამბობენ, მდგომარეობა კრიტიკულია.

37 წლის  ახალციხელი მამაკაცის დაჭრასთან დაკავშირებით გამოძიება მიმდინარეობს.

წყარო: ტელეკომპანია მეცხრე არხი